Penny Stock : ఈ పెన్నీ స్టాక్ 15 రోజుల్లో 53 శాతం పెరిగింది.. ఇప్పటివరకు 3సార్లు బోనస్ షేర్ల పంపిణీ

పెన్నీ స్టాక్ రామా స్టీల్ ట్యూబ్స్ కొన్ని రోజులుగా ఇన్వెస్టర్లు లాభాలను తీసుకొస్తుంది. ఈ కంపెనీ షేర్లు బుధవారం దాదాపు 10 శాతం లాభపడి రూ.15.47 వద్ద ముగిశాయి. మంగళవారం కంపెనీ షేరు రూ.14.07 వద్ద ముగిసింది. రామా స్టీల్ ట్యూబ్స్ షేరు 52 వారాల గరిష్ట స్థాయి రూ.17.51గా ఉంది. అదే సమయంలో కంపెనీ షేరు 52 వారాల కనిష్ట స్థాయి 9.91 రూపాయలుగా ఉంది. ఈ సంస్థ ఇటీవల రెండు పెద్ద ప్రకటనలు చేసింది. 2016 నుంచి రామా స్టీల్ ట్యూబ్స్ తన వాటాదారులకు మూడు సార్లు బోనస్ షేర్లను బహుమతిగా ఇచ్చింది.

పెన్నీ స్టాక్ రామా స్టీల్ ట్యూబ్స్ గత 15 రోజుల్లో 53 శాతానికి పైగా లాభపడింది. 26 ఆగస్టు 2024న రామా స్టీల్ ట్యూబ్స్ షేరు రూ.10.10 వద్ద ఉంది. సెప్టెంబర్ 11, 2024 నాటికి కంపెనీ షేరు రూ.15.47కు చేరుకుంది. గత 5 రోజుల్లో రామా స్టీల్ ట్యూబ్స్ షేర్లు 21 శాతం పెరిగాయి. కంపెనీ మార్కెట్ క్యాప్ రూ.2315 కోట్లకు చేరింది.

కంపెనీ 3 సార్లు బోనస్ షేర్లను పంపిణీ చేసింది. రామా స్టీల్ ట్యూబ్స్ 2016 నుండి 3 సార్లు తన వాటాదారులకు బోనస్ షేర్లను ఇచ్చింది. స్మాల్ క్యాప్ కంపెనీ 2016 మార్చిలో 4:1 నిష్పత్తిలో బోనస్ షేర్లను ఇచ్చింది. అంటే ప్రతి 1 షేరుకు 4 బోనస్ షేర్లను కంపెనీ ఇచ్చింది. ఇనుము, ఉక్కు ఉత్పత్తుల పరిశ్రమలో ఉన్న ఈ సంస్థ 2023 జనవరిలో మళ్లీ 4:1 నిష్పత్తిలో బోనస్ షేర్లను పంపిణీ చేసింది. 2024 మార్చిలో 2:1 నిష్పత్తిలో రామా స్టీల్ ట్యూబ్స్ బోనస్ షేర్లను ఇచ్చింది. అంటే ప్రతి 1 షేరుకు 2 బోనస్ షేర్లను కంపెనీ తన వాటాదారులకు ఇచ్చింది.

స్మాల్ క్యాప్ కంపెనీ రామా స్టీల్ ట్యూబ్స్ ఇప్పుడు రక్షణ రంగంలోకి అడుగుపెడుతోంది. రక్షణ రంగం కోసం కంపెనీ తన పూర్తి యాజమాన్యంలోని యూనిట్ రామా డిఫెన్స్ ప్రైవేట్ లిమిటెడ్ ను సృష్టించింది. ఈ సంస్థ 2024 సెప్టెంబరు 2న కార్పొరేట్ వ్యవహారాల మంత్రిత్వ శాఖ నుండి సర్టిఫికేట్ ఆఫ్ ఇన్‌కార్పొరేషన్ పొందింది. వీటితో పాటు ఓనిక్స్ రెన్యూవబుల్స్‌తో కూడా రామా స్టీల్ ట్యూబ్స్ భాగస్వామ్యం కుదుర్చుకుంది. సోలార్ ప్రాజెక్టుల కోసం ఓనిక్స్ రెన్యూవబుల్స్‌కు స్టీల్ స్ట్రక్చర్స్, సింగిల్ యాక్సిస్ ట్రాకర్లను కంపెనీ సరఫరా చేయనుంది.

గమనిక : ఇది పెట్టుబడి సలహా కాదు. స్టాక్ పనితీరు గురించి మాత్రమే. స్టాక్ మార్కెట్ లో పెట్టుబడి పెట్టడం రిస్క్ తో కూడుకున్న పని. నిపుణుల సలహా తీసుకోండి.