Honda Amaze : బడ్జెట్​ ధరకే సూపర్​ ఫీచర్స్​.. పక్కా ఫ్యామిలీ సెడాన్​ ఇది!

హోండా అమేజ్ ఫేస్​లిఫ్ట్ తాజాగా ఇండియాలో లాంచ్​ అయ్యింది. ఇండియన్ సబ్-కాంపాక్ట్ సెడాన్ మార్కెట్​లోకి రూ .8 లక్షల నుంచి రూ .10.9 లక్షల మధ్య (రెండు ధరలు ఎక్స్-షోరూమ్) గ్రాండ్ ఎంట్రీ ఇచ్చింది. 2024 హోండా అమేజ్ సెగ్మెంట్-ఫస్ట్ లెవల్-2 ఏడీఏఎస్ (అడ్వాన్స్​డ్​ డ్రైవర్ అసిస్టెన్స్ సిస్టమ్స్) సూట్​తో పాటు సరికొత్త ఫీచర్లతో నిండి ఉంది. అమేజ్ ఇప్పుడు వీ, వీఎక్స్, జెడ్ఎక్స్ అనే మూడు వేరియంట్లలో లభిస్తుంది. వీటి ఫీచర్స్​, ధరల వివరాలను ఇక్కడ తెలుసుకుందాము..

హోండా అమేజ్: వీ..

హోండా అమేజ్​ ఫేస్​లిఫ్ట్​ బేస్ వీ వేరియంట్​లో ప్లాస్టిక్ కవర్లతో కూడిన 14 ఇంచ్​ స్టీల్ వీల్స్, డీఆర్ ఎల్​లతో కూడిన ఎల్​ఈడీ ప్రొజెక్టర్ హెడ్ లైట్లు, ఎల్​ఈడీ టెయిల్ లైట్లు, షార్క్​ఫిన్ యాంటీనా, బాడీ కలర్ ఓఆర్​వీఎం వంటి ఫీచర్లు ఉన్నాయి.

కారు లోపల వైర్​లెస్ ఆండ్రాయిడ్ ఆటో, యాపిల్ కార్ ప్లేతో కూడిన 8 ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్, ఎంఐడితో 7 ఇంచ్​ సెమీ-డిజిటల్ డ్రైవర్ డిస్​ప్లే, ఫ్యాబ్రిక్ అప్​హోలిస్టరీ, కప్ హోల్డర్లతో రేర్​ ఆర్మ్ రెస్ట్, మాన్యువల్​గా కంట్రోల్ చేయగల ఏసీ, వాయిస్ కమాండ్స్, స్టీరింగ్ మౌంటెడ్ కంట్రోల్స్ ఈ సెడాన్​లో ఉన్నాయి. టిల్ట్ అడ్జెస్టెబుల్ స్టీరింగ్, ప్యాడిల్ షిఫ్టర్లు (సీవీటీలో మాత్రమే), కీలెస్ ఎంట్రీ, ఎలక్ట్రిక్ ట్రంక్ లాక్, ప్రయాణీకులందరికీ ఎలక్ట్రిక్ పవర్ విండోస్, 6 ఎయిర్ బ్యాగులు, ఐసోఫిక్స్ చైల్డ్ సీట్ మౌంట్లు ఉన్నాయి.

సేఫ్టీ కిట్​లో ఏబీఎస్ విత్ ఈబీడీ, ట్రాక్షన్ కంట్రోల్, ఎలక్ట్రానిక్ స్టెబిలిటీ కంట్రోల్, హిల్ స్టార్ట్ అసిస్ట్, డే/నైట్ ఐఆర్​వీఎమ్, రేయర్ పార్కింగ్ సెన్సార్లు ఉన్నాయి.

ఆధునిక ఫీచర్లు, ప్రాథమిక భద్రతా పరికరాలను కోరుకుని, బడ్జెట్ చూసుకునే కొనుగోలుదారులకు ఈ వేరియంట్ అనువైనది. మాన్యువల్ ట్రాన్స్​మిషన్ కలిగిన హోండా అమేజ్ వీ ధర రూ .8 లక్షలు (ఎక్స్-షోరూమ్), సీవీటీ ఉన్న హోండా అమేజ్ వీ ధర రూ .9.2 లక్షలు (ఎక్స్-షోరూమ్).

