7,550ఎంఏహెచ్​ బ్యాటరీతో పోకో కొత్త స్మార్ట్​ఫోన్​- సూపర్​ పర్ఫార్మెన్స్​!

ప్రముఖ స్మార్ట్​ఫోన్​ తయారీ​ సంస్థ పోకో నుంచి కొత్త గ్యాడ్జెట్​ ఇండియాలో లాంచ్​కు రెడీ అవుతోంది. దాని పేరు పోకో ఎఫ్​7. 7,550 ఎంఏహెచ్​ బ్యాటరీ ఇందులో ఉండటం హైలైట్​! ఈ పర్ఫార్మెన్స్​ ఓరియెంటెడ్​ స్మార్ట్​ఫోన్​ ఈ నెల 24న ఇండియాలో అడుగుపెట్టబోతోంది. ఈ నేపథ్యంలో ఈ మోడల్​ ఫీచర్లు వంటి వివరాలను ఇక్కడ తెలుసుకోండి..

పోకో ఎఫ్​7- బ్యాటరీ, ఛార్జింగ్​ స్పీడ్​..

పోకో ఎఫ్​7కి సంబంధించి, ఫ్లిప్​కార్ట్​లో ఒక ప్రమోషనల్​ పేజ్​ యాక్టివ్​ అయ్యింది. దాని ద్వారా పలు ఆసక్తికర విషయాలు బయటకు వచ్చాయి. ఈ స్మార్ట్​ఫోన్​ భారీ 7,550 ఎంఏహెచ్​ బ్యాటరీని కలిగి ఉంటుంది. 90W ఫాస్ట్ ఛార్జింగ్‌కు మద్దతు ఇస్తుంది. ఇది సిలికాన్-కార్బన్ బ్యాటరీ అని ఫ్లిప్‌కార్ట్ ధృవీకరించింది. అందుకే సాధారణ 5,000 ఎంఏహెచ్​ బ్యాటరీ కంటే దాదాపు 50 శాతం ఎక్కువ సామర్థ్యాన్ని అందిస్తుంది.

అంతేకాకుండా, ఈ పోకో ఎఫ్​7తో ఫుల్ ఛార్జ్‌పై 2.18 రోజుల వరకు సాధారణ వినియోగాన్ని పొందవచ్చని బ్రాండ్ పేర్కొంది. బ్యాటరీ తన సామర్థ్యంలో 80 శాతం నిలుపుకుంటూ 1,600 సైకిళ్ల వరకు రేట్ అవుతుంది. ఈ డివైజ్ 22.5డబ్ల్యూ రివర్స్ ఛార్జింగ్‌కు కూడా మద్దతు ఇస్తుంది. దీని ద్వారా వైర్‌లెస్ ఇయర్‌బడ్స్, స్మార్ట్‌వాచ్‌లు, ఇతర యాక్సెసరీలను ఛార్జ్ చేయవచ్చు.

• రూ. 20వేల బడ్జెట్​లో బెస్ట్​ స్మార్ట్​ఫోన్​ లిస్ట్​ గురించి తెలుసుకునేందుకు ఇక్కడ క్లిక్​ చేయండి.

పోకో F7 గురించి ఇంకేం తెలుసు?

వివిధ గీక్‌బెంచ్ లీక్‌ల ప్రకారం.. పోకో ఎఫ్​7 స్నాప్‌డ్రాగన్ 8ఎస్​ జెన్​ 4 చిప్‌సెట్, 12 జీబీ ర్యామ్​తో రావచ్చు అని నివేదికలు సూచిస్తున్నాయి. ఈ డివైజ్‌లో 120 హెచ్​జెడ్​ సపోర్ట్‌తో 6.83-ఇంచ్​ అమోఎల్​ఈడీ డిస్‌ప్లే, 50-మెగాపిక్సెల్ ప్రైమరీ కెమెరా, 8-మెగాపిక్సెల్ అల్ట్రా-వైడ్ కెమెరా ఉండవచ్చని నివేదికలు చెబుతున్నాయి.

ఈ డివైజ్ డ్యూయెల్-టోన్ రూపాన్ని కలిగి ఉంటుంది. ఎడమ వైపు పైన భాగంలో నిలువు కెమెరా మాడ్యూల్ ఉంటుంది.

ఈ పోకో ఎఫ్​7 ధరకు సంబంధించిన వివరాలు ప్రస్తుతం అందుబాటులో లేవు. లాంచ్​ నాటికి ఈ విషయంపై క్లారిటీ వస్తుంది. ఆ వివరాలను మేము మీకు అప్డేట్​ చేస్తాము. స్టే ట్యూన్డ్​!

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..