Realme P3 : 20వేల బడ్జెట్​లో బెస్ట్​ స్మార్ట్​ఫోన్​! రియల్​మీ పీ3 లాంచ్​ రేపే..

రియల్​మీ పీ3 5జీ స్మార్ట్​ఫోన్​ మార్చ్​ 19న భారతదేశంలో లాంచ్​కానుంది. అయితే, అధికారిక లాంచ్​కి ముందు ఈ ఫోన్ ధర, అందుబాటులో ఉన్న ఆఫర్లు, దాని అద్భుతమైన స్పెసిఫికేషన్లకు సంబంధించిన కీలక వివరాలను కంపెనీ ధృవీకరించింది. ఈ నేపథ్యంలో ఈ మోడల్​ వివరాలను ఇక్కడ చూసేయండి..

రియల్​మీ పీ3 5జీ- ధర, ఆఫర్లు..

రూ.20,000లోపు ధరలో లభించే రియల్​మీ పీ1 5జీ బాటలోనే ఈ రియల్​మీ పీ3 5జీ కూడా అందుబాటులోకి రానుంది. రియల్​మీ పీ3 5జీ మూడు కాన్ఫిగరేషన్లలో లభిస్తుంది. అవి.. 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.16,999. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.17,999. 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.19,999. కామెట్ గ్రే, నెబ్యులా పింక్, స్పేస్ సిల్వర్ అనే మూడు కలర్ ఆప్షన్లలో ఈ ఫోన్ అందుబాటులో ఉండనుంది. ఈ ప్రైజ్​ పాయింట్​లో ఈ గ్యాడ్జెట్స్​ అట్రాక్టివ్​గా ఉన్నాయని మార్కెట్​ వర్గాలు భావిస్తున్నాయి.

బ్యాంక్ ఆఫర్లతో వినియోగదారులు రూ.14,999 ప్రారంభ ధరతోనే ఈ ఫోన్​ని సొంతం చేసుకోవచ్చు!

రియల్​మీ పీ3 5జీ సేల్ మార్చ్​ 19న ప్రారంభం కానుంది. భారత కాలమానం ప్రకారం సాయంత్రం 6 గంటల నుంచి రాత్రి 10 గంటల వరకు ఎర్లీ బర్డ్ సేల్ ఉంటుంది. రియల్​మీ అధికారిక వెబ్​సైట్, ఫ్లిప్​కార్ట్​, వివిధ రిటైల్ ఔట్​లెట్స్​ ద్వారా ఈ స్మార్ట్​ఫోన్​ అందుబాటులో ఉండనుంది.

అంతేకాదు, ఈ స్మార్ట్​ఫోన్​తో పాటు బడ్స్ ఎయిర్ 5ను రూ.1,499కు, బడ్స్ వైర్​లెస్ 5 ఏఎన్​సీని రూ.1,599కే కొనుగోలు చేయవచ్చు. రియల్​మీ కేర్ ప్లస్​పై అదనంగా రూ.500 ఎక్స్​ఛేంజ్ బోనస్, 50 శాతం డిస్కౌంట్ లభిస్తుంది.

రియల్​మీ పీ3 5జీ: స్పెసిఫికేషన్లు- ఫీచర్లు (అంచనా)

రియల్​మీ పీ3 5జీ స్మార్ట్​ఫోన్​ 120 హెర్ట్జ్ రిఫ్రెష్ రేట్, 2,000 మినిట్​ పీక్ బ్రైట్​నెస్, 92.65 శాతం స్క్రీన్-టు-బాడీ రేషియోతో అమోలెడ్ డిస్​ప్లేతో వస్తుంది. ఇది డిస్​ప్లే క్వాలిటీకి మంచి ఆప్షన్​ అవుతుంది. స్నాప్​డ్రాగన్ 6 జెన్ 4 5జీ చిప్​సెట్​తో ఈ ఫోన్​ పనిచేస్తుంది. డస్ట్​ అండ్​ వాటర్​ రెసిస్టెన్స్​ ఈ ఫోన్​లో ఐపీ69-రేటింగ్ కూడా ఉంటుంది.

ఈ స్మార్ట్​ఫోన్ 45వాట్ ఫాస్ట్ ఛార్జింగ్ సపోర్ట్​తో 6,000 ఎంఏహెచ్ భారీ బ్యాటరీతో పనిచేస్తుంది. ఏఐ మోషన్ కంట్రోల్, ఏఐ అల్ట్రా టచ్ కంట్రోల్ వంటి ఫీచర్లతో పాటు తీవ్రమైన గేమింగ్ సెషన్ల సమయంలో సమర్థవంతమైన థర్మల్ మేనేజ్​మెంట్ కోసం ఏరోస్పేస్-గ్రేడ్ వీసీ కూలింగ్ సిస్టమ్ వంటి ఫీచర్లతో రియల్​మీ గేమింగ్ అప్​గ్రేడ్స్​ని టీజ్​ చేసింది.

ఇక లాంచ్​ టైమ్​కి ఈ రియల్​మీ పీ3 5జీ స్మార్ట్​ఫోన్​ ఇతర ఫీచర్స్​పై క్లారిటీ వస్తుంది.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి.