LPG cylinder price : ఎల్​పీజీ గ్యాస్​ సిలిండర్​ ధర తగ్గింపు.. మహిళలకు మోదీ కానుక!

LPG cylinder price reduced : బ్రేకింగ్​ న్యూస్​! కోట్లాది మంది భారతీయులకు తీపి కబురును ఇచ్చారు ప్రధానమంత్రి నరేంద్ర మోదీ. మహిళా దినోత్సవం నేపథ్యంలో.. ఎల్​పీజీ గ్యాస్​ సిలిండర్​ ధరను తగ్గించేందుకు తమ ప్రభుత్వం నిర్ణయం తీసుకుందని ప్రకటించారు మోదీ. వంట గ్యాస్​ సిలిండర్​ ధరను రూ. 100 కట్​ చేస్తున్నట్టు తెలిపారు.

ఎల్​పీజీ సిలిండర్​ ధర తగ్గింపు నిర్ణయం.. ముఖ్యంగా మహిళలకు చాలా లబ్ధిచేకూర్చుతుందని అభిప్రాయపడ్డారు మోదీ.

PM Modi LPG gas cylinder price : "ఈరోజు మహిళా దినోత్సవం. ఈ నేపథ్యంలో ఎల్​పీజీ సిలిండర్​ ధరను రూ. 100 తగ్గించాలని ప్రభుత్వం నిర్ణయించింది. దేశంలోని కోట్లాది మంది ఆర్థిక భారాన్ని ఇది తగ్గిస్తుంది. ముఖ్యంగా.. నారీ శక్తికి ఇది చాలా ప్రయోజనకరం," అని ట్వీట్​ చేశారు ప్రధాని మోదీ. మహిళల అభ్యున్నతి కోసం తమ ప్రభుత్వం ఈ నిర్ణయం తీసుకుందని అన్నారు.

"వంట గ్యాస్​ మరింత చౌకగా చేయడంతో కుటుంబాల ఆరోగ్యానికి మద్దతివ్వాలన్న మా లక్ష్యం నెరవేరుతోంది. మహిళల అభ్యున్నతికి, సులభతర జీవితానికి మేము కట్టుబడి ఉన్నామని నిరూపిస్తోంది," అని మోదీ తెలిపారు.

2024 లోక్​సభ ఎన్నికలకు ముందు గ్యాస్​ సిలిండర్​ ధరను తగ్గిస్తున్నట్టు మోదీ ప్రకటించడం గమనార్హం.

LPG gas price in Hyderabad : మరోవైపు.. ఏప్రిల్​ 1 నుంచి ఉజ్వల యోజన కింద రూ. 300 గ్యాస్​ సిలిండర్​ సబ్సిడీని పేద మహిళలకు ఇస్తున్నట్టు గురువారం ప్రకటించింది కేంద్రం.

రూ. 200గా ఉన్న 14.2 కేజీల సిలిండర్​ సబ్సిడీని.. గతేడాది అక్టోబర్​లో రూ. 300లకు (ఏడాదికి 12 ఫిల్లింగ్స్​) పెంచింది కేంద్రం. అది.. మార్చ్​ 31తో ముగియాల్సి ఉంది. కానీ దానిని ఎక్స్​టెండ్​ చేస్తున్నట్టు కేంద్రం వెల్లడించింది.

హైదరాబాద్​లో గ్యాస్​ సిలిండర్​ ధర ఎంత?

LPG gas price today Hyderabad : మోదీ ప్రకటనకు ముందు.. గత ఏడాది ఆగస్టు 30 నుంచి డొమెస్టిక్ గ్యాస్ సిలిండర్ల ధరల్లో ఎలాంటి మార్పు లేదు. హైదరాబాద్‌లో 14.2 కిలోల సబ్సిడీ ఎల్​పీజీ సిలిండర్ ధర రూ. 955గా ఉంది. నేటి ప్రకటన తర్వాత గ్యాస్ సిలిండర్ ధర రూ. 855కు తగ్గనుందని గ్రహించాలి. ఆంధ్ర ప్రదేశ్, తెలంగాణ రాష్ట్రాల్లో వంట గ్యాస్​ సిలిండర్​ ధర ఇంచుమించుగా ఇదే విధంగా ఉంది.

LPG gas cylinder price hike : అయితే.. ప్రభుత్వ రంగ చమురు మార్కెటింగ్ కంపెనీలు.. 19 కిలోల వాణిజ్య ఎల్​పీజీ గ్యాస్ సిలిండర్ల ధరలను మార్చ్​ 1న పెంచాయి. రూ. 25 పెంచుతున్నట్టు ప్రకటించాయి. ఫలితంగా.. ఢిల్లీలో.. 19 కిలోల కమర్షియల్ గ్యాస్ సిలిండర్ రిటైల్ ధర రూ.1,795కు చేరింది. ముంబైలో నేటి నుంచి 19 కిలోల సిలిండర్ ధర రూ.1,749గా ఉంది. చెన్నై, కోల్​కతాలో కమర్షియల్ ఎల్​పీజీ గ్యాస్ సిలిండర్ ధర వరుసగా రూ.1,960, రూ.1,911కు పెరిగాయి. పూర్తి వివరాల కోసం ఇక్కడ క్లిక్​ చేయండి.