Nothing Phone 2a Plus : జులై 31న నథింగ్ ఫోన్ 2ఏ ప్లస్ లాంచ్- ఫీచర్స్ లీక్!
Nothing Phone 2a Plus India launch : నథింగ్ ఫోన్ 2ఏ ప్లస్ను జూలై 31న భారత్ లో విడుదల చేసేందుకు సన్నాహాలు చేస్తున్నారు. ఈ స్మార్ట్ఫోన్ విశేషాలను ఇక్కడ తెలుసుకోండి..
నథింగ్ ఫోన్ 2ఏ ప్లస్ ఇండియా లాంచ్ను కార్క్ పీ నేతృత్వంలోని యూకేకు చెందిన కంపెనీ నథింగ్ ధృవీకరించింది. కొత్త నథింగ్ ఫోన్ 2ఏ ప్లస్ జూలై 31 న భారతదేశంలో లాంచ్ కానుంది. అయితే ప్రజల్లో ఉత్సాహాన్ని నింపేందుకు, కొత్త ఫోన్ ఫీచర్ల గురించి సంస్థ ఎటువంటి సంకేతాలను పంచుకోవడం లేదు. కానీ ఆన్లైన్లో మాత్రం ఈ స్మార్ట్ఫోన్కి సంబంధించిన పలు కీలక ఫీచర్స్ ఇప్పటికే లీక్ అయ్యాయి. వాటి వివరాలను ఇక్కడ తెలుసుకుందాము..
నథింగ్ ఫోన్ 2ఏ ప్లస్..
నథింగ్ ఫోన్ 2ఏ ప్లస్ స్మార్ట్ఫోన్లో మీడియాటెక్ డైమెన్సిటీ 7350 ప్రో చిప్సెట్ను ఉపయోగిస్తున్నట్టు సంస్థ ఇటీవలే ప్రకటించింది. 8 కోర్స్ ఉన్న ఈ ప్రాసెసర్ 3.0 గిగాహెర్ట్జ్ వేగంతో పనిచేస్తుంది. మీడియాటెక్ డైమెన్సిటీ 7200 ప్రోను ఉపయోగించే నథింగ్ ఫోన్ 2ఏలోని ప్రాసెసర్ కంటే ఇది 10 శాతం వేగంగా ఉంటుందని భావిస్తున్నారు. ఈ కొత్త ఫోన్ 12 జీబీ ర్యామ్తో వస్తుంది. దీనిని ర్యామ్ బూస్టర్ అనే ఫీచర్తో 20 జీబీ వరకు విస్తరించవచ్చు. ఇందులో మాలి-జీ610 ఎంసీ 4 గ్రాఫిక్స్ ప్రాసెసర్ కూడా ఉంటుంది. ఇది మునుపటి మోడల్ కంటే 30 శాతం వేగంగా ఉంటుందని చెబుతున్నారు.
మేలో అంతర్జాతీయ మార్కెట్లో లాంచ్ అయిన నథింగ్ ఫోన్ 2ఏలో గ్లైఫ్ ఇంటర్ఫేస్ అనే ప్రత్యేకమైన డిజైన్ ఉంది. 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.23,999గా నిర్ణయించారు. 6.7 ఇంచ్ ఫుల్ హెచ్ డీ+ అమోఎల్ఈడీ డిస్ప్లేను ఇందులో అందించారు. స్క్రీన్ దాని రిఫ్రెష్ రేటును 30 హెర్ట్జ్ నుంచి 120 హెర్ట్జ్ వరకు అడ్జెస్ట్ చేయగలదు. ఇది వివిధ పనులను స్మూత్గా చేస్తుంది. ఇందులో 12 జీబీ వరకు ర్యామ్ కూడా ఉంది. హై క్వాలిటీ ఫొటోలు తీయడానికి వెనకవైపు రెండు 50 మెగాపిక్సెల్ కెమెరాలు, సెల్ఫీలు, వీడియో చాట్ కోసం 32 మెగాపిక్సెల్ ఫ్రెంట్ కెమెరా ఉన్నాయి. 256 జీబీ వరకు స్టోరేజ్ను అందిస్తున్న ఈ ఫోన్లో భద్రత కోసం ఇన్-డిస్ప్లే ఫింగర్ ప్రింట్ సెన్సార్ను అందించారు. ఇది డ్యూయెల్ స్టీరియో స్పీకర్లను కలిగి ఉంది. ఐపీ54 రేటింగ్తో డస్ట్, వాటర్ రెసిస్టెన్స్ కలిగి ఉంటుంది. 45వాట్ ఫాస్ట్ ఛార్జింగ్ సపోర్ట్ చేసే 5,000 ఎంఏహెచ్ బ్యాటరీ ఇందులో ఉంది.
నథింగ్ ఫోన్ 2ఏ ప్లస్ స్మార్ట్ఫోన్ కోసం గ్యాడ్జెట్ ప్రియులు ఆసక్తిగా ఎదురుచూస్తున్నారు. నథింగ్ ఫోన్ 2ఏ అనేక అప్గ్రేడ్లను హామీ ఇస్తుంది. కొత్త, వేగవంతమైన ప్రాసెసర్, ఇతర అప్గ్రేడ్స్తో, ఇది మెరుగైన పనితీరును అందించాలని లక్ష్యంగా పెట్టుకుంది. జూలై 31న జరిగే అధికారిక లాంచ్లో ఫీచర్స్, ధరతో పాటు మరిన్ని వివరాలు వెల్లడికానున్నాయి.
ఇంకో విషయం! మనం ఇప్పుడు వాట్సప్ ఛానల్స్ లో ఉన్నాం! టెక్నాలజీ ప్రపంచం నుంచి లేటెస్ట్ అప్డట్స్ కోసం వాట్సాప్లో మన హెచ్టీ తెలుగు ఛానెల్ని ఫాలో అవ్వండి.
సంబంధిత కథనం