Redmi Note 14s : రెడ్​మీ నోట్​ 14ఎస్​ ఫీచర్స్​ చూశారా?

రెడ్​మీ నుంచి కొత్త స్మార్ట్​ఫోన్​ తాజాగా అంతర్జాతీయ మార్కెట్​లో లాంచ్​ అయ్యింది. దీని పేరు రెడ్​మీ నోట్​ 14ఎస్​. ఇందులో 5000ఎంఏహెచ్​ బ్యాటరీ, 200ఎంపీ రేర్​ కెమెరాతో పాటు మరిన్ని ఎగ్జైటింగ్​ ఫీచర్స్​ ఉన్నాయి. ఇదొక 4జీ స్మార్ట్​ఫోన్​. ఈ నేపథ్యంలో ఈ స్మార్ట్​ఫోన్​ వివరాలను ఇక్కడ తెలుసుకోండి..

రెడ్​మీ నోట్​ 14ఎస్​- స్పెసిఫికేషన్స్​, ఫీచర్స్​..

రెడ్​మీ నోట్​ 14ఎస్ స్మార్ట్​ఫోన్​​లో డ్యూయెల్​ సిమ్​ ఉంటుంది. హైపర్​ఓఎస్​పై ఇది పనిచేస్తుంది. ఇందులో 6.67 ఇంచ్​ ఫుల్​ హెచ్​డీ+ అమోఎల్​ఈడీ స్క్రీన్​ ఉంటుంది. దీనికి కార్నరింగ్​ గొరిల్లా గ్లాస్​ 5 ప్రొటెక్షన్​ లభిస్తోంది.

ఈ రెడ్​మీ నోట్​ 14ఎస్​లో ఆక్టా-కోర్​ మీడియాటెక్​ హీలియో జీ99-యూ ప్రాసెసర్​ ఉంటుంది. రెడ్​మీ నోట్​ 13 ప్రోలోనూ ఇదే కనిపిస్తుంది. ఇక కొత్త స్మార్ట్​ఫోన్​.. 8జీబీ ర్యామ్​+ 256జీబీ స్టోరేజ్​ వేరియంట్​లో మాత్రమే అందుబాటులో ఉంది.

ఫొటోలు, వీడియోల కోసం రెడ్​మీ నోట్​ 14ఎస్​లో 200ఎంపీ ప్రైమరీ, 8ఎంపీ, 2ఎంపీ కెమెరా సెటప్​ రేర్​లో ఉంది. సెల్ఫీ కోసం 16ఎంపీ ఫ్రెంట్​ కెమెరా ఉంది. ఈ స్మార్ట్​ఫోన్​లో 4జీ ఎల్​టీఈ, వైఫై, బ్లూటూత్​ 5.2, ఎన్​ఎఫ్​సీ, యూఎస్​బీ టైప్​-సీ పోర్ట్​ వంటి కనెక్టివిటీ ఫీచర్లు ఉన్నాయి. ఇన్​-డిస్​ప్లే ఫింగర్​ప్రింట్​ సెన్సార్​ వస్తోంది. ఐపీ64 రేటింగ్​ కూడా ఉంది. ఇందులో 5000ఎంఏహెచ్​ బ్యాటరీ ఉంది. దీనికి 67వాట్​ ఛార్జింగ్​ ఆప్షన్​ వస్తోంది.

ఈ స్మార్ట్​ఫోన్​ బరువు 179గ్రాములు.

రెడ్​మీ నోట్​ 14ఎస్​- ధర..

చెక్​ రిపబ్లిక్​లో ఈ రెడ్​మీ నోట్​ 14ఎస్​ 5,999 సీజెడ్​కే ధరతో లాంచ్​ అయ్యింది. ఇండియన్​ కరెన్సీలో ఇది సుమారు రూ. 22,700. ఇక ఉక్రెయిన్​లో దీని ధర యూఏహెచ్​ 10,000. సుమారు రూ. 23,100. అరోరా పర్పుల్​, మిడ్​నైట్​ బ్లాక్​, ఓషన్​ బ్లూ కలర్స్​తో ప్రస్తుతానికి ఇది ఈ రెండు దేశాల్లో కొనుగోలుకు అందుబాటులో ఉంది.

రెడ్​మీ నోట్​ 14సీ..

ఇండియాలో కొన్ని నెలల క్రితం రెడ్​మీ నోట్​ 14సీ లాంచ్​ అయ్యింది. 6 జీబీ వరకు ర్యామ్, స్నాప్​డ్రాగన్ 4 జెన్ 2 చిప్​సెట్​ సహా శక్తివంతమైన ఇంటర్నల్స్ LPDDR4X తో ఇది లభిస్తుంది.

రెడ్​మీ 14సీలో 4ఎన్ఎం ఆధారిత క్వాల్కం స్నాప్​డ్రాగన్ 4 జెన్ 2 చిప్ సెట్ ఉంది. రెడ్​మీ 14సీ స్మార్ట్​ఫోన్​లో 6 జీబీ వరకు LPDDR4X ర్యామ్, 128 జీబీ స్టోరేజ్ ఉంటుంది.

బ్యాటరీ: రెడ్​మీ 14సీలో 18వాట్ ఫాస్ట్ ఛార్జింగ్ సపోర్ట్ చేసే 5160 ఎంఏహెచ్ భారీ బ్యాటరీ, 33వాట్ ఫాస్ట్ ఛార్జర్ ఉన్నాయి. సింగిల్ ఫుల్ చార్జింగ్​తో 22 గంటల వీడియో ప్లేబ్యాక్, 33 గంటల సోషల్ మీడియా వాడకం, 42 గంటల వాయిస్ కాల్స్ కోసం ఉపయోగించవచ్చు. పూర్తి వివరాల కోసం ఇక్కడ క్లిక్​ చేయండి.