Firecracker insurance : రూ. 9 కడితే రూ. 25వేలు.. దీపావళి కోసం ఫోన్​పే కొత్త ఇన్సూరెన్స్​

దీపావళి నేపథ్యంలో యూపీఐ పేమెంట్స్​ దిగ్గజం ఫోన్​పే కొత్త ఇన్సూరెన్స్​ ప్లాన్​ని తీసుకొచ్చింది. బాణాసంచా కాల్చుతున్న సమయంలో ప్రమాదవశాత్తు గాయాలైతే, హాస్పిటల్​ ఖర్చులకు ఉపయోగపడే విధంగా ఈ 'ఫైర్​క్రాకర్​ ఇన్సూరెన్స్​'ని ఫోన్​పే లాంచ్​ చేసింది. ఇందులో రూ. 9 కడితే, రూ. 25వేల వరకు బీమా కవరేజ్​ లభిస్తుంది. ఈ ఫోన్​పే కొత్త ఇన్సూరెన్స్​ వివరాలను ఇక్కడ తెలుసుకోండి..

ఫోన్​పేలో దీపావళి ఇన్సూరెన్స్​..

ఈ ఫోన్​పే కొత్త ఇన్సూరెన్స్​ వాలిడీటీ 10 రోజులు ఉంటుంది. దీపావళికి ముందు, అక్టోబర్​ 25 నుంచి దేశవ్యాప్తంగా ఈ బీమా అందుబాటులోకి వస్తుంది. జీఎస్టీతో కలుపుకుని రూ. 9కే ఈ ఇన్సూరెన్స్​ లభిస్తోంది.

బాణాసంచా సంబంధిత ప్రమాదాలను ఇది కవర్​ చేస్తుంది. దురదృష్టవశాత్తు ఏదైనా ప్రమాదం జరిగితే, హాస్పిటల్- వైద్యం ఖర్చుల కోసం యూజర్స్​ రూ. 25వేల వరకు క్లెయిమ్​ చేసుకోవచ్చు. కేవలం ఒక్క నిమిషంలోనే పాలసీని కొనుగోలు చేసే విధంగా దీన్ని ఫోన్​పే రూపొందించింది.

ఇదీ చూడండి:- Child Insurance Policy: పిల్లల పేరుతో పాలసీలు, ఆస్తులు కొంటున్నారా..!ఈ జాగ్రత్తలు మరువకండి

ఈ ఫోన్​పే దీపావళి ఫైర్​క్రాకర్​ ఇన్సూరెన్స్​లో ఒక ఫీచర్​ హైలైట్​! మీరు బీమా తీసుకుంటే, మీతో పాటు మీ కుటుంబంలోని ముగ్గురికి (భార్య, ఇద్దరు పిల్లలు) ఈ ఇన్సూరెన్స్​ కవర్​ అవుతుంది. ఫలితంగా మీరు దీపావళిని ప్రశాంతంగా ఎంజాయ్​ చేయడానికి ఉంటుందని యూపీఐ పేమెంట్స్​ లెజెండ్​ చెబుతోంది.

దీపావళి సీజన్​ చివరి వరకు ఈ ఫోన్​పే ఫైర్​క్రాకర్​ ఇన్సూరెన్స్​ని కొనుగోలు చేసుకోవచ్చు. కొనుగోలు చేసిన దగ్గర నుంచి కవరేజ్​ ప్రారంభమవుతుంది.

ఫోన్​పై దీపావళి ఇన్సూరెన్స్​ని ఇలా తీసుకోండి..

స్టెప్​ 1:- ఫోన్​పే యాప్​ ఓపెన్​ చేయండి. ఇన్సూరెన్స్​ సెక్షన్​లోకి వెళ్లండి.

స్టెప్​ 2:- 'ఫైర్​క్రాకర్​ ఇన్సూరెన్స్​' ఆప్షన్​ మీ క్లిక్​ చేయండి.

స్టెప్​ 3:- ప్లాన్​ డీటైల్స్​ని చదవండి. రూ. 9 ప్రీమియం, రూ. 25వేల కవరేజ్​ వంటి వివరాలను తెలుసుకోండి.

స్టెప్​ 4:- పాలసీదారుల వివరాలను ఫిల్​ చేయండి. పేమెంట్​ చేయండి. అంతే!

ఈ ప్లాన్​తో చౌకైన ధరకే కుటుంబాలకు ఇన్సూరెన్స్​ని ఇవ్వాలని ఫోన్​పై చూస్తోంది. ఎప్పుడు ఏం జరుగుతుందో చెప్పలేము! ప్రతియేటా బాణాసంచా సంబంధిత ప్రమాదాలు పెరుగుతూనే ఉన్నాయి. ఇవి నిత్యం వార్తల్లో కనిపిస్తూనే ఉంటాయి. అందుకే బీమాలు తీసుకోవడం మంచి విషయం అని చాలా మంది భావిస్తున్నారు. ఈ ఫోన్​పే కొత్త ఇన్సూరెన్స్​ గురించి తెలుసుకున్న చాలా మంది.. రూ. 9 చెల్లిస్తున్నారు.

“పండగ సమయంలో కొత్త బీమాని తీసుకొస్తుండటం చాలా సంతోషంగా ఉంది. ఇప్పుడు మీరు నిశ్చితంగా మీ కుటుంబంతో వేడుకలు చేసుకోవచ్చు. ఈ ఇన్సూరెన్స్​ మీకు మంచి కవరేజ్​ ఇస్తుంది,” అని ఫోన్​పే ఇన్సూరెన్స్​ బ్రోకింగ్​ సర్వీస్​ సీఈఓ విశాల్​ గుప్తా చెప్పారు.