చాట్​జీపీటీలో కొత్త ‘ఏఐ ఏజెంట్​’.. నిమిషాల్లో కొడింగ్​- బగ్స్​ కూడా ఫిక్స్​ చేస్తుంది!

వివిధ కోడింగ్ సంబంధిత పనులపై ఏకకాలంలో పని చేయగలిగే కొత్త క్లౌడ్ ఆధారిత సాఫ్ట్​వేర్ ఇంజనీరింగ్ ఏజెంట్​ని చాట్జీపీటీలో ప్రారంభించింది ఓపెన్ఏఐ. సంస్థ ప్రకారం.. ఈ కొత్త ‘కోడెక్స్​’ టూల్ ఫీచర్లను రాయడం, బగ్స్​ని పరిష్కరించడం, యూజర్ కోడ్​బేస్ గురించి ప్రశ్నలకు సమాధానం ఇవ్వడం వంటి టాస్క్​లను చేస్తుంది. ప్రతి టాస్క్​కి సొంత శాండ్​బాక్స్​ (ప్రైవేట్ కోడింగ్ ఎన్విరాన్​మెంట్​)ని ఉపయోగించుకుంది.

ఇక చాట్​జీపీటీలో కోడింగ్​..!

ఈ కోడెక్స్​.. ఓపెన్​ఏఐ లేటెస్ట్​ రీజనింగ్​ మోడల్​ ఓ3పై ఆధారపడి ఉంటుంది. సాఫ్ట్​వేర్​ ఇంజినీరింగ్​ సంబంధిత టాస్క్​ల కోసం ఆప్టిమైజ్​ చేయడం జరిగింది. "మానవ శైలి, పీఆర్ ప్రాధాన్యతలను దగ్గరగా ప్రతిబింబించే, సూచనలకు ఖచ్చితంగా కట్టుబడి ఉండి, ఉత్తీర్ణత ఫలితాన్ని పొందే వరకు పరీక్షలను నిర్వహించగల" కోడ్​ని సృష్టించడానికి రియల్​ వరల్డ్​ కోడింగ్ పనులపై ఈ నమూనాకు శిక్షణ ఇచ్చినట్లు ఓపెన్ఎఐ తెలిపింది.

ఓపెన్ఏఐ సీఈఓ సామ్ ఆల్ట్​మెన్​ కోడెక్స్ విడుదలను ఎక్స్ (గతంలో ట్విట్టర్) లో ఒక పోస్ట్​ ద్వారా ప్రకటిస్తూ, "ఇలాంటి సాధనాలతో ఒక వ్యక్తి ఎంత సాఫ్ట్​వేర్​ని సృష్టించగలడో తెలుసుకోవాలని ఆశ్చర్యకరంగా, ఉత్తేజకరంగా ఉంది," అని రాశారు.

చాట్​జీపీటీ ప్రో, ఎంటర్​ప్రైజ్, టీమ్ వినియోగదారులకు కోడెక్స్​ను విడుదల చేసింది ఓపెన్​ఏఐ. రాబోయే వారాల్లో ప్లస్, ఎడ్యు వినియోగదారులకు ఈ ఫీచర్​ని జోడించనుంది.

కోడెక్స్ ఉపయోగించడానికి.. వినియోగదారులు చాట్​జీపీటీలోని సైడ్​బార్​కు వెళ్లి ప్రాంప్ట్ టైప్ చేయడం ద్వారా, 'కోడ్' పై క్లిక్ చేయడం ద్వారా ఏఐ ఏజెంట్​కు కొత్త కోడింగ్ పనిని కేటాయించవచ్చు. వారి కోడ్ బేస్ గురించి కోడెక్స్​కు ప్రశ్నలు అడగడానికి, వారు టెక్ట్స్​ ప్రాంప్ట్ తర్వాత 'ఆస్క్' పై క్లిక్ చేయవచ్చు.

"కోడెక్స్ ఫైళ్లను చదవగలదు, ఎడిట్​ చేయగలదు, అలాగే టెస్ట్ హార్నెస్​లు, లింటర్లు, టైప్ చెకర్లతో సహా ఆదేశాలను అమలు చేయగలదు," అని ఓపెన్​ఏఐ తన బ్లాగ్ పోస్ట్​లో తెలిపింది.

కోడెక్స్ నుంచి ప్రతి పని పూర్తి కావడానికి సాధారణంగా 1 నుంచి 30 నిమిషాల సమయం పడుతుందని, దాని సంక్లిష్టతను బట్టి, యూజర్​లు ఏఐ ఏజెంట్ పనితీరును రియల్ టైమ్​లో పర్యవేక్షించవచ్చని ఓపెన్​ఏఐ తెలిపింది.

కేటాయించిన పని పూర్తయిన తరువాత, కోడెక్స్ వినియోగదారులకు టెర్మినల్ లాగ్​లు, టెస్ట్ ఔట్​పుట్​ల ద్వారా దాని రిజల్ట్​ని ధ్రువీకరించే విధంగా సైటేషన్స్​ని కూడా ఇస్తుంది.

డీప్​ రీసెర్చ్​, ఆపరేటర్​ తర్వాత ఓపెన్​ఏఐ నుంచి వస్తున్న 3వ ఏఐ ఏజెంట్​ ఈ కోడెక్స్​. వీటిని ఓపెన్​ఏఐ ఈ ఏడాదిలోనే లాంచ్​ చేసింది.