ఊహాగానాలకు తెరలేపుతున్న మిస్టీరియస్ మిడ్-ఫ్లైట్ ర్యాప్, రెడ్ ఎన్వలప్ సొసైటీ
ఎగురుతున్న విమానంలో ప్రయాణికులను విస్మయానికి గురిచేసిన ఒక యాదృచ్ఛికమైన ప్రదర్శన ఇంటర్నెట్‌లో హల్ చల్ చేస్తుంది. ఇంతకీ రెడ్ ఎన్వలప్ సొసైటీ అంటే ఏమిటి? దాని వెనుక నిజంగా ఎవరు ఉన్నారు?
ఢిల్లీ నుంచి దుబాయ్ వెళ్తున్న విమానంలో ఫార్మల్స్ ధరించి ప్రశాంతమైన ప్రవర్తనతో ఉన్న ఓ వ్యక్తి ప్రయాణం మధ్యలో అనుకోకుండా లేచి నిల్చుని యానిమేటెడ్ ర్యాప్ ప్రదర్శన చేయడంతో ప్రయాణికులు అవాక్కయ్యారు. సుమారు 30 సెకన్ల పాటు సాగిన ఈ సంక్షిప్త ప్రదర్శన అందరి దృష్టిని ఆకర్షించడంతో పాటు ఆన్ లైన్ లో అనేక ఊహాగానాలకు తెరలేపింది.
ఒక గుప్త సంపదను అన్‌లాక్ చేయడంలో కీలకంగా ఉన్న ఇన్స్టాగ్రామ్ పేజీని ఆ ర్యాప్ ప్రస్తావించిందని, రహస్యమైన "రెడ్ ఎన్వలప్ సొసైటీ" గురించి సూచించిందని ప్రయాణికులు తెలిపారు. నిగూఢమైన ఆ యొక్క రాప్ లిరిక్స్ గురించి ప్రశ్నించినప్పుడు, ఆ వ్యక్తి "రెడ్ ఎన్వలప్ సొసైటీని కనుక్కోండి - వాళ్ళే అన్నింటిని నియంత్రిస్తారు" అని ఒకే ఒక మాట చెప్పి నోరు మెదపకుండా మౌనంగా ఉండిపోయాడు.
ఈ సంఘటన తరువాత, గాల్లో జరిగిన ఈ ప్రదర్శన యొక్క క్లిప్పులు ఇన్స్టాగ్రామ్ రీల్స్, ఎక్స్ (గతంలో ట్విట్టర్) సహా సోషల్ మీడియా ప్లాట్‌ఫామ్‌లను ముంచెత్తడంతో విస్తృతమైన ఆసక్తిని రేకెత్తించాయి. ఈ సంఘటన ఆన్ లైన్ లో సంచలనాన్ని రేకెత్తించింది. ఇది ఒక పెద్ద రహస్య సందేశంలో భాగమా, లేదంటే అండర్ గ్రౌండ్ లో జరుగుతున్న ఏదైనా ఉద్యమంలో భాగమా లేదా ఏదైనా ఒక విచిత్రమైన సంఘటనలో భాగమా అని చాలా మంది ఆశ్చర్యపోతున్నారు.
ఇలాంటి ఘటన జరగడం ఇదే తొలిసారి కావడంతో ఈ ప్రదర్శన చుట్టూ ఉన్న మిస్టరీ తీవ్ర ఊహాగానాలకు దారితీసింది. ఇది ఏదో పెద్దదానికి నాంది కావచ్చని కొందరు భావిస్తుండగా, మరికొందరు ఇది ఒక రహస్య సొసైటీతో ముడిపడి ఉందా లేదా ఒక నిధి వేటతో ముడిపడి ఉందా అని ప్రశ్నిస్తున్నారు. ఇందులో పాల్గొన్న వ్యక్తి ఎవరనేది ఇంకా తెలియలేదు. ఈ పరిస్థితిపై సంబంధిత విమానయాన సంస్థ ఇంకా ఎలాంటి అధికారిక ప్రకటన చేయలేదు.
నెట్టింటిలో జరుగుతున్న సంభాషణల్లో అత్యంత ఆసక్తికరమైన భాగం ర్యాప్ లో పేర్కొన్న, ది రెడ్ ఎన్వలప్ ఇన్స్టాగ్రామ్ పేజీ. చాలావరకు అంతుచిక్కనిదిగా మిగిలిపోయిన ఈ పేజీలో నిగూఢ సందేశాలు ఉండటం మరింత గందరగోళానికి దారితీస్తుంది. ఇది ఒక క్లూ అయ్యుంటుందా లేదా ఒక ఎన్ క్రిప్టెడ్ పజిల్ అయ్యుంటుందా ? ఇది మనం అనుకుంటున్న దానికంటే చాలా పెద్దదానిలో భాగమా, లేదా ఎటువంటి అర్థం లేని కేవలం ఒక యాదృచ్ఛిక సంఘటన మాత్రమే అయ్యుండొచ్చా?
ఈ వింత సంఘటన ఆన్ లైన్ లో ప్రకంపనలు సృష్టిస్తుండటంతో ఈ ప్రదర్శన వెనుక అసలు ఉద్దేశం ఏమిటనే ప్రశ్నలు తలెత్తుతున్నాయి. ఇది జాగ్రత్తగా ప్లాన్ చేయబడిన సందేశమా, ఒక్కసారి మాత్రమే జరిగిన సంఘటననా లేదా అంతకంటే ముఖ్యమైనదా? ప్రజలలో కుతూహలం పెరుగుతూనే ఉంది, మరియు ఈ రహస్యమైన రెడ్ ఎన్వలప్ సొసైటీ వెనుక నిజంగా ఏమి ఉందో కాలమే చెప్తుంది.
ప్రస్తుతానికి, కథ మిస్టరీగా మిగిలిపోయింది. మరిన్ని వివరాలు బయటకు వచ్చే కొద్దీ హెచ్ టి డిజిటల్ పరిణామాలను ట్రాక్ చేస్తూనే ఉంటుంది.
(పాఠకులకు గమనిక: ఈ కథనం జెనెసిస్ పరిశోధనా విభాగం రచించగా, రెడ్ ఎన్వోలోప్ సొసైటీ నుండి ఇన్‌పుట్‌లతో కూడి ఉంది.)
