Poco M7 Pro Discount : తక్కువ ధరలో మంచి ఫోన్ కొనాలనుకునేవారికి సూపర్ ఛాన్స్.. పోకో ఫోన్‌పై డిస్కౌంట్

పోకో బడ్జెట్ ధర ఫోన్‌లతో సంచలనం సృష్టిస్తోంది. ఫోన్లపై డిస్కౌంట్లను అందించడం ద్వారా కస్టమర్లను ఆకర్శించే ప్రయత్నం చేస్తోంది. దీని ప్రకారం పోకో ఎం7 ప్రో 5జీ ఫోన్‌పై ఆఫర్‌ నడుస్తోంది. ఈ ఫోన్ ఫ్లిప్‌కార్ట్‌లో 21 శాతం తగ్గింపుతో లభిస్తుంది. మీరు బడ్జెట్‌లో కొత్త ఫోన్ కొనాలని చూస్తున్నట్లయితే ఇది బెటర్ ఆప్షన్. ఈ ఫోన్ కొత్త ధర, స్పెసిఫికేషన్లను తెలుసుకుందాం.

పోకో ఎం7 ప్రో 5జీ రెండు స్టోరేజ్ ఆప్షన్లలో అమ్మకానికి ఉంటుంది. ఇందులో అనేక ఏఐ ఫీచర్లు ఉన్నాయి. మీడియాటెక్ డైమెన్సిటీ 7025 అల్ట్రా ప్రాసెసర్ పై పనిచేస్తుంది. ఈ ఫోన్‌లో 50 మెగాపిక్సెల్ సోనీ కెమెరా ఉంది. దీనికి 6.67-అంగుళాల డిస్‌ప్లే వస్తుంది. ఈ ఫోన్ ఆఫర్ గురించి చూద్దాం..

పోకో ఎం7 ప్రో 5జీ ఆఫర్

పోకో ఎం7 ప్రో 5జీ 6జీబీ ప్లస్ 128జీబీ స్టోరేజ్ వేరియంట్ రూ.14,999కి ఉంది. ఈ ఫోన్ అసలు 18,999. అంటే 21 శాతం డిస్కౌంట్ అందిస్తుంది.

8జీబీ ప్లస్ 256జీబీ స్టోరేజ్ వేరియంట్ ధర రూ.16,999గా నడుస్తుంది. ఈ ఫోన్ మీద 19 శాతం డిస్కౌంట్ ఉంది. దీని అసలు ధర రూ.20,999.

ఎంపిక చేసిన బ్యాంక్ కార్డులను ఉపయోగించి ఈ ఫోన్‌ను కొనుగోలు చేస్తే మీరు రూ. 750 తగ్గింపు పొందుతారు. ఈ మొబైల్ లావెండర్ ఫ్రాస్ట్ రంగులలో కొనుగోలుకు అందుబాటులో ఉంది. ఆన్‌లైన్ షాపింగ్ సైట్ ఫ్లిప్‌కార్ట్‌లో మీరు ఈ ఆఫర్‌లన్నింటినీ సద్వినియోగం చేసుకోవచ్చు.

పోకో ఎం7 ప్రో 5జీ ఫీచర్లు

పోకో ఎం7 ప్రో 5జీ స్మార్ట్‌ఫోన్ 6.67-అంగుళాల ఫుల్ హెచ్‌డీ ప్లస్ అమోల్ఈడీ డిస్‌ప్లేను కలిగి ఉంది. ఇది 120Hz రిఫ్రెష్ రేట్, 1080 × 2400 పిక్సెల్ రిజల్యూషన్, 2100 నిట్స్ గరిష్ట బ్రైట్‌నెస్‌కు సపోర్ట్ ఇస్తుంది. ఈ డిస్‌ప్లే కార్నింగ్ గొరిల్లా గ్లాస్ 5 సేఫ్టీని కలిగి ఉంది.

పోకో ఎం7 ప్రో ఫోన్‌లో 50 మెగాపిక్సెల్ సోనీ కెమెరా ఉంది. అదేవిధంగా ఎల్ఈడీ ఫ్లాష్‌తో కూడిన 2 మెగాపిక్సెల్ సెకండరీ కెమెరా అందుబాటులో ఉంది. ఈ ఫోన్‌లో సెల్ఫీలు, వీడియో కాలింగ్ కోసం 20-మెగాపిక్సెల్ ఫ్రంట్ కెమెరా ఉంది. ఈ స్మార్ట్‌ఫోన్ 5110mAh బ్యాటరీని కలిగి ఉంది. ఇది ఛార్జ్ చేయడానికి 45W ఫాస్ట్ ఛార్జింగ్ సౌకర్యం అందించారు.

పోకో ఎం7 ప్రో 5జీ మొబైల్ స్ప్లాష్‌లు, దుమ్ము నుండి రక్షణ కోసం ఐపీ64 రేటింగ్‌ను కలిగి ఉంది. దీనికి ఇన్-డిస్ప్లే ఫింగర్ ప్రింట్ సెన్సార్ కూడా ఉంది.