OnePlus 12 launch : వన్​ప్లస్​ 12 వచ్చేస్తోంది.. కీలకమైన ఫీచర్స్​ లీక్​!

OnePlus 12 launch date : స్మార్ట్​ఫోన్స్​​ మార్కెట్​లో వన్​ప్లస్​ బ్రాండ్​కు చాలా మంచి డిమాండ్​ ఉంది. వన్​ప్లస్​ నుంచి ఏ మోడల్​ బయటకి వచ్చినా.. కస్టమర్లలో ఆసక్తి కనిపిస్తుంది. అందుకు తగ్గట్టుగానే కొత్త కొత్త స్మార్ట్​ఫోన్స్​ను తీసుకొస్తూ ఉంటుంది సంస్థ. ఇక ఇప్పుడు ఓ వార్త బయటకొచ్చింది. వన్​ప్లస్​ 12ని సంస్థ సిద్ధం చేస్తోందని, ఈ ఏడాది డిసెంబర్​లో ఈ గ్యాడ్జెట్​ లాంచ్​ అవుతుందని తెలుస్తోంది. అంతేకాకుండా.. ఈ మోడల్​ ఫీచర్స్​ కూడా లీక్​ అయ్యాయి. ఆ వివరాలు ఇక్కడ తెలుసుకుందాము..

వన్​ప్లస్​ 12 వచ్చేస్తోంది..

పలు లీక్స్​ ప్రకారం.. వన్​ప్లస్​ 12లో కర్వ్​డ్​ అమోలెడ్​ డిస్​ప్లే ఉండనుంది. వన్​ప్లస్​ 11 5జీ టాప్​ లెఫ్ట్​ కార్నర్​లో ఉండే పంచ్​ హోల్​ కాకుండా.. ఈ కొత్త డివైజ్​లో సెంటర్డ్​ పంచ్​ హోల్​ ఉండొచ్చు. 120హెచ్​జెడ్​ రిఫ్రెష్​ రేట్​తో కూడిన 2కే రిసొల్యూషన్​ లభించనుంది.

ఇక ఈ స్మార్ట్​ఫోన్​లో స్నాప్​డ్రాగన్​ 8 జెన్​ 3 చిప్​సెట్​ ఉండొచ్చు. 5,000ఎంఏహెచ్​ లేదా అంతకన్నా ఎక్కువ కెపాసిటీతో కూడిన బ్యాటరీ, 150వాట్​ ఫాస్ట్​ ఛార్జింగ్​ వంటివి ఈ మొబైల్​తో లభించే సూచనలు కనిపిస్తున్నాయి.

OnePlus 12 release date : ఇక వన్​ప్లస్​ 12 రేర్​లో సర్క్యులర్​ ట్రిపుల్​ కెమెరా సెటప్​ ఉండొచ్చు. 50ఎంపీ సోనీ ఐఎం9 సిరీస్​ ప్రైమరీ కెమెరా, 50ఎంపీ అల్ట్రా వైడ్​ లెన్స్​, 64ఎంపీ ఓమ్నీవిజన్​ ఓవీ64బీ పెరిస్కోప్​ టెలిఫొటో కెమెరా లెన్స్​లు ఉండే అవకాశం ఉంది. సెల్ఫీ కెమెరాకు సంబంధించిన వివరాలు తెలియలేదు. ధరకు సంబంధించిన వివరాలపైనా క్లారిటీ లేదు.

ఇదీ చూడండి:- Honor X50 : హానర్​ ఎక్స్​50 లాంచ్​ డేట్​ ఫిక్స్​.. స్పెసిఫికేషన్స్​ ఇవే!

అయితే ఇవి రూమర్స్​ మాత్రమే. వన్​ప్లస్​ 12 స్మార్ట్​ఫోన్​ ఫీచర్స్​, ధరకు సంబంధించిన వివరాలపై సంస్థ ఇంకా ఎలాంటి ప్రకటన చేయలేదు.

ప్రస్తుతం వన్​ప్లస్​ ఏస్​ 2 ప్రోపై సంస్థ ఫోకస్​ చేసినట్టు తెలుస్తోంది. జులై లేదా ఆగ్టస్ట్​లో ఈ గ్యాడ్జెట్​.. చైనా మార్కెట్​లో లాంచ్​ అవుతుందని సమాచారం. ఈ మొబైల్​ లాంచ్​ తర్వాత.. వనప్లస్​ 12పై ఫోకస్​ పెట్టాలని సంస్థ భావిస్తున్నట్టు తెలుస్తోంది.

వన్​ప్లస్​ నార్డ్​ బడ్స్​ 2ఆర్​..

OnePlus Nord Buds 2r : నార్డ్​ బడ్స్​ 2ఆర్​ ఇయర్​ఫోన్స్​ను జులై 5న ఇండియాలో లాంచ్​ చేయనుంది వన్​ప్లస్​ సంస్థ. లాంచ్​కు ముందే ఈ ఇయర్​బడ్స్​ లుక్​ను రివీల్​ చేసింది. ఇక ఇప్పుడు ఈ గ్యాడ్జెట్​కు సంబంధించిన ఫీచర్స్​, ధర వంటి వివరాలు లీక్​ అయ్యాయి.

పలు లీక్స్​ ప్రకారం.. వన్​ప్లస్​ నార్డ్ బడ్స్​​ 2ఆర్​ బాక్స్​ ప్రైజ్​ రూ. 2,999గా ఉంటుంది. అంటే వీటి రీటైల్​ ధర రూ. 2,999 కన్నా తక్కువగానే ఉండొచ్చు. వీటిలో 12.4 ఎంఎం డ్రైవర్స్​ ఉంటాయి. ఇవి ఆడియో క్వాలిటీని మెరుగుపరుస్తాయి. 3 ఈక్విలైజర్​ ప్రొఫైల్స్​ కూడా లభించొచ్చు. ఐపీ55 రేటింగ్​తో కాడిన వాటర్​, డస్ట్​ రెసిస్టెన్స్​ సపోర్ట్​ లభించే అవకాశం ఉంది. ఒక్కసారి ఛార్జ్​ చేస్తే.. 38 గంటల పాటు ప్లేబ్యాక్​ టైమ్​ ఉంటుందని వార్తలు వస్తున్నాయి. పూర్తి వివరాల కోసం ఇక్కడ క్లిక్​ చేయండి.