Best flagship smartphones : ప్రీమియం ఫీచర్స్​తో వస్తున్న ఈ రెండు స్మార్ట్​ఫోన్స్​లో ఏది వాల్యూ ఫర్​ మని?

రాబోయే వారాల్లో రెండు దిగ్గజ సంస్థలకు చెందిన ఫ్లాగ్​షిప్​ స్మార్ట్​ఫోన్స్​ లాంచ్​కు రెడీ అవుతున్నాయి. అవి.. రియల్​మీ జీటీ 7 ప్రో, వన్​ప్లస్ 13! నవంబర్​ 28న రియల్​మీ గ్యాడ్జెట్​ లాంచ్​ అవుతుండగా, వన్​ప్లస్​ స్మార్ట్​ఫోన్​ రిలీజ్​ డేట్​పై ఇంకా క్లారిటీ లేదు. ఎప్పుడు లాంచ్​ అయినా, రెండు గ్యాడ్జెట్స్​ మధ్య తీవ్ర పోటీ ఖాయం! ఈ నేపథ్యంలో ఈ రెండు స్మార్ట్​ఫోన్స్​పై ఇప్పటివరకు ఉన్న వివరాలను ఇక్కడ తెలుసుకుందాము..

రియల్​మీ జీటీ 7 ప్రో వర్సెస్ వన్​ప్లస్ 13..

డిస్ ప్లే: రియల్​మీ జీటీ 7 ప్రో 6.78 ఇంచ్​ 1.5కే 8టీ ఎల్​టీపీఓ కర్వ్​డ్ డిస్​ప్లేతో రానుంది. ఈ డిస్​ప్లే హెచ్​డీఆర్ 10+, డాల్బీ విజన్, 2,600 హెర్ట్జ్ టచ్ శాంప్లింగ్ రేట్ వంటి సపోర్ట్​తో వస్తుంది. మరోవైపు వన్​ప్లస్​ 13 స్మార్ట్​ఫోన్స్​ 6.82 ఇంచ్​ 2కే+ అమోఎల్ఈడీ డిస్​ప్లే, 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్నెస్ ఉండవచ్చు. ఇది ప్రపంచంలోనే మొట్టమొదటి డిస్​ప్లే మేట్ ఏ++ రేటింగ్​తో వస్తుంది.

కెమెరా: రియల్​మీ జీటీ 7 ప్రో 50 మెగాపిక్సెల్ ప్రైమరీ కెమెరా, 3ఎక్స్ ఆప్టికల్ జూమ్​తో 50 మెగాపిక్సెల్ టెలిఫోటో లెన్స్, 8 మెగాపిక్సెల్ అల్ట్రావైడ్ కెమెరాతో ట్రిపుల్ కెమెరా సెటప్తో రానుంది. ముందు భాగంలో 16 మెగాపిక్సెల్ సెల్ఫీ కెమెరా ఉండనుంది.

వన్​ప్లస్ 13 ట్రిపుల్ కెమెరా సెటప్​తో రానుంది. ఇందులో 50 మెగాపిక్సెల్ మెయిన్ కెమెరా, 50 మెగాపిక్సెల్ టెలిఫోటో లెన్స్, 3ఎక్స్ ఆప్టికల్ జూమ్, 50 మెగాపిక్సెల్ అల్ట్రా వైడ్ కెమెరా. ఇందులో 32 మెగాపిక్సెల్ ఫ్రంట్ ఫేసింగ్ కెమెరా ఉండే అవకాశం ఉంది.

పర్ఫార్మెన్స్​: రియల్​మీ జీటీ 7 ప్రో- వన్​ప్లస్ 13 రెండూ స్నాప్​డ్రాగన్ 8 ఎలైట్ ప్రాసెసర్​తో పనిచేస్తాయి. భారత్​లో ఈ రెండు స్మార్ట్​ఫోన్స్​ 16 జీబీ ఎల్​పీడీడీఆర్​5ఎక్స్​ ర్యామ్, 1 టీబీ యూఎఫ్ఎస్ 4.0 వరకు స్టోరేజ్​ని అందించే అవకాశం ఉంది. అయితే వన్​ప్లస్ 13 చైనా వేరియంట్ 24 జీబీ ర్యామ్​ని అందిస్తోంది. అదనంగా, రెండు పరికరాలు ఏఐ ఫీచర్లు- టూల్స్​ను అందించవచ్చు.

బ్యాటరీ: భారతదేశంలో, రియల్​మీ జీటీ 7 ప్రో 120 వాట్ ఫాస్ట్ ఛార్జింగ్ కు సపోర్ట్ చేసే 5800 ఎంఏహెచ్ బ్యాటరీని కలిగి ఉంటుంది. వన్​ప్లస్ 13లో 100వాట్ సూపర్ వూక్ ఫాస్ట్ ఛార్జింగ్ సపోర్ట్ తో 6000 ఎంఏహెచ్ బ్యాటరీ ఉండనుంది.

ధర: చైనాలో రియల్​మీ జీటీ 7 ప్రో ప్రారంభ ధరను 3,699 యువాన్లుగా(సుమారు రూ.44,000) ప్రకటించింది. వన్​ప్లస్ 13 స్మార్ట్​ఫోన్​ని 4,499 యువాన్లుగా(రూ.53,000) నిర్ణయించారు. కాబట్టి, రియల్​మీ జీటీ 7ప్రో కంటే వన్​ప్లస్​ 13 ఖరీదైనది.