Personal loans vs credit cards : ఈ రెండింట్లో ఏది తీసుకుంటే మనకి బెటర్​?

Personal loans vs credit cards which is best : ఆర్థిక అవసరాల కోసం కొందరు పర్సనల్​ లోన్​ తీసుకుంటారు. ఇంకొందరు క్రెడిట్​ కార్డ్​ వాడుకుంటారు. అయితే.. ఏ పరిస్థితుల్లో ఏది ఎంచుకోవాలి? దేని వల్ల మనకి అధిక ప్రయోజనం చేకూరుతుంది? వంటి వివరాలను ఇక్కడ తెలుసుకుందాము..

పర్సనల్​ లోన్​ వర్సెస్​ క్రెడిట్​ కార్డు..

క్రెడిట్​ కార్డులో క్రెడిట్​ లిమిట్​ ఉంటుంది. మినిమమ్​ పేమెంట్​ చేస్తున్నంత కాలం.. ఆ లిమిట్​ని ఎన్నిసార్లైనా వాడుకోవచ్చు. బిల్లింగ్​ సైకిల్​ చివర్లో స్టేట్​మెంట్​ జనరేట్​ అవుతుంది. సరైన సమయంలో డబ్బులు కట్టేస్తే.. వడ్డీ పడదు.

కానీ పర్సనల్​ లోన్​ విషయంలో అలా ఉండదు. ఒకేసారి భారీ మొత్తంలో డబ్బులు అందుతాయి. ఇన్​స్టాల్​మెంట్​ ద్వారా ప్రతి నెలా వాటిని తీర్చేయాలి. ఈ ఇన్​స్టాల్​మెంట్​ పీరియడ్​.. సాధారణంగా 1 ఏడాది- 7ఏళ్ల మధ్యలో ఉంటుంది. అంతేకాదు.. దీనిపై వడ్డీ కూడా పడుతుంది.

ఏది ఎప్పుడు తీసుకోవాలి?

పర్సనల్​ లోన్:-​ పర్సనల్ ​లోన్​లో లంప్​సమ్​ అమౌంట్​ వస్తుంది. కాబట్టి.. అనుకోని, అత్యవసర ఖర్చులు ఏర్పడినప్పుడు.. పర్సనల్​ లోన్​ని తీసుకోవచ్చు. ఇంటి పనికోసమో, సొంత ఖర్చుల కోసమో వాడుకోవచ్చు.

Personal loans vs credit cards : అంతేకాకుండా.. అధిక వడ్డీతో కూడిన లోన్స్​ని తీర్చేందుకు.. ఒకేసారి పర్సనల్​ లోన్​ని తీసుకోవచ్చు. అయితే.. ఈ పర్సనల్​ లోన్​ అనేది తక్కువ వడ్డీకి రావాలి. ఇలా చేస్తే.. మీ మీద ఆర్థిక భారం కూడా తగ్గుతుంది.

పర్సనల్​ లోన్​లో ఫిక్స్​డ్​ ఇన్​స్టాల్​మెంట్స్​ ఉంటాయి. క్రెడిట్​ కార్డులతో పోల్చితే.. వడ్డీ రేటు తక్కువగానే ఉంటుంది. ఎప్పటికప్పుడు డబ్బులు కడుతుంటే.. క్రెడిట్​ స్కోర్​ కూడా పెరుగుతుంది. ఇవన్నీ అడ్వాంటేజ్​లు.

అయితే.. పర్సనల్​ లోన్​లో కొన్ని నష్టాలు కూడా ఉన్నాయి. ప్రతి రోజు ఖర్చుల కోసం పర్సనల్​ లోన్​ తీసుకోకూడదు. పైగా.. వీటి అప్లికేషన్​ ప్రాసెస్​, రీపేమెంట్​ స్ట్రక్చర్​.. క్రెడిట్​ కార్డుతో పోల్చితే కష్టంగా ఉంటుంది. సరైన సమయానికి డబ్బులు కట్టకపోతే.. క్రెడిట్​ స్కోర్​ దెబ్బతింటుంది.

When should you consider using a personal loan : క్రెడిట్​ కార్డు:- రోజువారీ ఖర్చులు.. అంటే.. గ్రాసరీ, గ్యాస్​, ఎలక్ట్రిసిటీ, ఆన్​లైన్​ షాపింగ్​ కోసం క్రెడిట్​ కార్డులు వాడటం మంచి ఆప్షన్​ అవుతుంది. ప్రతి నెలా ఇన్​స్టెంట్​గా క్రెడిట్​ లిమిట్​ వస్తుంది కాబట్టి.. మాటిమాటికి కొత్త లోన్​ని అప్లై చేయాల్సిన పని ఉండదు. క్రెడిట్​ కార్డులతో లబ్ధిపొందాలంటే.. ఎప్పటికప్పుడు తీసుకున్న డబ్బులను డ్యూ డేట్​కి ముందే కట్టేయాలి. ఫలితంగా.. వడ్డీ పడదు.

అంతేకాకుండా.. ఈ మధ్య కాలంలో అనేక కంపెనీలు.. క్రెడిట్​ కార్డులపై రివార్డ్స్​ కూడా ఇస్తాయి. వాటిని.. ట్రావెల్​, రెస్టారెంట్​, షాపింగ్​లో ఉపయోగించుకుని బిల్లులను తగ్గించుకోవచ్చు.

కానీ క్రెడిట్​ కార్డును సరిగ్గా వాడటం తిలిస్తేనే.. దానిని తీసుకోవాలి! లేకపోతే.. మీపై ఆర్థిక భారం ఎక్కువగా ఉంటుంది. మరీ ముఖ్యంగా.. ఎంత ఖర్చు చేస్తున్నామో ఐడియా లేకపోతే.. కార్డులో నుంచి డబ్బులు వెళిపోతూనే ఉంటాయి. వాటిని మళ్లీ కట్టేందుకు మీరు ఇబ్బందులు పడాల్సి ఉంటుంది.

When should you consider using a credit card : ఇక క్రెడిట్​ కార్డులపై వసూలు చేసి వడ్డీ.. చాలా చాలా చాలా ఎక్కువగా ఉంటుంది. అప్పులను మేనేజ్​ చేయలేని వారు.. ఈ వడ్డీని చూసే భయపడిపోతూ ఉంటారు.

అందుకే.. పర్సనల్​ లోన్​, క్రెడిట్​ కార్డులకు సంబంధించి, పూర్తి వివరాలను తెలుసుకున్న తర్వాతే.. మీరు ముందడుగు వేయాలి. లేకపోతే.. భవిష్యత్తులో చాలా కష్టపడాల్సి ఉంటుంది.