Poco F7 : పోకో ఎఫ్7​ సిరీస్​ నుంచి రెండు కొత్త స్మార్ట్​ఫోన్స్​- లాంచ్​ డేట్​ ఫిక్స్​..

పోకో తన ఎఫ్7 సిరీస్ అధికారిక లాంచ్ తేదీని ధృవీకరించింది. పోకో ఎఫ్7 ప్రో, పోకో ఎఫ్7 అల్ట్రా స్మార్ట్​ఫోన్స్​ మార్చ్​ 27న సింగపూర్​లో జరిగే ఒక కార్యక్రమంలో లాంచ్​ అవుతాయి. పోకో గ్లోబల్ సోషల్ మీడియా ఛానెళ్ల ద్వారా ఈ విషయాన్ని ప్రకటించారు. ఈ స్మార్ట్​ఫోన్​లకు సంబంధించిన వివిధ వివరాలు ఇప్పటికే లీకుల ద్వారా బయటకు వచ్చినప్పటికీ, ఈ డివైజ్లలో ఏమి ఉండబోతుందో ఈ ఈవెంట్ పూర్తి లుక్​ని అందిస్తుంది. కంపెనీ షేర్ చేసిన తాజా ఫోటోలో ఎఫ్7 అల్ట్రా యెల్లో, బ్లాక్ కలర్ వేరియంట్లలో ఉంది. ఈ నేపథ్యంలో ఈ గ్యాడ్జెట్స్​కి సంబంధించి ఇప్పటివరకు ఉన్న వివరాలను ఇక్కడ తెలుసుకుందాము..

పోకో ఎఫ్7 ప్రో, ఎఫ్7 అల్ట్రా: ఫీచర్లు (ఆంచనా)

నివేదికల ప్రకారం.. పోకో ఎఫ్7 ప్రో స్మార్ట్​ఫోన్​ స్నాప్​డ్రాగన్ 8 జెన్ 3 ప్రాసెసర్​తో నడిచే రెడ్​మీ కే80 మాడిఫైడ్ వెర్షన్! మరోవైపు, పోకో ఎఫ్7 అల్ట్రా స్నాప్​డ్రాగన్​ 8 ఎలైట్ చిప్సెట్​ని కలిగి ఉన్న రెడ్​మీ కే80 ప్రో వెర్షన్ కావచ్చు. ఈ రెండు మోడళ్లలో 6.67 ఇంచ్​ అమోఎల్ఈడీ డిస్​ప్లే, 2కే రిజల్యూషన్ (3200×1440 పిక్సెల్స్), 120 హెర్ట్జ్ రిఫ్రెష్ రేట్, 3200 నిట్స్ వరకు పీక్​ బ్రైట్​నెస్​ ఉండే అవకాశం ఉంది.

రెండు డివైజ్​ల బ్యాటరీ సామర్థ్యాలు వాటి రెడ్​మీ ప్రత్యర్థుల కంటే కొద్దిగా భిన్నంగా ఉంటాయని అంచనా. ఎఫ్7 ప్రోలో 6000 ఎంఏహెచ్ బ్యాటరీ, ఎఫ్7 అల్ట్రాలో 5300 ఎంఏహెచ్ బ్యాటరీ ఉండే అవకాశం ఉంది. రెండు స్మార్ట్​ఫోన్స్​ ఆకట్టుకునే స్పీడ్​ ఛార్జింగ్​కి​ సపోర్ట్ చేయనున్నాయి. ఎఫ్7 ప్రో 90 వాట్ ఫాస్ట్ ఛార్జింగ్, ఎఫ్7 అల్ట్రా 120 వాట్ వైర్డ్ ఛార్జింగ్- 50 వాట్ వైర్లెస్ ఛార్జింగ్​ని అందిస్తుంది. ఆండ్రాయిడ్ 15 ఆధారిత హైపర్ ఓఎస్ 2 ఆపరేటింగ్ సిస్టంపై ఈ ఫోన్లు పనిచేయనున్నాయి.

పోకో ఎఫ్7 ప్రోలో ట్రిపుల్ కెమెరా వ్యవస్థ, 50 మెగాపిక్సెల్ లైట్ ఫ్యూజన్ 800 మెయిన్ సెన్సార్ విత్ ఓఐఎస్, 8 మెగాపిక్సెల్ అల్ట్రా-వైడ్ లెన్స్, 20 మెగాపిక్సెల్ ఫ్రంట్ కెమెరా ఉన్నాయి. మరోవైపు ఎఫ్7 అల్ట్రాలో ఓఐఎస్​తో కూడిన 50 మెగాపిక్సెల్ ప్రైమరీ కెమెరా, 50 మెగాపిక్సెల్ టెలిఫోటో లెన్స్, 32 మెగాపిక్సెల్ అల్ట్రా-వైడ్ కెమెరా, 32 మెగాపిక్సెల్ సెల్ఫీ కెమెరా ఉండవచ్చు. ఈ రెండు మోడళ్లు డస్ట్ అండ్ వాటర్ రెసిస్టెన్స్ కోసం ఐపీ68 రేటింగ్ కలిగి ఉంటాయని భావిస్తున్నారు. బహుళ రంగుల్లో లభిస్తాయి. అధికారిక లాంచ్ ఈవెంట్​లో మరిన్ని వివరాలు పంచుకోనున్నారు.

పోకో ఎఫ్7 సిరీస్​లో పోకో ఎఫ్7 కూడా ఉంటుంది! ఇందులో స్నాప్​డ్రాగన్ 8ఎస్ ఎలైట్ చిప్ ఉంటుందని భావిస్తున్నారు. చైనా కోసం రాబోయే రెడ్​మీ టర్బో 4 ప్రో రీబ్రాండెడ్ వెర్షన్​గా భావిస్తున్న ఈ మోడల్ క్యూ2 లో భారతదేశంలో లాంచ్ అయ్యే అవకాశం ఉంది.

ఈ పోకో కొత్త స్మార్ట్​ఫోన్స్​కి సంబంధించిన ధరల వివరాలు ప్రస్తుతం అందుబాటులో లేవు. లాంచ్​ నాటికి అవి తెలిసే అవకాశం ఉంది.