హోండా అమేజ్: వీఎక్స్..

2024 హోండా అమేజ్​ వీఎక్స్ వేరియంట్.. వీ వేరియంట్​తో పోల్చితే మరింత సౌకర్యం, సౌలభ్యం కోసం మరింత ప్రీమియం ఫీచర్లను జోడిస్తుంది. 14 ఇంచ్​ వీలస్​ స్థానంలో స్టైలిష్ 15 ఇంచ్​ అల్లాయ్ వీల్స్ ను అమర్చారు. ఎల్ఈడీ ప్రొజెక్టర్ ఫాగ్ లైట్లు, ఆటోమేటిక్ హెడ్ లైట్లు, పవర్ ఫోల్డబుల్ ఓఆర్​వీఎంలను ఎక్స్​టీరియర్​కి జోడించారు.

వీఎక్స్ వేరియంట్ ఇంటీరియర్ వైర్​లెస్ ఫోన్ ఛార్జర్, రేర్ ఏసీ వెంట్స్, రేర్ డీఫాగర్, పుష్-బటన్ స్టార్ట్ / స్టాప్, సీవీటీ వెర్షన్ కోసం రిమోట్ ఇంజిన్ స్టార్ట్ సామర్థ్యంతో వస్తుంది. మాన్యువల్ ఏసీని ఆటోమేటిక్ క్లైమేట్ కంట్రోల్ సిస్టమ్​తో ఇక్కడ మార్చారు. స్పీకర్ సెటప్​ను 6-స్పీకర్ సిస్టమ్​కు అప్​గ్రేడ్ చేశారు. ఈ డ్యాష్ బోర్డు శాటిన్ మెటాలిక్ గార్నిష్​ను కలిగి ఉంది. వీఎక్స్ ట్రిమ్ స్థాయిలో అలెక్సా కంపాటబిలిటీ కూడా ఉంది. లేన్ వాచ్ కెమెరా, రేర్ డీఫాగర్. రేర్ వ్యూ కెమెరాతో ఈ ట్రిమ్ లెవల్​లో అదనపు భద్రత కూడా ఉంది.

బ్యాలెన్స్​డ్ ప్రైస్ ట్యాగ్​తో ఫీచర్ రిచ్ సెడాన్ కావాలనుకునే వారికి వీఎక్స్ వేరియంట్ పర్ఫెక్ట్ గా ఉంటుంది. అమేజ్ వీఎక్స్ మాన్యువల్ ట్రాన్స్​షన్ కోసం రూ .9.10 లక్షలు (ఎక్స్-షోరూమ్), సివిటి కోసం రూ .10 లక్షలు (ఎక్స్-షోరూమ్) గా లభిస్తుంది.

హోండా అమేజ్: జెడ్ఎక్స్..

సరికొత్త హోండా అమేజ్​ సెడాన్​ టాప్-స్పెక్ జెడ్ఎక్స్ ట్రిమ్ ప్రధానంగా లెవల్-2 ఏడీఏఎస్ సూట్ కోసం చూస్తున్న వారికి ఉపయోగపడుతుంది. ఇందులో డ్యూయల్-టోన్ 15-ఇంచ్​ అల్లాయ్ వీల్స్​ వస్తున్నాయి.

భద్రత పరంగా జెడ్ఎక్స్ ట్రిమ్ ఇప్పటికే వీఎక్స్ ట్రిమ్​లో అందించిన ఫీచర్లతో పాటు అడాప్టివ్ క్రూయిజ్ కంట్రోల్​తో హోండా సెన్సింగ్ ఏడీఏఎస్ సూట్​ను జోడిస్తుంది.

అమేజ్ జెడ్ఎక్స్ మాన్యువల్ గేర్​బాక్స్​ రూ .9.70 లక్షలు (ఎక్స్-షోరూమ్), సీవీటీ గేర్​బాక్స్​ రూ .10.9 లక్షలకు (ఎక్స్-షోరూమ్) లభిస్తాయి.