Debt mutual funds : ఇన్​వెస్టర్లకు బ్యాడ్​ న్యూస్​.. డెట్​ మ్యూచువల్​ ఫండ్స్​లో ఆ బెనిఫిట్​ కట్​!-no more tax advantage for debt mutual funds finance bill ,బిజినెస్ న్యూస్
Telugu News  /  Business  /  No More Tax Advantage For Debt Mutual Funds: Finance Bill

Debt mutual funds : ఇన్​వెస్టర్లకు బ్యాడ్​ న్యూస్​.. డెట్​ మ్యూచువల్​ ఫండ్స్​లో ఆ బెనిఫిట్​ కట్​!

Sharath Chitturi HT Telugu
Mar 24, 2023 12:19 PM IST

Debt mutual funds taxation : డెట్​ మ్యూచువల్​ ఫండ్స్​ ట్యాక్సేషన్​లో భారీ మార్పులు చేసింది కేంద్రం. ఈ మేరకు ఆర్థిక బిల్లును సవరించింది. ఫలితంగా ఇన్​వెస్టర్లపై పన్ను భారం మరింత పెరగనుంది.

ఇన్​వెస్టర్లకు బ్యాడ్​ న్యూస్​.. డెట్​ మ్యూచువల్​ ఫండ్స్​లో ఆ బెనిఫిట్​ కట్​!
ఇన్​వెస్టర్లకు బ్యాడ్​ న్యూస్​.. డెట్​ మ్యూచువల్​ ఫండ్స్​లో ఆ బెనిఫిట్​ కట్​!

Debt mutual funds taxation news : డెట్​ మ్యూచువల్​ ఫండ్స్​లో ఇన్​వెస్ట్​ చేసే పెట్టుబడిదారులకు బ్యాడ్​ న్యూస్​! ఈ తరహా ఎమ్​ఎఫ్​ ట్యాక్సేషన్​లో కీలక మార్పులు చేస్తూ ఆర్థిక బిల్లును సవరించింది కేంద్రం. ఫలితంగా ఈ ఎమ్​ఎఫ్​లు ఎంతో ముఖ్యమైన ఇండక్సేషన్​ బెనిఫిట్​ను కోల్పోయాయి.

ట్రెండింగ్ వార్తలు

ప్రభుత్వం చేసిన మార్పు ఇదే..

ఇప్పటివరకు ఈ డెట్​ మ్యూచువల్​ ఫండ్స్​పై ఎల్​టీసీజీ (లాంగ్​టర్మ్​ క్యాపిటల్​ గెయిన్స్​) బెనిఫిట్​ ఉండేది. దీని హోల్డింగ్​ పీరియడ్​ మూడేళ్లు. కానీ తాజా సవరణలతో.. ఈ మ్యూచువల్​ ఫండ్స్​పై వచ్చే లాభాలను.. సంబంధిత వ్యక్తుల పన్ను శ్లాబ్​ల ఆధారంగా ట్యాక్స్​ వేయనున్నారు. దీనికి హోల్డింగ్​ పీరియడ్​తో ఎలాంటి సంబంధం ఉండదు. అంటే.. 30శాతం ట్యాక్స్​ శ్లాబ్​లో ఉన్న ఇన్​వెస్టర్​కు డెట్​ మ్యూచువల్​ ఫండ్స్​ నుంచి లాభాలు వస్తే.. దానిపై మొత్తం మీద 35.8శాతం (సర్​ఛార్జీలు, సెస్​లను కలిపి) పన్ను చెల్లించాల్సి ఉంటుంది. ఇప్పటివరకు ఇది 20శాతం (మూడేళ్ల కాలవ్యవధి)గా ఉండేది.

Debt mutual funds indexation : తాజా పరిస్థితులతో.. ఈ డెట్​ మ్యూచువల్​ ఫండ్స్​ అనేవి బ్యాంక్​ ఫిక్స్​డ్​ డిపాజిట్​లతో సమానంగా మారిపోయాయని ఆర్థిక నిపుణులు అభిప్రాయపడుతున్నారు. ఆయా సాధనాల్లోనూ.. క్యాపిటల్​ గెయిన్స్​ని ఇన్​వెస్టర్​ ఆదాయానికి జోడించి, ట్యాక్స్​ శ్లాబ్​కు తగ్గట్టు పన్ను వసూలు చేస్తుంటారు.

ప్రభుత్వం తీసుకొచ్చిన ఈ సవరణలతో.. కేవలం డెట్​ మ్యూచువల్​ ఫండ్స్​పైనే కాకుండా.. మొత్తం బాండ్​ మార్కెట్​పైనే ప్రతికూల ప్రభావం పడుతుందని పరిశ్రమ వర్గాలు భావిస్తున్నాయి.

Debt mutual funds Finance bill : "డొమెస్టిక్​ బాండ్​ మార్కెట్​లో.. మ్యూచువల్​ ఫండ్స్​ వల్ల లిక్విడిటీ పెరుగుతుంది. లేకపోతే లిక్విడిటీనే ఉండదు. డెట్​ మ్యూచువల్​ ఫండ్స్​లో వచ్చే డబ్బులను బాండ్​ మార్కెట్​లోకి తరలిస్తుంటారు. తాజా పరిస్థితులతో ఈ ప్రక్రియపై ప్రభావం పడుతుంది," అని ఎడిల్​వైస్​ అసెట్​ మేనేజ్​మెంట్​ ప్రాడక్ట్​, మార్కెటింగ్​ అండ్​ డిజిటల్​ బిజినెస్​ హెడ్​ నిరంజన్​ అవస్తి తెలిపారు.

"ఈ చర్యలతో డెట్​ ఎమ్​ఎఫ్​లతో పాటు ఇంటర్నేషనల్​ ఫండ్స్​, గోల్డ్​ ఫండ్స్​పైనా ప్రతికూల ప్రభావం పడుతుంది," అని క్రిడెన్స్​ వెల్త్​ ఫౌండర్​, సీఈఓ కిర్టన్​ షా అన్నారు.

ఏప్రిల్​ 1 నుంచి అమలు..

Debt mutual funds taxation news in Telugu : ఆర్థిక బిల్లుకు చేసిన తాజా సవరణలు ఏప్రిల్​ 1న అమల్లోకి వస్తాయి. ఈలోపు చేసే పెట్టుబుడులకు పాత ప్రక్రియే వర్తిస్తుంది. ఏప్రిల్​ 1కి ముందు చేసిన ఏదైనా పెట్టుబడికి.. మూడు సంవత్సరాల తర్వాత ఇండెక్సేషన్ ప్రయోజనంతో 20శాతం ఎల్​టీసీజీ పన్ను రేటును పొందవచ్చు.

కానీ సిప్​ ద్వారా డెట్​ మ్యూచువల్​ ఫండ్స్​లో పెట్టుబడి చేస్తుంటే మాత్రం.. ఏప్రిల్​ 1 తర్వాత లభించే యూనిట్​లపై కొత్త ట్యాక్స్​ పద్ధతి అమలవుతుందని గుర్తుంచుకోవాలి.

WhatsApp channel

సంబంధిత కథనం