Nvidia stock crash : ఒక్క రోజులో 600 బిలియన్​ డాలర్లు ఉఫ్​! ఎన్​విడియా కొంపముంచిన చైనా 'ఏఐ'-nvidia stock crash deepseek push wipes off 600 billion dollars from ai bellweather ,బిజినెస్ న్యూస్
తెలుగు న్యూస్  /  బిజినెస్  /  Nvidia Stock Crash : ఒక్క రోజులో 600 బిలియన్​ డాలర్లు ఉఫ్​! ఎన్​విడియా కొంపముంచిన చైనా 'ఏఐ'

Nvidia stock crash : ఒక్క రోజులో 600 బిలియన్​ డాలర్లు ఉఫ్​! ఎన్​విడియా కొంపముంచిన చైనా 'ఏఐ'

Sharath Chitturi HT Telugu
Jan 28, 2025 08:17 AM IST

Nvidia share price : అమెరికా టెక్​ దిగ్గజ ఎన్​విడియా షేర్​ ప్రైజ్​.. ఒక్క ట్రేడింగ్​ సెషన్​లో రూ. 5,18,84,43,00,00,000 కోల్పోయింది! చైనాకి చెందిన డీప్​సీక్​ ఏఐ ఇందుకు కారణం.

ఒక్క ట్రేడింగ్​ సెషన్​లో 600 బిలియన్​ డాలర్లు ఉఫ్​! కొంపముంచిన చైనా 'ఏఐ'
ఒక్క ట్రేడింగ్​ సెషన్​లో 600 బిలియన్​ డాలర్లు ఉఫ్​! కొంపముంచిన చైనా 'ఏఐ' (AFP)

చైనాకు చెందిన డీప్​సీక్​ ఐఏ.. అమెరికా స్టాక్​ మార్కెట్​లలో రక్తపాతాని కారణమైంది. సోమవారం ట్రేడింగ్​ సెషన్​లో టెక్​ ఇండెక్స్​ నాస్​డాక్​ 3శాతం పతనమైంది. మరీ ముఖ్యంగా.. ఏఐ వృద్ధిపై భారీ ఆశలు, అంచనాలు పెట్టుకున్న చిప్​ తయారీ సంస్థ ఎన్​విడియాపై డీప్​సీక్​ ప్రభావం భారీగా పడింది. ఈ ఎన్​విడియా స్టాక్​.. ఒక్క ట్రేడింగ్​ సెషన్​లో దాదాపు 600 బిలియన్​ డాలర్లను (రూ. 5,18,84,43,00,00,000) కోల్పోయింది. ప్రపంచ స్టాక్​ మార్కెట్​ చరిత్రలో ఇదే అతిపెద్ద 'సింగిల్​ డే లాస్​' అని నివేదికలు చెబుతున్నాయి.

yearly horoscope entry point

అసలేంటి ఈ డీప్​సీక్​..!

డీప్​సీక్​ అనేది చైనాకు చెందిన ఒక ఏఐ స్టార్టప్​. గత వారంలో ఆర్​1 పేరుతో ఏఐ మోడల్​ని ఈ డీప్​సీక్​ ప్రపంచం ముందుకు తీసుకొచ్చింది. ఇది.. ఓపెన్​ఏఐకి చెందిన చాట్​జీపీటీ సహా ఇతర దిగ్గజ టెక్​ కంపెనీల ఏఐలకు గట్టి పోటీనిస్తోంది.

తక్కువ ఖర్చు, తక్కువ స్టోరేజ్​, హై- పర్ఫార్మెన్స్​, హై- ఎఫీషియెన్సీ.. ఈ డీప్​సీక్​ ప్రత్యేకత! ఫలితంగా.. అమెరికా యాపిల్​ యాప్​ స్టోర్​లో చాట్​జీపీటీని వెనక్కి నెట్టి, ఈ డీప్​సీక్​ ఏఐ యాప్​ టాప్​లోకి దూసుకెళ్లింది.

డీప్​సీక్​ ఏఐకి సంబంధించిన పూర్తి వివరాలు తెలుసుకునేందుకు ఇక్కడ క్లిక్​ చేయండి.

