Naga Chaitanya Porsche : రూ. 3.5 కోట్లు పెట్టి పోర్షే కొన్న నాగ చైతన్య.. హైదరాబాద్​లో ఇదే ఫస్ట్​!-naga chaitanya buys 3 5 crore porsche check out his expensive car collection ,బిజినెస్ న్యూస్
తెలుగు న్యూస్  /  బిజినెస్  /  Naga Chaitanya Porsche : రూ. 3.5 కోట్లు పెట్టి పోర్షే కొన్న నాగ చైతన్య.. హైదరాబాద్​లో ఇదే ఫస్ట్​!

Naga Chaitanya Porsche : రూ. 3.5 కోట్లు పెట్టి పోర్షే కొన్న నాగ చైతన్య.. హైదరాబాద్​లో ఇదే ఫస్ట్​!

Sharath Chitturi HT Telugu
May 21, 2024 11:10 AM IST

Porsche 911 GT3 RS : టాలీవుడ్​ హీరా నాగ చైతన్య.. పోర్షే 911 జీటీ3 ఆర్​ఎస్ లగ్జరీ కారును కొన్నారు. ఈ వెహికిల్​ ధరతో పాటు ఇతర వివరాలను ఇక్కడ తెలుసుకోండి..

పోర్షే 911 జీటీ3 ఆర్​ఎస్​తో నాగ చైతన్య..
పోర్షే 911 జీటీ3 ఆర్​ఎస్​తో నాగ చైతన్య..

Naga Chaitanya Porsche 911 GT3 RS : టాలీవుడ్​ స్టార్​ హీరో అక్కినేని నాగ చైతన్యకు కార్లు, బైక్స్​ అంటే చాలా ఇష్టం. ఈ విషయం అందరికి తెలిసిందే. ఆయన గ్యారేజ్​లో.. ఫెరారీ నుంచి బీఎండబ్ల్యూ వరకు ఎన్నో లగ్జరీ కార్స్​ ఉన్నాయి. ఇక ఇప్పుడు.. ఈ లిస్ట్​లోకి మరో కొత్త లగ్జరీ కారు చేరింది. అదే.. పోర్షే 911 జీటీ3 ఆర్​ఎస్​. ఈ విషయాన్ని.. తన ఇన్​స్టాగ్రామ్​ అకౌంట్​ ద్వారా వెల్లడించారు నాగ చైతన్య.

పోర్షే 911 జీటీ3 ఆర్​ఎస్​..

అక్కినేని నాగ చైతన్య కొత్తగా కొన్న ఈ పోర్షే 911 జీటీ3 ఆర్​ఎస్​.. ఎక్స్​షోరూం ధర రూ. 3.51 కోట్లు! సిల్వర్​ కలర్​ని ఆయన ఆప్ట్​ చేసుకున్నారు. చెన్నై సెంట్రల్​లోని పోర్షే డీలర్​షిప్​ షోరూమ్​లో ఆయన ఈ లగ్జరీ వెహికిల్​ తీసుకున్నారు.

"పోర్షే ఫ్యామిలీలోకి నాగ చైతన్యని ఆస్వానిస్తుండటం చాలా సంతోషంగా ఉంది. పోర్షే 911 జీటీ3 ఆర్​ఎస్​ని డెలివరీ చేయడం హ్యాపీగా ఉంది. రేస్​ ట్రాక్​లో, రేస్​ ట్రాక్​ బయట.. ఆయనకు ఈ కారుతో మంచి జ్ఞాపకాలు కలగాలని కోరుకుంటున్నాము," అని చెన్నై సెంట్రల్​లోని పోర్షే డీలర్​షిప్​షోరూమ్​ సోషల్​ మీడియాలో ఒక పోస్ట్​ని షేర్​ చేసింది.

