OnePlus launch Event Live Streaming: నేడే వన్‍ప్లస్ లాంచ్ ఈవెంట్.. OnePlus 11 5G మొబైల్‍తో పాటు మరో 5 ప్రొడక్టులు

OnePlus Cloud 11 launch event: ప్రస్తుతం అందరి దృష్టి వన్‍ప్లస్ క్లౌడ్ 11 లాంచ్ ఈవెంట్‍ పైనే ఉంది. నేడు (ఫిబ్రవరి 7, మంగళవారం) ఈ వన్‍ప్లస్ భారీ ఈవెంట్ జరగనుంది. సాయంత్రం 7.30 గంటలకు ఈ ఈవెంట్ లైవ్ (OnePlus Launch event live) మొదలవుతుంది. వన్‍ప్లస్ 11 5జీ (OnePlus 11 5G), వన్‍ప్లస్ 11ఆర్ 5జీ (OnePlus 11R 5G), వన్‍ప్లస్ ప్యాడ్ (Oneplus Pad) ట్యాబ్, వన్‍ప్లస్ బడ్స్ ప్రో 2 (OnePlus buds Pro2), వన్‍ప్లస్ టీవీ 65 క్యూ2 ప్రో (OnePlus TV 65 Q2 Pro) స్మార్ట్ టీవీ, వన్‍ప్లస్ కీబోర్డు ఈ ఈవెంట్ ద్వారా ఇండియాలో లాంచ్ కానున్నాయి. ఈ లాంచ్ ఈవెంట్ పూర్తి వివరాలు ఇవే.

లైవ్ స్ట్రీమింగ్ ఎక్కడ చూడొచ్చు..

OnePlus launch Event Live Streaming: వన్‍ప్లస్ క్లౌడ్ 11 లాంచ్ ఈవెంట్ నేటి సాయంత్రం 7.30 గంటలకు ఢిల్లీలో ప్రారంభం అవుతుంది. ఈ క్లౌడ్ 11 ఈవెంట్ లైవ్ స్ట్రీమింగ్.. వన్‍ప్లస్ వెబ్‍సైట్, వన్‍ప్లస్ అఫీషియల్ యూట్యూబ్ ఛానెల్‍లో చూడవచ్చు. 7.30 గంటల నుంచి యూజర్లు లైవ్ వీక్షించవచ్చు.

కింద ఎంబెడ్ చేసిన యూట్యూబ్ వీడియో ద్వారా కూడా లైవ్ చూడవచ్చు

OnePlus 11 5G: వన్‍ప్లస్ 11 5జీ ఫోన్ ఫ్లాగ్‍షిప్ రేంజ్‍లో ఉంటుంది. స్నాప్‍డ్రాగన్ 8 జెన్ 2తో పాటు ప్రీమియమ్ కెమెరాలు, అదిరిపోయే 2కే డిస్‍ప్లేతో రానుంది. OISకు సపోర్ట్ చేసే హాసెల్‍బ్లాడ్ కెమెరాలు దీనికి మరో హైలైట్. వన్‍ప్లస్ 11ఆర్ 5జీ ప్రీమియమ్ మిడ్ రేంజ్ విభాగంలో వస్తుంది.

వన్‍ప్లస్ తొలి ట్యాబ్..

OnePlus Pad: వన్‍ప్లస్ నుంచి తొలి ట్యాబ్లెట్‍గా వన్‍ప్లస్ ప్యాడ్ అడుగుపెట్టనుంది. 11.6 ఇంచుల 2కే డిస్‍ప్లేతో ఈ ట్యాబ్ రానుంది. వన్‍ప్లస్ బడ్స్ ప్రో2 టీడబ్ల్యూఎస్ ఇయర్ బడ్స్ ప్రీమియమ్ రేంజ్‍లో ఉంటాయి. ANCతో పాటు అధునాతన ఫీచర్లతో ఈ బడ్స్ రానున్నాయి. వన్‍ప్లస్ టీవీ 65 క్యూ2 ప్రో కూడా 4కే 120 హెర్ట్జ్ రిఫ్రెష్ రేట్ స్క్రీన్ సహా ప్రీమియమ్ స్పెసిఫేకషన్లు, ఫీచర్లతోనే వస్తుంది. ఇక వన్‍ప్లస్ నుంచి తొలి కీబోర్డు కూడా ఈ క్లౌడ్ 11 ఈవెంట్ ద్వారానే భారత మార్కెట్‍లో లాంచ్ కానుంది.

ఈ ప్రొడక్టుల పూర్తి స్పెసిఫికేషన్లు, ధర వివరాలను నేడు (ఫిబ్రవరి 7) జరిగే లాంచ్ ఈవెంట్‍లో వన్‍ప్లస్ వెల్లడించనుంది.