Personal loans tips : వ్యాపారులు సులభంగా పర్సనల్ లోన్ పొందాలంటే ఇలా చేయాలి..
Personal loans for self-employed : వ్యాపారులు, స్వయం ఉపాధి గల వారికి పర్సనల్ లోన్ ఇస్తారా? అంటే ఇస్తారనే చెప్పాలి. కానీ దీని చుట్టు చాలా సవాళ్లు ఉన్నాయి. వాటి గురించి, వాటి నుంచి బయటపడాలంటే ఏం చేయాలి? వంటి వివరాలను ఇక్కడ తెలుసుకోండి..
డబ్బు అవసరాల కోసం పర్సనల్ లోన్ తీసుకోవడం సాధారణమైన విషయం. వేతన జీవులకు సులభంగా దొరికే పర్సనల్ లోన్, వ్యాపారులు- స్వయం ఉపాధి ఉన్న వారు ఈజీగా పొందలేరు. దీనికి ఎన్నో కారణాలు ఉన్నాయి. ఆ కారణాలతో పాటు ఎలాంటి చర్యలు తీసుకుంటే వ్యాపారులు సైతం పర్సనల్ లోన్ని సులభంగా పొందొచ్చు వంటి వివరాలను ఇక్కడ తెలుసుకుందాము..
వ్యాపారులకు పర్సనల్ లోన్- సవాళ్లు..
1. అస్థిరమైన ఆదాయం: అస్థిరమైన నగదు ప్రవాహం, తద్వారా పడిపోయే రీపేమెంట్ సామర్థ్యం వంటివి పర్సనల్ లోన్ ఇచ్చే బ్యాంకులకు అలరంగా ఉంటాయి.
2. అధిక వడ్డీ రేట్లు: నెలవారీ ఫిక్స్డ్ జీతం లేకపోయినా వ్యాపారులకు బ్యాంకులు పర్సనల్ లోన్ ఇచ్చినప్పటికీ, అవి అధిక వడ్డీ రేట్లతో వస్తాయి. ఇది ఆర్థిక భారానికి దారితీస్తుంది.
3. మరిన్ని డాక్యుమెంట్లు అవసరం: రుణాలు మంజూరు చేయడానికి బ్యాంకులను ఒప్పించడానికి, స్వయం ఉపాధి పొందుతున్న వ్యక్తులు ఎక్కువ డాక్యుమెంట్స్ సమర్పించాల్సి ఉంటుంది.
4. తక్కువ కాలపరిమితి: బ్యాంకులు సాధారణంగా వ్యాపారులు, స్వయం ఉపాధి రుణగ్రహీతలకు తక్కువ రుణ చెల్లింపు వ్యవధిని అందిస్తాయి. ఫలితంగా ఇన్స్టాల్మెంట్ డబ్బులు ఎక్కువగా ఉంటాయి.
5. వాస్తవ ఆదాయం: చాలా మంది స్వయం ఉపాధి వ్యక్తులు పన్ను ప్రయోజనాల కోసం ఆదాయాన్ని తక్కువగా నివేదిస్తారు. ఇది వారి రుణ అర్హతను దెబ్బతీస్తుంది.
ఈ సవాళ్లను అధిగమించడానికి పాటించాల్సిన 7 టిప్స్:
1. అధిక క్రెడిట్ స్కోర్: క్రెడిట్ స్కోర్ ఎక్కువగా ఉండటం తప్పనిసరి. సిబిల్ స్కోర్ 700 కంటే ఎక్కువ ఉంటే వ్యాపారులు, స్వయం ఉపాధి గల వారు పర్సనల్ లోన్ పొందే అవకాశాలు పెరుగుతాయి.
2. ఫైనాన్షియల్ డాక్యుమెంట్లు: బ్యాంకులకు తరచుగా స్వయం ఉపాధి వ్యక్తుల నుంచి మరింత విస్తృతమైన డాక్యుమెంటేషన్ అవసరం. ఈ డాక్యుమెంట్లలో స్థిరమైన నగదు ప్రవాహాన్ని చూపించడానికి కనీసం 2 నుంచి 3 సంవత్సరాల ఆదాయపు పన్ను రిటర్న్స్ (ఐటిఆర్), 6 నుంచి 12 నెలల బ్యాంక్ స్టేట్మెంట్లు అడుగుతారు. వీటితో పాటు బ్యాంకులకు ప్రాఫిట్ అండ్ లాస్ స్టేట్మెంట్లు, భవిష్యత్ ఆదాయాన్ని సూచించే ఖాతాలు అవసరం కావచ్చు.
3. ఆదాయ వృద్ధి: గత కొన్నేళ్లుగా స్థిరమైన లేదా పెరుగుతున్న ఆదాయానికి బ్యాంకులు ప్రాధాన్యత ఇస్తాయి. ఒకవేళ హెచ్చుతగ్గులకు లోనైతే సపోర్టింగ్ డాక్యుమెంట్లతో వివరించాలి. అదనంగా, కనీసం 2 నుంచి 3 సంవత్సరాలుగా విజయవంతంగా నడుస్తున్న వ్యాపారం.. రుణదాతలకు భరోసా ఇస్తుంది.
4. పూచీకత్తు: స్థిరమైన ఆదాయం లేదా మంచి క్రెడిట్ ఉన్న సహ-సంతకందారు (కో సైనర్) మీ దరఖాస్తును మెరుగుపరచవచ్చు. సెక్యూర్డ్ రుణాలు (ఆస్తి లేదా పెట్టుబడులు వంటి ఆస్తుల మద్దతుతో) తరచుగా తక్కువ వడ్డీ రేట్లు, సులభమైన ఆమోదాన్ని కలిగి ఉంటాయి.
5. రుణదాతను తెలివిగా ఎంచుకోండి: సాంప్రదాయ బ్యాంకులకు సాధారణంగా కఠినమైన డాక్యుమెంటేషన్ అవసరం. కానీ మంచి రేట్లను అందించవచ్చు. దీనికి విరుద్ధంగా, ఫిన్టెక్ రుణదాతలు సాధారణంగా సరళమైన ప్రమాణాలను కలిగి ఉంటారు కాని అధిక వడ్డీ రేట్లను వసూలు చేస్తారు.
6. తక్కువ రుణం: అధిక డెట్-టు-ఇన్కమ్ (డీటీఐ) రేషియో మీ అవకాశాలను దెబ్బతీస్తుంది. కాబట్టి, రుణం- ఆదాయ నిష్పత్తి 40 శాతం కంటే తక్కువ ఉండేడట్టు చూసుకోండి.
7. బ్యాంకుతో సంబంధాలు: మీకు ఇప్పటికే ఖాతా ఉన్న బ్యాంకులు మీకు రుణం ఇచ్చేందుకు ముందుకు రావొచ్చు.
సంబంధిత కథనం