వడ్డీ రేట్లే కాదు- లోన్​ తీసుకునేటప్పుడు ఇవి కూడా దృష్టిలో పెట్టుకోవాలి..

ఇటీవలి కాలంలో పర్సనల్​ లోన్​ తీసుకుంటున్న వారి సంఖ్య పెరుగుతోంది. అవసరం ఏదైనా, పర్సనల్​ లోన్​వైపు మొగ్గుచూపుతున్నారు. బ్యాంకులు సైతం త్వరితగతిన లోన్​లు మంజూరు చేస్తున్నాయి. అయితే, సాధారణంగా పర్సనల్​ లోన్​ తీసుకునేటప్పుడు వడ్డీ రేట్లను మాత్రమే చూస్తుంటాము. కానీ వ్యక్తిగత రుణం విషయంలో వడ్డీ రేట్లతో పాటు మరికొన్ని అంశాలను పరిగణలోకి తీసుకోవాల్సి ఉంటుంది. ఈ అంశాల్లో ప్రాసెసింగ్ ఛార్జీలు, బ్యాంకు లేదా రుణదాతల విశ్వసనీయత, హిడెన్​ ఛార్జీలు వంటివి ఉంటాయి. వాటి వివరాలు..

పర్సనల్​ లోన్​ టిప్స్​- ఇవి కూడా పరిశీలించాలి..

I. ప్రాసెసింగ్ ఛార్జీలు: మీరు పర్సనల్​ లోన్​ కోసం దరఖాస్తు చేసినప్పుడు, రుణదాత రుణ మొత్తంలో కొంత భాగాన్ని ప్రాసెసింగ్ ఛార్జీలుగా వసూలు చేస్తారు. కొన్ని సందర్భాల్లో, ఈ ప్రాసెసింగ్ ఛార్జీలు 5 శాతం వరకు ఉండవచ్చు! కాబట్టి, ఒక బ్యాంక్ తక్కువ వడ్డీని వసూలు చేసినా, ప్రాసెసింగ్ ఛార్జీలు ఎక్కువగా ఉంటే, అది మీకు భారంగా మారవచ్చు. మీరు ఆశించినంత డబ్బులు అందకపోవచ్చు.

II. రుణదాతల విశ్వసనీయత: లోన్​ తీసుకుంటున్న సంస్థ విశ్వసనీయత మరొక ముఖ్యమైన అంశం. సాధారణంగా, సౌకర్యవంతమైన నిబంధనలతో రుణాలు అందించే ప్రసిద్ధ బ్యాంకింగ్ సంస్థలను మొదట సంప్రదించడం మంచిది.

లేదంటే, మీరు ఎన్‌బీఎఫ్‌సీ (నాన్-బ్యాంకింగ్ ఫైనాన్షియల్ కార్పొరేషన్) లేదా ఆర్‌బీఐ (రిజర్వ్ బ్యాంక్ ఆఫ్ ఇండియా) నియంత్రించే సంస్థలు భాగస్వామ్యం చేసుకునే లెండింగ్ సర్వీస్ ప్రొవైడర్ (ఎల్​ఎస్​పీ) లను కూడా సంప్రదించవచ్చు. తెలియని, అనుమతి లేని యాప్స్​ నుంచి సులభంగా లోన్​లు పొందవచ్చు. కానీ వడ్డీ వసూలు విషయంలో చాలా తీవ్ర పరిణామాలు ఎదుర్కోవాల్సి ఉంటుంది.

III. హిడెన్​ ఛార్జీలు: కొన్ని రుణదాతలు హిడెన్​ ఛార్జీలను కూడా విధిస్తుంటారు. మీరు సంతకం చేసే ముందు నిబంధనలు, షరతులను క్షుణ్ణంగా చదవడం చాలా ముఖ్యం. అదనంగా, మీరు వ్యక్తిగత రుణ ఈఎంఐ కాలిక్యులేటర్ ను ఉపయోగించి కాలపరిమితి, రుణ మొత్తం, వడ్డీ రేటును పరిగణనలోకి తీసుకున్న తర్వాత అసలు ఈఎంఐ ఎంత అవుతుందో తనిఖీ చేయవచ్చు.

మీ ఈఎంఐ, కాలిక్యులేటర్ చూపిన దానికంటే ఎక్కువగా ఉంటే, హిడెన్​ ఛార్జీలు ఉన్నాయని అర్థం.

IV. కస్టమర్ సర్వీస్: చివరిగా, కస్టమర్ సర్వీస్ అనేది మీరు రుణదాతను ఎంపిక చేసుకునేటప్పుడు పరిగణించాల్సిన మరో కీలక అంశం. మీ స్నేహితులను అడగవచ్చు, రెడ్డిట్, యూట్యూబ్, ఎక్స్ సహా ఇతర సోషల్ మీడియా ప్లాట్‌ఫామ్‌లలో సమీక్షలను చెక్​ చేయవచ్చు. ఆ తర్వాత ఒక మంచి నిర్ణయం తీసుకోవచ్చు.

పర్సనల్​ లోన్​ గురించి మరిన్ని వివరాలు తెలుసుకునేందుకు ఇక్కడ క్లిక్​ చేయండి.

(గమనిక- ఇది సమాచారం కోసం రూపొందించిన కథనం మాత్రమే. పర్సనల్​ లోన్​ తీసుకోవడం రిస్కీ అని గుర్తుపెట్టుకోండి.)