Nothing Phone 4a Pro : మిడ్ రేంజ్ సెగ్మెంట్లో కొత్త స్మార్ట్ఫోన్- నథింగ్ ఫోన్ 4ఏ ప్రో లాంచ్ ఎప్పుడు?
Nothing Phone 4a Pro : మిడ్ రేంజ్ సెగ్మెంట్లో కొత్త స్మార్ట్ఫోన్ అడుగుపెట్టబోతోంది. అదే నథింగ్ ఫోన్ 4ఏ ప్రో. ఈ 5జీ స్మార్ట్ఫోన్పై ఇప్పటివరకు ఉన్న వివరాలపై ఒక లుక్కేయండి..
నథింగ్ ఫోన్ 3 మోడల్ దాని ప్రత్యేకమైన డిజైన్, ప్రాసెసర్, మెరుగైన కెమెరా అప్గ్రేడ్లతో మార్కెట్లో పెద్ద సంచలనం సృష్టించింది. అయితే, ఈ ఫోన్ విడుదలైన కొద్ది రోజులకే, కంపెనీ తన కొత్త తరం మిడ్-రేంజ్ స్మార్ట్ఫోన్ నథింగ్ ఫోన్ 4ఏ ప్రో 5జీ తయారీని ఇప్పటికే మొదలుపెట్టింది.
ఈ స్మార్ట్ఫోన్ ఇటీవల IMEI సర్టిఫికేషన్ డేటాబేస్లో కనిపించింది. దీనితో ఈ ఫోన్ త్వరలోనే మార్కెట్లోకి రాబోతోందని స్పష్టమవుతోంది. ఈ స్మార్ట్ఫోన్ స్పెసిఫికేషన్లు, ఫీచర్లు ఇంకా గోప్యంగా ఉన్నప్పటికీ, కొన్ని అప్గ్రేడ్లు వినియోగదారుల దృష్టిని ఆకర్షించవచ్చని కొన్ని పుకార్లు సూచిస్తున్నాయి.
నథింగ్ ఫోన్ 4ఏ ప్రో 5జీ: ఏం ఆశించవచ్చు?
నథింగ్ ఫోన్ 4ఏ ప్రో 5జీ మోడల్ నంబర్ A069 తో ఇటీవల IMEI డేటాబేస్లో కనిపించింది. ఈ పరికరం అభివృద్ధిలో ఉందని, త్వరలోనే విడుదలయ్యే అవకాశం ఉందని ఈ లీక్ ధృవీకరిస్తోంది.
సాధారణంగా నథింగ్ కంపెనీ 'ఏ' సిరీస్ మోడల్స్ ప్రతి సంవత్సరం మార్చ్ నెలలో విడుదలవుతుంటాయి. అయితే, ఈ నథింగ్ ఫోన్ 4ఏ ప్రో 5జీ మాత్రం కాస్త ముందుగా, అంటే జనవరి 2026లో విడుదల కావచ్చని ఊహాగానాలు వినిపిస్తున్నాయి.
అప్గ్రేడ్లు, ఫీచర్ల విషయానికొస్తే, నథింగ్ ఫోన్ 4ఏ ప్రో 5జీ కూడా కంపెనీ ప్రత్యేకమైన ట్రాన్స్పరెంట్ డిజైన్నే కొనసాగించవచ్చు. అయినప్పటికీ, నథింగ్ ప్రతి ఏటా కొత్తదనాన్ని పరిచయం చేస్తుంటుంది కాబట్టి, ఈసారి కూడా ఒక సరికొత్త డిజైన్ లభించే అవకాశం ఉంది.
నథింగ్ సంస్థ ఇటీవలే నథింగ్ ఓఎస్ 4 పబ్లిక్ బీటాను విడుదల చేసింది. కాబట్టి నథింగ్ ఫోన్ 4ఏ ప్రో కొత్త తరం ఓఎస్ తోనే మార్కెట్లోకి వచ్చే అవకాశం ఉంది.
ఈ స్మార్ట్ఫోన్లో ప్రస్తుత మోడల్లో ఉన్నట్లుగానే 6.77 ఇంచ్ అమోఎల్ఈడీ డిస్ప్లే, 120హెచ్జెడ్ రిఫ్రెష్ రేట్ ఉండే అవకాశం ఉంది. కెమెరా విభాగంలో కూడా ట్రిపుల్ కెమెరా సెటప్ ఉండవచ్చని అంచనా. అయితే, ఈ కెమెరా సెటప్కు హార్డ్వేర్ లేదా సాఫ్ట్వేర్ పరంగా కొన్ని అప్గ్రేడ్లు జరగవచ్చని తెలుస్తోంది.
భారత్లో నథింగ్ ఫోన్ 4ఏ ప్రో 5జి ధర అంచనా..
ఈ సంవత్సరంలో విడుదలైన నథింగ్ ఫోన్ 3ఏ ప్రో 5జీ బేస్ వేరియంట్ ధర రూ. 29,999గా ఉంది. దాన్ని బట్టి చూస్తే, త్వరలో రాబోతున్న నథింగ్ ఫోన్ 4ఏ ప్రో 5జీ కూడా భారతదేశంలో సుమారు రూ. 30,000 ధర పరిధిలోనే విడుదల కావచ్చని మార్కెట్ నిపుణులు అంచనా వేస్తున్నారు.
ఈ స్మార్ట్ఫోన్కి సంబంధించిన మరిన్ని వివరాలు రానున్న రోజుల్లో అందుబాటులోకి వస్తాయి.
సంబంధిత కథనం