Porsche 911 GT3 RS : పలు నివేదికల ప్రకారం.. నాగ చైతన్య కొన్న ఈ పోర్షే 911 జీటీ3 ఆర్​ఎస్​ కారు రిజిస్ట్రేషన్​ మే 17న జరిగింది. హైదరాబాద్​లో ఇదే తొలి పోర్షే 911 జీటీ3 ఆర్​ఎస్​ అని తెలుస్తోంది. ఇంతకు ముందు ఈ మోడల్​ హైదరాబాద్​ రోడ్లపై తిరగలేదు!

అంతేకాదు.. ఈ లగ్జరీ కారులో డ్రైవ్​ చేస్తూ హైదరాబాద్​ రోడ్లపై కనిపించారు నాగ చైతన్య.

పోర్షే 911 జీటీ3 ఆర్​ఎస్​ ఫీచర్స్​..

నాగ చైతన్య కొన్న ఈ పోర్షే 911 జీటీ3 ఆర్​ఎస్​ టాప్​ స్పీడ్​ 296 కేఎంపీహెచ్​. 0-100 కేఎంపీహెచ్​ని కేవలం 3.2 సెకన్లలో అందుకుంటుంది. ఈ లగ్జరీ కారులో పవర్​ఫుల్​ 3996 సీసీ, నేచురల్సీ ఆస్పిరేటెడ్​, పెట్రోల్​, 6 సిలిండర్​ ఫ్లాట్​, 4 వాల్వ్​, డీఓహెచ్​సీ ఇంజిన్​ ఉంటుంది. ఇది.. 518 బీహెచ్​పీ పవర్​ని, 465 ఎన్​ఎం టార్క్​ని జనరేట్​ చేస్తుంది. మైలేజ్​ మాత్ర 7.4కేఎంపీఎల్​.

ఈ పోర్షే 911 జీటీ3 ఆర్​ఎస్​ పొడవు 4572ఎంఎం. వెడల్పు 1900ఎంఎం. ఎత్తు 1322ఎంఎం. వీల్​బేస్​ వచ్చేసి 2457ఎంఎం. కర్బ్​ వెయిట్​ 1450 కేజీలు.

Porsche 911 GT3 RS price in India : ఇక ఈ లగ్జరీ పోర్షే కారులో.. ఓవర్​స్పీడ్​ వార్నింగ్​, లేన్​ డిపార్చర్​ వార్నింగ్​, ఎమర్జెన్సీ బ్రేకింగ్​ లైట్​ ఫ్లాషింగ్​, పంచర్​ రిపైర్​ కిట్​, ఫార్వర్డ్​ కొలిషన్​ వార్నింగ్​, ఆటోమెటిక్​ ఎమర్జెన్సీ బ్రేకింగ్​, హై బీమ్​ అసిస్ట్​, లేన్​ డిపార్చర్​ ప్రివెన్షన్​, 7 ఎయిర్​బ్యాగ్స్​, ఏబీఎస్​, ఈబీడీ వంటి సేఫ్టీ ఫీచర్స్​ ఉన్నాయి.

నాగ చైతన్య గ్యారేజ్​..

పలు నివేదికల ప్రకారం.. నాగ చైతన్య దగ్గర ఉన్న ఫెరారీ 488జీటీబీ ధర రూ. 3.88 కోట్లు. బీఎండబ్ల్యూ 740 ఎల్​ఐ ధర రూ. 1.30 కోట్లు. 2ఎక్స్​ ల్యాండ్​ రోవర్​ రేంజ్​ రోవర్​ వేగ్యూ ధర రూ. 1.8 కోట్లు. నిస్సాన్​ జీటీ-ఆర్​ ధర రూ. 2.12 కోట్లు. మెర్సిడీస్​ బెంజ్​ జెడ్​ క్లాస్​ జీ 63 ఏఎంజీ ధర రూ. 2.28 కోట్లు. ఎంవీ ఆగస్త్య ఎఫ్​4 ధర రూ. 35లక్షలు. బీఎండబ్ల్యూ 9ఆర్​టీ ధర రూ. 18.5 లక్షలు.

WhatsApp channel

సంబంధిత కథనం