Range Rover Sport : ‘రేంజ్​ రోవర్​ స్పోర్ట్​’ అదిరింది.. డెలివరీ షురూ!

Range Rover Sport delivery begins : దేశంలో సరికొత్త రేంజ్​ రోవర్​ స్పోర్ట్​ మోడల్​ డెలివరీని ప్రారంభించినట్టు జాగ్వర్​ లాండ్​ రోవర్​ సంస్థ ప్రకటించింది. డైనమిక్​ ఎస్​ఈ, డైనమిక్​ హెచ్​ఎస్​ఈ, ఆటోబయోగ్రఫి, ఫస్ట్​ ఎడిషన్​ వేరియంట్లలో ఈ రేంజ్​ రోవర్​ స్పోర్ట్​ అందుబాటులో ఉండనుంది. ఫస్ట్​ ఎడిషన్​ కేవలం ఒక ఏడాది మాత్రమే అందుబాటులో ఉంటుందని సంస్థ చెప్పింది.

అహ్మదాబాద్​, బెంగళూరు, ఛండీగఢ్​, ఢిల్లీ, నోయిడాతో పాటు దేశంలోని 21 నగరాల్లో.. లాండ్​ రోవర్​కు 25 అధికారిక ఔట్​లెట్​లు ఉన్నాయి. వీటిల్లోంచి సరికొత్త రేంజ్​ రోవర్​ స్పోర్ట్​ను ఆర్డర్​ చేసుకోవచ్చు.

Range Rover Sport features : రేంజ్​ రోవర్​ స్పోర్ట్​లో 3.0 లీటర్​ డీజిల్​ ఇంజిన్​, 3.0 లీటర్​ పెట్రోల్​ ఇంజిన్​ ఆప్షన్స్​ ఉన్నాయి. మొదటిది.. 258కేడబ్ల్యూ పవర్​, 700 ఎన్​ఎం టార్క్​ను జనరేట్​ చేస్తుంది. రెండోది 294కేడబ్ల్యూ పవర్​, 550ఎన్​ఎం పవర్​ను జనరేట్​ చేస్తుంది.

రేంజ్​ రోవర్​ స్పోర్ట్​ ఎస్​యూవీలో షార్ట్​ ఓవర్​హ్యాంగ్స్​, లార్జ్​ వీల్స్​ వస్తాయి. దీనిని ఎంఎల్​ఏ ఫ్లెక్స్​ ప్లాట్​ఫామ్​పై రూపొందించారు. ఫలితంగా ఈ కారు కేపబులిటీ, పర్ఫార్మెన్స్​, హ్యాండ్లింగ్​ మరింత మెరుగ్గా ఉంటుంది. బ్యాటరీ సామర్థ్యం కూడా ఎక్కువగా ఉంటుంది.

ఈ రేంజ్​ రోవర్​ స్పోర్ట్​ ఎస్​యూవీలో డైనమిక్​ ఎయిర్​ సస్పెన్షన్​, ప్రీ-ఎంప్టివ్​ ఎయిర్​ సస్పెన్షన్​, ఎలక్ట్రానిక్​ యాక్టివ్​ డిఫరెన్షియల్​ విత్​ టార్క్​ వెక్టరింగ్​ బ్రేకింగ్​ అండ్​ అడాప్టివ్​ ఆఫ్​ రోడ్​ క్రూయిజ్​ కంట్రోల్​ వంటి ఫీచర్స్​ ఉన్నాయి.

Range Rover Sport 2023 : రేంజ్​ రోవర్​ స్పోర్ట్​ ఇంటీరియర్​ చాలా స్టైలిష్​గా కనిపిస్తుంది. స్పేస్​ ఎక్కువగా ఉండటంతో పాటు సరికొత్త టెక్నాలజీని ఇందులో చూడవచ్చు. మొత్తం మీద చాలా కంఫర్ట్​గా, చాలా స్టైలిష్​గా ఇది ఉంటుందనడంలో సందేహం లేదు. సరికొత్త డిజిటల్​ ఎల్​ఈడీ హెడ్​లైట్స్​, అడాప్టివ్​ ఫ్రెంట్​ లైటింగ్​, లో స్పీడ్​ మేన్యువరింగ్​ లైట్స్​తో విజిబులిటీ అనేది మరింత పెరుగుతుంది.

రేంజ్​ రోవర్​ స్పోర్ట్​లో పివి ప్రో ఇన్​ఫోటైన్​మెంట్​ ఫీచర్స్​ ఉన్నాయి. 33.27సెంటీమీటర్ల హెప్టిక్​ టచ్​స్క్రీన్​ ఇందులో ఉంటుంది. డాష్​బోర్డ్​కు సెంటర్​లో ఇది ఉంటుంది. నావిగేషన్​, మీడియా నుంచి వెహికిల్​ సెట్టింగ్స్​ వరకు ఇందులో అన్నింటిని కంట్రోల్​ చేసుకోవచ్చు. ఇందులో నెక్స్ట్​ జెన్​ క్యాబిన్​ ఎయిర్​ ప్యూరిఫికేషన్​ ప్రో ఉంటుంది. దీని ద్వారా లోపల కూర్చున్న వారికి మరింత భద్రత లభిస్తుంది.

రేంజ్​ రోవర్​ స్పోర్ట్​ ధర..

• Range Rover Sport price in India : డీ350 డైనమిక్​ ఎస్​ఈ- రూ. 1.64కోట్లు
• పీ400 డైనమిక్​ హెచ్​ఎస్​ఈ- రూ. 1.68కోట్లు
• డీ350 డైనమిక్​ హెచ్​ఎస్​ఈ- రూ. 1.71కోట్లు
• డీ350 ఆటోబయోగ్రఫి- రూ. 1.81కోట్లు
• డీ350 ఫస్ట్​ ఎడిషన్​- రూ. 1.84కోట్లు

* పైన చెప్పినవి ఎక్స్​షోరూం ధరలు. పూర్తి వివరాల కోసం సమీప డీలర్​షిప్​ షోరూంను సంప్రదించాల్సి ఉంటుంది.