Affordable smartphone : ధర తక్కువ- ఫీచర్స్ ఎక్కువ! నథింగ్ ఫోన్ 3ఏ వచ్చేస్తోంది..
Nothing Phone 3a launch date : మచ్ అవైటెడ్ నథింగ్ ఫోన్ 3ఏ ఇండియా లాంచ్ డేట్పై క్లారిటీ వచ్చేంది. ఈ స్మార్ట్ఫోన్ లాంచ్తో పాటు ఇప్పటివరకు అందుబాటులో ఉన్న వివరాలను ఇక్కడ తెలుసుకోండి..
కొన్ని నెలలుగా సాగుతున్న ఊహాగానాల అనంతరం నథింగ్ ఫోన్ 3ఏ ఇండియా లాంచ్పై అధికారిక ప్రకటన వెలువడింది. రాబోయే స్మార్ట్ఫోన్ లాంచ్ డేట్తో పాటు పలు ఆసక్తికర వివరాలతో కూడిన వీడియోని నథింగ్ తాజాగా రిలీజ్ చేసింది. ఈ నేపథ్యంలో ఈ నథింగ్ ఫోన్ 3ఏ వివరాలను ఇక్కడ తెలుసుకోండి..

నథింగ్ ఫోన్ 3ఏ: ఇండియా లాంచ్ డేట్..
నథింగ్ ఫోన్ 3ఏ స్మార్ట్ఫోన్.. భారత కాలమానం ప్రకారం మార్చ్ 4న మధ్యాహ్నం 3:30 గంటలకు ఇండియాలో లాంచ్ కానుంది. ఇది ఫ్లిప్కార్ట్ ద్వారా కొనుగోలు చేయడానికి అందుబాటులో ఉంటుంది. మైక్రోసైట్ పేజ్ ఇప్పటికే లైవ్లో ఉంది. ఈ గ్యాడ్జెట్కి సంబంధించిన లేటెస్ట్ అప్డేట్స్ కోసం ఫ్లిప్కార్ట్ పేజ్లో నోటిఫికేషన్స్ని సైతం ఆన్ చేసుకోవచ్చు.
నథింగ్ ఫోన్ 3ఏ: ధర (అంచనా)..
ఇండియాలోని అఫార్డిబుల్ స్మార్ట్ఫోన్ మార్కెట్లో ఈ నథింగ్ ఫోన్ 3ఏ లాంచ్ అవుతుందని తెలుస్తోంది. దీని ధర పోటీగా ఉంటుందని భావిస్తున్నారు. ఈ స్మార్ట్ఫోన్ ధర సుమారు రూ.25,000 ఉంటుందని ఊహాగానాలు జోరుగా సాగుతున్నాయి. అయితే, ఖచ్చితమైన ధర, వేరియంట్ వివరాలు మార్చ్ 4న లాంచ్ ఈవెంట్తో స్పష్టమవుతాయి.
కొత్త ఫోన్ లాంచ్తో పాటు సంస్థ వృద్ధిపై పలు కీలక వివరాలు బయటకు వచ్చాయి. 2020 అక్టోబర్లో మొదటి ఫోన్ లాంచ్ నుంచి ఈ నథింగ్ సంస్థ తొలిసారి 1 బిలియన్ డాలర్ల రెవెన్యూ మార్క్ తాకింది. ఇందులో సగం ఆదాయం కేవలం 2024లోనే రావడం గమనార్హం. నథింగ్ చీఫ్ ఫైనాన్షియల్ ఆఫీసర్ టిమ్ హోల్బ్రో ఈ పురోగతిపై సంతృప్తి వ్యక్తం చేశారు. “ఫోన్ (2), ఇయర్ (2), ఫోన్ 2ఏ, ఫోన్ 2ఏ ప్లస్, సిఎమ్ఎఫ్ ఫోన్ 1 సక్సెస్ నిర్మించడానికి మేము 2024లో ప్రవేశించాము. ఈ ఉత్పత్తులను మార్కెట్లోకి తీసుకురావడం, వ్యాపారాన్ని విస్తరించడం గణనీయమైన ఆదాయ వృద్ధికి దోహదపడింది. 2025 ఏం తెస్తుందో చూడాలని ఆసక్తిగా ఉన్నాం,” అని అన్నారు.
నథింగ్ ఫోన్ 3ఏ:స్పెసిఫికేషన్లు (అంచనా)
నథింగ్ ఫోన్ 3ఏ 120 హెర్ట్జ్ రిఫ్రెష్ రేట్తో 6.8 ఇంచ్ ఓఎల్ఈడీ డిస్ప్లేను కలిగి ఉంటుందని భావిస్తున్నారు. స్నాప్డ్రాగన్ 7ఎస్ జెన్ 3 చిప్ సెట్, ఆండ్రాయిడ్ 15 ఆధారిత నథింగ్ ఓఎస్ 3.1 ఆపరేటింగ్ సిస్టంపై ఈ ఫోన్ పనిచేయనుంది. రేర్ కెమెరా సెటప్లో 50 మెగాపిక్సెల్ ప్రైమరీ సెన్సార్, 50 మెగాపిక్సెల్ టెలిఫోటో లెన్స్ 2ఎక్స్ జూమ్, అల్ట్రా-వైడ్ కెమెరా 8 మెగాపిక్సెల్ సెన్సార్ ఉండవచ్చు. ముందువైపు 32 మెగాపిక్సెల్ కెమెరాను అందించారు. 45వాట్ ఫాస్ట్ ఛార్జింగ్ సపోర్ట్ చేసే 5,000 ఎంఏహెచ్ బ్యాటరీ ఇందులో ఉండనుంది.
మరిన్ని వివరాలపై నథింగ్ ఫోన్ 3ఏ లాంచ్ టైమ్ నాటికి స్పష్టత వస్తుంది.
సంబంధిత కథనం