OnePlus Ace 5 : బాహుబలి బ్యాటరీ పవర్​తో కొత్త వన్​ప్లస్​ ఏస్​ 5 సిరీస్​ లాంచ్​- ఫీచర్స్​, ధర వివరాలు..

వన్​ప్లస్​ నుంచి సరికొత్త స్మార్ట్​ఫోన్​ సిరీస్​ అందుబాటులోకి వచ్చింది. ఈ వన్​ప్లస్​ ఏస్​ 5 సిరీస్​లో రెండు గ్యాడ్జెట్స్​ ఉన్నాయి. అవి ఏస్​ 5, ఏస్​ 5 ప్రో. దిగ్గజ సంస్థ వీటిని చైనాలో తాజాగా లాంచ్ ​చేసింది. పవర్​ఫుల్​ ప్రాసెసర్స్​, లాంగ్​లాస్టింగ్​ బ్యాటరీతో పాటు ఈ రెండు స్మార్ట్​ఫోన్స్​లో అనేక ఫీచర్స్​ ఉన్నాయి. ఈ నేపథ్యంలో వన్​ప్లస్ ఏస్​ 5 సిరీస్​ ఫీచర్స్​, ధరతో పాటు ఇతర వివరాలను ఇక్కడ తెలుసుకుందాము..

వన్​ప్లస్ ఏస్ 5, ఏస్ 5 ప్రో- ఫీచర్స్​..

వన్​ప్లస్ ఏస్ 5, ఏస్ 5 ప్రో స్మార్ట్​ఫోన్స్ 6.78 ఇంచ్​ బీఓఈ ఎక్స్2 ఎల్​టీపీఓ అమోలెడ్ డిస్​ప్లే, 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్​నెస్​ను కలిగి ఉన్నాయి. ఈ రెండు డివైజ్​లు ఒప్పో క్రిస్టల్ షీల్డ్ గ్లాస్ ప్రొటెక్షన్​తో వస్తాయి. వన్​ప్లస్ ఏస్ 5లో స్నాప్​డ్రాగన్ 8 జెన్ 3 ప్రాసెసర్, ఏస్ 5 ప్రోలో లేటెస్ట్ స్నాప్​డ్రాగన్ 8 ఎలైట్ ప్రాసెసర్ ఉన్నాయి. రెండు మోడళ్లు 16జీబీ ర్యామ్​, 512జీబీ- 1 టీబీ స్టోరేజ్ ఆప్షన్స్​ని అందిస్తాయి.

ప్రో మోడల్స్​లో ఫెంగ్​చి గేమింగ్ కోర్​తో కొన్ని కొత్త ఫీచర్లు ఉన్నాయి. ఇందులో 9925 ఎంఎం3 వీసీ కూలింగ్ టెక్నాలజీ కూడా ఉంది. ఇది మెరుగైన థర్మల్ మేనేజ్​మెంట్​ని అందిస్తుంది.

ఫోటోగ్రఫీ కోసం ఈ వన్​ప్లస్​ ఏస్ 5- ఏస్ 5 ప్రో స్మార్ట్​ఫోన్స్​లో 50 మెగాపిక్సెల్ సోనీ ఐఎంఎక్స్ 906 ప్రైమరీ కెమెరా ఓఐఎస్, 8 మెగాపిక్సెల్ సోనీ ఐఎంఎక్స్ 355 అల్ట్రావైడ్ కెమెరా, 2 మెగాపిక్సెల్ ఓమ్నివిజన్ ఓవీ 02 బీ మాక్రో లెన్స్​తో కూడిన ట్రిపుల్ కెమెరా సెటప్ ఉంది.

వన్​ప్లస్ ఏస్ 5లో 6,400 ఎంఏహెచ్ బ్యాటరీ ఉండగా.. ప్రో మోడల్లో 6,100 ఎంఏహెచ్ బ్యాటరీ ఉంది. రెండు పరికరాలు గ్లేసియర్ బ్యాటరీ టెక్నాలజీని కలిగి ఉంటాయి. లాంగ్​లాస్టింగ్​ బ్యాటరీ లైఫ్​ని ఇది అందిస్తుంది.

వన్ ప్లస్ ఏస్ 5, ఏస్ 5 ప్రో- ధరలు..

వన్​ప్లస్ ఏస్ 5 12 జీబీ +256 జీబీ వేరియంట్ ప్రారంభ ధరను 2,299 యువాన్లుగా(సుమారు రూ.26,900) నిర్ణయించారు. వన్​ప్లస్ ఏస్ 5 ప్రో బేస్ వేరియంట్ (12 జీబీ+256 జీబీ) ధరను 3,399 యువాన్లు(సుమారు రూ.39,700).

జనవరి 7 2025న ఈ వన్​ప్లస్ ఏస్​ 5, వన్​ప్లస్ 13ఆర్​గా గ్లోబల్ మార్కెట్లో లాంచ్ కానుంది. ఇండియాలో ధరల వివరాలపై ప్రస్తుతం అప్డేట్​ లేదు. లాంచ్​ సమయానికి పూర్తి వివరాలు అందుబాటులోకి వస్తాయి.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..