OPPO Find X8 Ultra : అదిరిపోయే కెమెరా ఫీచర్స్​తో ఒప్పో ఫైండ్​ ఎక్స్​8 అల్ట్రా..

ఏప్రిల్​లో ఫైండ్ ఎక్స్8 అల్ట్రాను ఆవిష్కరించడానికి సన్నాహాలు చేసుకుంటోంది ఒప్పో. ఈ స్మార్ట్​ఫోన్ కెమెరా సెటప్ ఇప్పటికే మంచి బజ్​ను సృష్టించింది. ఈ నేపథ్యంలో ఒప్పో ఫైండ్​ సిరీస్​ హెడ్​ ఝౌ యిబావో ఒక క్రేజీ అప్డేట్​ ఇచ్చారు. ఈ స్మార్ట్​ఫోన్​ కెమెరా సిస్టెమ్​ స్నీక్​పీక్​ని అందించారు. ఇందులో 5 సెన్సార్లు ఉన్నాయి. ఒప్పోకు ఇది చాలా కొత్త విషయం! తమ గ్యాడ్జెట్స్​లో ఫొటోగ్రఫీని మెరుగుపరిచేందుకు ఒప్పో ప్లాన్​ చేస్తున్నట్టు ఇది స్పష్టం చేస్తోంది.

ఒప్పో ఫైండ్ ఎక్స్8 అల్ట్రా: కెమెరా ఫీచర్లు (రివీల్)

రాబోయే ఒప్పో ఫైండ్ ఎక్స్8 అల్ట్రా స్మార్ట్​ఫోన్​ ఫోటోగ్రఫీ అనుభవాన్ని మెరుగుపరిచే లక్ష్యంతో అధునాతన కెమెరా ఫీచర్లతో రానుంది. మరింత ఖచ్చితమైన ఇమేజింగ్, కలర్​ రీప్రొడక్షన్​ని అందించడానికి రూపొందించిన మల్టీ-స్పెక్ట్రల్ సెన్సార్ ఇందులో ఒకటి. మంచి స్కిన్ టోన్​లతో పోర్ట్రెయిట్​లను క్యాప్చర్ చేయడం ప్రాముఖ్యతను ఝౌ యిబావో నొక్కి చెప్పారు. ఈ వినూత్న హార్డ్​వేర్ కెమెరా పనితీరును గణనీయంగా పెంచుతుందని పేర్కొన్నారు. కెమెరా సెన్సర్లలో, ఈ ఫోన్ రెండు శక్తివంతమైన టెలిఫోటో లెన్స్​ని కలిగి ఉంటుంది. 50 మెగాపిక్సెల్ 1 / 1.56- ఇంచ్​ సోనీ ఐఎంఎక్స్ 906 సెన్సార్ విత్ 3ఎక్స్ జూమ్, 50 మెగాపిక్సెల్ 1/2- ఇంచ్​ సోనీ ఎల్​వైటీ -600 సెన్సార్ మాక్రో సామర్థ్యాలతో 6ఎక్స్ జూమ్​ని అందిస్తుంది. ఈ సెన్సార్లు వినియోగదారుల వైవిధ్యమైన ఫోటోగ్రఫీ అవసరాలను తీర్చే వివరణాత్మక, శక్తివంతమైన చిత్రాలను అందిస్తాయని భావిస్తున్నారు.

1-ఇంచ్​ సోనీ ఎల్​వైటీ-900 సెన్సార్​తో 50 మెగాపిక్సెల్ కెమెరా, 50 మెగాపిక్సెల్ అల్ట్రా-వైడ్ కెమెరాను కలిగి ఉంటుంది. స్మార్ట్​ఫోన్​లో ఈ చేర్పులు మెరుగైన ఫలితాలను అందిస్తాయి. ముఖ్యంగా పోర్ట్రెయిట్ షాట్లు, వైడ్-యాంగిల్ ఫోటోలకు, అధిక-నాణ్యత ఫోటోగ్రఫీ కోసం ఫైండ్ సిరీస్ ఖ్యాతిని మరింత బలోపేతం చేస్తుంది.

ఒప్పో ఫైండ్ ఎక్స్ 8 అల్ట్రా: డిస్​ప్లే- పనితీరు (అంచనా)

ఫైండ్ ఎక్స్8 అల్ట్రా స్మార్ట్​ఫోన్​లో 6.82 ఇంచ్​ క్వాడ్ హెచ్​డీ + అమోఎల్​ఈడీ స్క్రీన్​ని కలిగి ఉంటుంది. గేమింగ్ లేదా మీడియాను చూడటం వంటి సున్నితమైన విజువల్స్​ని అందిస్తుంది. స్నాప్​డ్రాగన్ 8 ఎలైట్ ఎస్ఓసీతో పనిచేసే ఈ ఫోన్ 16 జీబీ ర్యామ్, 1 టీబీ స్టోరేజ్​ని అందించనుంది. ఇంటెన్సివ్ టాస్క్​లు, పెద్ద మొత్తంలో డేటాను ఈ ఫోన్ హ్యాండిల్ చేయగలదని సమాచారం. 6000 ఎంఏహెచ్ బ్యాటరీ, 100వాట్ వైర్డ్, 50వాట్ వైర్లెస్ ఛార్జింగ్ ఆప్షన్లతో పాటు ఫాస్ట్ ఛార్జింగ్ సామర్థ్యాలతో బ్యాటరీ లైఫ్ కూడా ఆకట్టుకుంటుంది.

ఒప్పో.. ఫైండ్ ఎక్స్ 8 అల్ట్రాతో మన్నికపై కూడా దృష్టి సారించింది. వాటర్​- డస్ట్​ రెసిస్టెన్స్​ కోసం ఐపీ68, ఐపీ69 రేటింగ్​ని కలిగి ఉంటుంది. లెదర్ వేరియంట్ కూడా సుమారు 8ఎంఎం మందంతో లభిస్తుంది. ఇది వినియోగదారులకు ప్రీమియం అనుభూతిని అందిస్తుంది. అదనంగా, కస్టమ్ వైబ్రేషన్ మోటార్ హాప్టిక్ ఫీడ్ బ్యాక్​ను మెరుగుపరుస్తుందియ మరింత ఆకర్షణీయమైన వినియోగదారు అనుభవాన్ని అందిస్తుంది.