Ola Electric share price : ఓలా ఎలక్ట్రిక్​ స్టాక్​ అసలు పెరుగుతుందా? షేర్​ ప్రైజ్​ టార్గెట్​ ఎంత?

512 వారాల కనిష్ఠ స్థాయిల నుంచి బలంగా పుంజుకున్న ఓలా ఎలక్ట్రిక్ షేరు ధర గత వారంలో వార్తల్లో నిలిచింది. ఎన్​ఎస్​ఈలో ఒక్కో షేరుకు రూ.46.37 కనిష్టాన్ని తాకిన తర్వాత ఓలా ఎలక్ట్రిక్ షేరు ధర గత వారం 15% ర్యాలీని నమోదు చేసి రూ. 56 వద్ద ముగిసింది. అయితే ఇటీవలి సెషన్లలో జరిగిన నష్టాలను పూడ్చుకోవడానికి ఈవీ స్టాక్​ ఇది సరిపోదు. ఓలా ఎలక్ట్రిక్ షేరు జీవితకాల గరిష్ట స్థాయి రూ.157.40 కంటే 65% తక్కువలో ట్రేడ్​ అవుతోంది ఓలా ఎలక్ట్రిక్ ఐపీఓ అప్పర్​ ప్రైజ్​ బ్యాండ్​ రూ.76 కంటే 26 శాతం తక్కువలో ఉంది. మరి ఈ స్టాక్​ పరిస్థితేంటి? నెక్ట్స్​ పెరుగుతుందా? షేర్​ ప్రైజ్​ టార్గెట్​ ఎంత?

ఓలా ఎలక్ట్రిక్​ షేర్​ ప్రైజ్​..

స్టాక్ మార్కెట్ నిపుణుల అభిప్రాయం ప్రకారం.. ఓలా ఎలక్ట్రిక్ షేర్లకు రూ .56 వద్ద 20-డీఈఎంఏ రెసిస్టెన్స్​ ఉంది. ఇది దాటి బ్రేకౌట్​ ఇవ్వడానికి సిద్ధంగా స్టాక్​ సిద్ధంగా ఉంది. ఈ అడ్డంకిని అధిగమించగలిగితే, ఓలా ఎలక్ట్రిక్ షేరు ధర రూ.64ను తాకవచ్చు!. ఎలక్ట్రిక్ వాహనాల (ఈవీ) రంగం గణనీయమైన దీర్ఘకాలిక సామర్థ్యాన్ని కలిగి ఉందని, ఈ వృద్ధిని సద్వినియోగం చేసుకునే ఓలా ఎలక్ట్రిక్ సామర్థ్యాన్ని చూడాల్సి ఉందని వారు చెప్పారు.

ఓలా ఎలక్ట్రిక్ షేర్​ ప్రైజ్​ ఔట్​లుక్​..

ఓలా ఎలక్ట్రిక్ షేర్ల ఫండమెంటల్స్ పై ఫినోక్రాట్ టెక్నాలజీస్ ఫౌండర్ అండ్ డైరెక్టర్ గౌరవ్ గోయల్ మాట్లాడుతూ.. “బలమైన అరంగేట్రం తరువాత, ఓలా ఎలక్ట్రిక్ షేరు ధర 65% పడి 52 వారాల గరిష్ట స్థాయికి వెళ్లింది. ఫండమెంటల్స్, వాల్యుయేషన్లను పరిగణనలోకి తీసుకోకుండా ఇన్వెస్టర్లు న్యూస్​ని వెంబడించినప్పుడు ఇలాంటి తీవ్రమైన క్షీణతలు తరచుగా సంభవిస్తాయి. ఎలక్ట్రిక్ వాహన రంగం గణనీయమైన దీర్ఘకాలిక సామర్థ్యాన్ని కలిగి ఉన్నప్పటికీ, ఓలా ఎలక్ట్రిక్ ఈ వృద్ధిని సద్వినియోగం చేసుకుంటుందా? లేదా అనేది చూడాలి. ప్రస్తుతం కంపెనీ బలహీనంగా ఉన్న ఫండమెంటల్స్ దృష్ట్యా దీర్ఘకాలిక దృక్పథం ఉన్న ఇన్వెస్టర్లు మాత్రమే ఈ స్టాక్​లో పొజిషన్​ పొందే అవకాశం ఉంది,” అని అన్నారు.

ఓలా ఎలక్ట్రిక్ షేరు ప్రైజ్​ టార్గెట్​..

ఓలా ఎలక్ట్రిక్ షేరు గురించి టెక్నికల్ చార్ట్ సూచించిన దానిపై లక్ష్మీశ్రీ ఇన్వెస్ట్​మెంట్ అండ్ సెక్యూరిటీస్ రీసెర్చ్ హెడ్ అన్షుల్ జైన్ మాట్లాడుతూ.. "ఓలా ఎలక్ట్రిక్ షేరు ధర మార్చ్​ 18న షార్ట్​టర్మ్​ బాటమ్​కి చేరుకుంది. అక్కడి నుంచి భారీ వాల్యూమ్ పెరుగుదలతో రివర్స్ అయింది. దాని 50 రోజుల సగటులో 500% కంటే ఎక్కువ! ప్రస్తుత సెషన్​లో భారీ కొనుగోళ్లు కొనసాగుతున్నాయి. వాల్యూమ్లు 50 రోజుల సగటు కంటే 5 రెట్లు ఎక్కువగా ఉన్నాయి. అయితే ఓలా ఎలక్ట్రిక్ షేరు 20 రోజుల ఈఎంఏలో రూ.56 వద్ద ప్రతిఘటనను ఎదుర్కొంటోంది. ఈ స్థాయిని దాటితే ధర 50 రోజుల ఈఎంఏ దిశగా రూ.64కు చేరుకోవచ్చు.

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు సంబంధం లేదు. ఏదైనా స్టాక్​లో ఇన్వెస్ట్​ చేసే ముందు మీరు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించాల్సి ఉంటుంది.)