Ranveer Allahbadia : రణ్​వీర్​ అల్లాబాదియా నెట్​ వర్త్​ ఎంత? యూట్యూబ్​ ఆదాయం ఎంత?

ఇండియాస్​ గాట్​ లేటెంట్​ షోలో చేసిన వివాదాస్పద వ్యాఖ్యలతో ప్రముఖ యూట్యూబర్​ రణ్​వీర అల్లాబాదియాపై తీవ్రస్థాయిలో విమర్శలు వెల్లువెత్తుతున్నాయి. ప్రస్తుతం ఆయన చట్టపరమైన చర్యలను సైతం ఎదుర్కొంటున్నారు. మరోవైపు ఈ బీర్​బైసెప్స్​ యూట్యూబర్​ బ్రాండ్​ వాల్యూ కూడా పడిపోతూ వస్తోంది. ఓవైపు రణ్​వీర్​ పాడ్​క్యాస్ట్​లకు వెళ్లమని చాలా మంది ప్రముఖులు తేల్చిచెబుతుంటే.. మరోవైపు ఆయన యూట్యూబ్​ ఛానెల్స్​లో సబ్​స్క్రైబర్ల సంఖ్య రోజురోజుకు పడిపోతోంది. ఈ నేపథ్యంలో అసలు రణ్​వీర్​ అల్లాబాదియా నెట్​ వర్త ఎంత? యూట్యూబ్​తో వచ్చే ఆదాయం ఎంత? అని చాలా మంది తెలుసుకోవాలని చూస్తున్నారు. రణ్​వీర్​ నెట్​వర్క్​, నెలవారీ సంపాదన, జీవనశైలి సహా ఇతర విషయాలను ఇక్కడ చూడండి..

రణ్​వీర్​ అల్లబాదియా నెట్​వర్త్​ ఎంత?

నెట్​వర్త్​ : అల్లాబాదియా నెట్​వర్త్​ సుమారు రూ. 60 కోట్లు అని అంచనా.

నెలవారీ సంపాదన : యూట్యూబ్ ఆదాయం, బ్రాండ్ డీల్స్, పాడ్​క్యాస్ట్​, బిజినెస్​ వెంచర్లు సహా వివిధ వనరుల నుంచి ఆయన నెలవారీ సంపాదన రూ. 35లక్షల వరకు ఉంటుందని తెలుస్తోంది.

యూట్యూబ్ ద్వారా సంపాదన: 2014లో బీర్​బైసెప్స్ యూట్యూబ్ ఛానల్ ప్రారంభించిన అల్లాబాదియా ప్రస్తుతం మొత్తం 7 షోలు చేస్తున్నారు. యాడ్స్ ద్వారా నెలకు రూ.8-10 లక్షల వరకు సంపాదిస్తున్నారు.

బిజినెస్ వెంచర్స్: యూట్యూబర్ గానే కాకుండా.. రణ్​వీర్​ అల్లాబాదియా కంటెంట్ మార్కెటింగ్, టాలెంట్ మేనేజ్​మెంట్ సంస్థ అయిన మోంకే ఎంటర్​టైన్​మెంట్​ను స్థాపించారు. ఇది బ్రాండ్లను ఇన్ ఫ్లూయెన్సర్లతో కనెక్ట్ చేస్తుంది. స్వీయ-మెరుగుదల, ఉత్పాదకత, వ్యాపార వృద్ధిపై కోర్సులను అందించే విద్యా వేదిక బీర్​బైసెప్స్ స్కిల్​హౌస్​ని కూడా ఆయన ప్రారంభించారు. అదనంగా, గ్రూమింగ్ అండ్ లైఫ్ స్టైల్ బ్రాండ్ అయిన రాజ్​లో పాల్గొంటున్నారు.

కార్లు, ఇళ్లు, జీవనశైలి: రణ్​వీర్​ అల్లబాదియాకు రూ .34 లక్షల స్కోడా కొడియాక్ ఉంది. విలాసవంతమైన జుహు టెర్రస్ అపార్ట్​మెంట్​ను నెలకు రూ .5 లక్షలకు అద్దెకు తీసుకున్నారు.

అసలు వివాదం ఏంటి?

సమయ్ రైనా నిర్వహించే 'ఇండియాస్ గాట్ లాటెంట్' అనే షోలో పాల్గొన్న అల్లాబాదియా.. ఓ కంటెస్టెంట్​కు వివాదాస్పద ప్రశ్న వేశారు.

'మీ తల్లిదండ్రులు జీవితాంతం ప్రతిరోజూ శృంగారంలో పాల్గొనడం చూస్తారా? లేదా ఒక్కసారి వారితో చేరి శాశ్వతంగా ఆపేస్తారా?' అని ప్రశ్నించారు. ఈ వ్యాఖ్య అప్పటి నుంచి పెద్ద దుమారమే రేపింది. రణ్​వీర్​తో పాటు ఆ సమయంలో వేదికపై ఉన్న వారందరినీ విమర్శిస్తున్నారు.

ఈ షో తర్వాత అల్లాబాదియా ఒక్క రోజులోనే 2 మిలియన్లకు పైగా సబ్​స్క్రైబర్లను కోల్పోయింది. విరాట్ కోహ్లీ, యువరాజ్ సింగ్ సహా పలువురు ప్రముఖులు ఆయన్ని ఇన్​స్టాగ్రామ్​లో అన్​ఫాలో చేసినట్టు తెలుస్తోంది.

రణ్​వీర్ అల్లాబాడియా, సమయ్ రైనా, అపూర్వ మఖిజా, ఆశిష్ చంచ్లానీలతో పాటు షో నిర్మాతలపై ఎఫ్ఐఆర్ నమోదైంది.