ఎన్​విడియా స్టాక్​లో రక్తపాతం ఎందుకు?

గత కొన్నేళ్లుగా ఆర్టిఫిషియల్​ ఇంటెలిజెన్స్​ రంగంలో విపరీతమైన అభివృద్ధి కనిపిస్తోంది. ఏడాది కాలంలోనే అనేక కంపెనీలు తమ ఏఐ మోడల్స్​ని లాంచ్​ చేశాయి. చాట్​జీపీటీ, మెటా ఏఐలకు విపరీతమైన డిమాండ్​ కనిపించింది.

అయితే ఈ ఏఐ మోడల్స్​ని నడిపేందుకు భారీగా ఖర్చు అవుతోంది. మరీ ముఖ్యంగా వీటి కోసం హై ఎండ్​ సెమీకండక్టర్​ చిప్స్​, స్టోరేజ్​ వంటివి చాలా చాలా అవసరం. ఇక్కడే ఎన్​విడియా కంపెనీకి అదృష్టం కలిసివచ్చింది!

ప్రపంచంలోనే లీడింగ్​ చిప్​ తయారీ సంస్థ అయిన ఎన్​విడియా.. ఏఐ బూమ్​తో భారీగా లబ్ధిపొందేందుకు రెడీ అయ్యింది. ఈ కంపెనీ తయారు చేసే హై పర్ఫార్మెన్స్​ చిప్స్​కి భారీ డిమాండ్​ కనిపించింది. కంపెనీ ఆదాయం, ప్రాఫిట్లు విపరీతంగా పెరుగుతాయని అంచనాలు మొదలయ్యాయి. అందుకు తగ్గట్టుగానే ఎన్​విడియా షేరు రెండేళ్ల వ్యవధిలో 20 డాలర్ల నుంచి 150 డాలర్లకు పెరిగింది. కొన్ని నెలల క్రితం.. స్టాక్​ మార్కెట్​ చరిత్రలోనే అతిపెద్ద 'సింగిల్​ డే గెయిన్​'ని కూడా ఈ ఎన్​విడియా​ చూసింది.

కానీ డీప్​సీక్​ ఎంట్రీతో కథ అడ్డం తిరిగింది! తక్కువ ఖర్చు, తక్కువ సామర్థ్యం గల చిప్స్​, తక్కువ స్టోరేజ్​తోనే ఏఐ మోడల్స్​ని సృష్టించవచ్చని ఈ చైనా సంస్థ నిరూపించింది. ఈ డీప్​సీక్​ని చూసి రానున్న రోజుల్లో మరిన్ని ఏఐ కంపెనీలు పుట్టుకురావొచ్చు. ఈ నేపథ్యంలో ఎన్​విడియా రూపొందించే హై కాస్ట్​, హై పర్ఫార్మెన్స్​ చిప్స్​కి డిమాండ్​ తగ్గిపోతుందని మదుపర్లు భావించారు. ఫలితంగా సోమవారం ట్రేడింగ్​ సెషన్​లో ఎన్​విడియా స్టాక్​ ప్రైజ్ దాదాపు​ 17శాతం పతనమైంది.

ఎన్​విడియా షేర్​ ప్రైజ్​..

శుక్రవారం 142.62 డాలర్ల దగ్గర క్లోజ్​ అయిన ఎన్​విడియా షేరు ధర సోమవారం ట్రేడింగ్​ సెషన్​లో ఏకంగా 124.80 డాలర్ల వద్ద ఓపెన్​ అయ్యింది. 116.70 డాలర్ల వద్ద ఇంట్రాడే- లోని నమోదు చేసి, చివరికి 118.58 డాలర్ల వద్ద స్థిరపడింది. సింగిల్​ ట్రేడింగ్​ సెషన్​లో ఇది 16.86శాతం నష్టం! ఫలితంగా ఒక్క రోజులో ఎన్​విడియా స్టాక్​ 600 బిలియన్​ డాలర్లను కోల్పోయింది.

Whats_app_banner

సంబంధిత కథనం