చాట్​జీపీటీతో కొత్త సోషల్​ మీడియా ప్లాట్​ఫామ్​! 'ఎక్స్​'తో ఓపెన్​ఏఐ పోటీ- ఎలా ఉండబోతోంది?

ఎలాన్​ మస్క్​ ఎక్స్​ (ట్విట్టర్​) మాదిరిగా, ఎక్స్​కి పోటీగా ఓపెన్​ఏఐ నుంచి కొత్త సోషల్​ మీడియా ప్లాట్​ఫామ్​ రాబోతోందని వార్తలు వినిపిస్తున్నాయి. ఈ ప్లాట్​ఫామ్​కి సంబంధించిన అంతర్గత ప్రోటోటైప్​పై ప్రస్తుతం ఎలాంటి సమాచారం లేనప్పటికీ, చాట్​జీపీటీ ఇమేజ్-జనరేషన్ టూల్స్ చుట్టూ ఇది తిరుగుతుందని, రియల్​ టైమ్​ కంటెంట్​ షేరింగ్​తో సోషల్ ఫీడ్​ని కలిగి ఉంటుందని సమాచారం.

ఓపెన్ఏఐ సీఈఓ శామ్ ఆల్ట్​మన్ ఈ ప్రాజెక్టుపై బయటి వ్యక్తుల నుంచి వ్యక్తిగతంగా ఫీడ్​బ్యాక్ తీసుకుంటున్నారని సంబంధిత వర్గాలను ఉటంకిస్తూ ఓ నివేదిక తెలిపింది. సోషల్ నెట్​వర్క్​ స్టాండలోన్ యాప్​గా ప్రారంభమవుతుందా లేదా చాట్​జీపీటీ ప్లాట్​ఫామ్​లో విలీనం అవుతుందా అనేది అస్పష్టంగా ఉంది.

ఆల్ట్​మాన్ వర్సెస్ మస్క్..

సోషల్​ మీడియా ప్లాట్​ఫామ్​ని ప్రారంభించడం వల్ల ఎలాన్ మస్క్​తో ఆల్ట్​మన్​కు ఉన్న దీర్ఘకాలిక, బహిరంగ వైరం మరింత తీవ్రమవుతుంది! ఈ ఏడాది ప్రారంభంలో ఓపెన్ఏఐని కొనుగోలు చేసేందుకు మస్క్ 97.4 బిలియన్ డాలర్ల ఆఫర్ ఇచ్చినట్లు వార్తలు వచ్చాయి. దాన్ని ఆల్ట్​మన్​ తిప్పికొట్టినట్టు, కావాలంటే 9.74 బిలియన్ డాలర్లకు ట్విటర్​ని కొనుగోలు చేస్తామని చెప్పినట్టు సమాచారం.

ఇప్పుడు ఓపెన్ఏఐ సోషల్​ మీడియా రంగంలోకి అడుగుపెడితే ఇద్దరు బిలియనీర్లు నేరుగా ఒకరితో ఒకరు పోటీ పడుతున్నట్టు అవుతుంది. ఈ పోటీ ఎలా ఉంటుందో చూడాలి.

కంటెంట్​ క్రియేషన్​లో ఏఐ..

ఏఐని ఉపయోగించుకుని క్రియేటర్లు మెరుగైన కంటెంట్​ని క్రియేట్​ చేసే విధంగా ఈ సోషల్​ మీడియా ప్లాట్​ఫామ్​ ఉండబోతోందని తెలుస్తోంది. ఇందుకోసం మెటా, ఎక్స్​లానే సొంత డేటాను ఓపెన్​ఏఐ ఉపయోగించుకుంటుందని సమాచారం. హ్యుమెన్​ క్రియేటివిటీ, మెషిన్​ ఆప్టిమైజేషన్​తో అధిక రీచ్​ కోసం ఓపెన్​ ఏఐ ప్రయత్నించవచ్చు.

ఈ తీవ్ర పోటీ కృత్రిమ మేధ ఆధారిత సామాజిక ప్రదేశంలో విస్తృతమైన పోటీని సూచిస్తుంది. ఇక్కడ శక్తివంతమైన భాషా నమూనాలను రిఫైన్​ చేయడానికి, శిక్షణ ఇవ్వడానికి రియల్-టైమ్, యూజర్-జనరేటెడ్ కంటెంట్​కి యాక్సెస్​ కీలకం.

లాంచ్ ఎప్పుడు?

ఓపెన్​ఏఐ సోషల్​ మీడియా యాప్​ ప్రోటోటైప్​ ప్రాజెక్ట్​ ఎప్పుడు పబ్లిక్​లోకి వస్తుందనేది తెలియదు. అసలు వస్తుందా? లేదా? అనేది కూడా ప్రస్తుతానికి స్పష్టత లేదు. కానీ ఇలాంటిది ఒకటి నడుస్తోందన్న వార్తలు.. కంపెనీ అగ్రెసివ్​ స్ట్రాటజీని ప్రతిబింబిస్తోంది. వృద్ధి మైండ్​సెట్​ని కూడా సూచిస్తోంది.

ఒకవేళ ఈ సోషల్​ యాప్​ బయటకు వస్తే, ఓపెన్​ఏఐకి ఇది తదుపరి అతిపెద్ద ప్రాడక్ట్​ అవుతుంది. అండ్​, అది సమాధానాలు ఇవ్వడమే కాదు కంటెంట్​ క్రియేషన్​- షేరింగ్​కి ఉపయోగపడుతుంది.