Must have features in car : కంఫర్ట్, సేఫ్టీ కోసం కారులో ఈ ఫీచర్స్ కచ్చితంగా ఉండాల్సిందే!
Must have features in car in 2025 : కారు కొనే ముందు చాలా ఆలోచిస్తుంటాము. కారులో ఎలాంటి ఫీచర్స్ ఉండాలి? సేఫ్టీ ఫీచర్స్ ఎన్ని ఉండాలి? కంఫర్ట్ ఇచ్చే ఫీచర్స్ ఏంటి? వంటివి చూస్తుంటాము. ఒకవేళ మీరు ఈ 2025లో కారు కొంటుంటే, ఒక కారులో ఉండాల్సిన ఫీచర్స్ వివరాలను ఇక్కడ చూసేయండి..
కారు కొనడం అనేది చాలా మంది కల! మరి మీరు కొత్తగా కారు కొంటున్నారా? మంచి కారులో ఎలాంటి సేఫ్టీ, కంఫర్ట్ ఫీచర్స్ ఉండాలో తెలుసుకోవాలనుకుంటున్నారా? అయితే ఇది మీకోసమే. ఈ 2025లో కారు కొంటుంటే, కచ్చితంగా ఉండాల్సిన ఫీచర్స్ లిస్ట్లో కొన్నింటిని ఇక్కడ తెలుసుకోండి. ఈ డేటా మీకు చాలా ఉపయోగకరంగా ఉంటుంది.
కారులో ఈ ఫీచర్స్ ఉండాల్సిందే!
ఎయిర్బ్యాగ్స్- సేఫ్టీలో అత్యంత ముఖ్యమైనవి ఎయిర్బ్యాగ్స్. ఇప్పుడు అఫార్డిబుల్ కార్లలోనూ వీటిని స్టాండర్డ్గా ఇస్తున్నారు. కారు, వేరియంట్ బట్టి 2,4,6 ఎయిర్బ్యాగ్స్ వస్తున్నాయి. ఏదైనా ప్రమాదం జరిగినప్పుడు, ప్యాసింజర్లు డ్యాష్బోర్డు, స్టీరింగ్ వీల్, విండ్షీల్డ్ని ఢీకొట్టకుండా ఇవి అడ్డుకుంటాయి. సైడ్ ఎయిర్బ్యాగ్స్ కూడా చాలా ఉపయోగకరంగా ఉంటాయి.
రివర్స్ సెన్సింగ్ సిస్టెమ్- కొందరికి కారు రివర్స్ తిప్పుతున్నప్పుడు, రివర్స్లో పార్కింగ్ చేస్తున్నప్పుడు ఇబ్బందిగా ఉంటుంది. దీనికి పరిష్కారం రివర్స్ సెన్సింగ్ సిస్టెమ్. వెహికిల్ వెనుక భాగంలో అమర్చే కెమెరా మన పనిని సులభతం చేస్తుంది. రివర్స్ గేర్ వేసినప్పుడు ఆటోమెటిక్గా ఈ ఈ సిస్టెమ్ ఆన్ అవుతుంది. మీ పరిసరాలను చూడవచ్చు. ఏదైనా వస్తువు అడ్డొస్తే లేదా ఆ వస్తువుకు కారు అతి సమీపంగా వెళితే బీప్ సౌండ్ వచ్చి మిమ్మల్ని అలర్ట్ చేస్తుంది.
డీఫాగర్- విండోలు తరచూ ఫాగ్ అవుతుంటాయి. వర్షాకాలం, చలికాలంలో ఇది ఇంకా ఎక్కువగా ఉంటుంది. అప్పుడు మీ విజన్ బ్లర్ అవుతుంది. అందుకే కారులో డీఫాగర్ ఫీచర్ ఉంటే బగుంటుంది. కొన్ని వాహనాల్లోని లో- ఎండ్ వేరియంట్లలో ఇది లభించదు. వాల్యూ ఫర్ మనీ వేరియంట్స్ నుంచి ఈ ఫీచర్ ప్రారంభమవుతుంది.
ఫాగ్ ల్యాంప్స్- డ్రైవింగ్ సేఫ్టీలో ఫాగ్ ల్యాంప్స్ ముఖ్యం. పొగమంచు వంటి పరిస్థితుల్లో రోడ్డు కనిపించకపోవచ్చు. ఈ ఫాగ్ లైట్స్లో నుంచి వైడ్ బీమ్ లైట్ బయటకు వస్తుంది. విజిబులిటీ మెరుగుపడుతుంది. యెల్లో ఫాగ్ లైట్స్ ఉంటే ఇంకా బెటర్!
యంటీలాక్ బ్రేకింగ్ సిస్టెమ్- దీనినే ఏబీఎస్ అంటారు. ఇది కాస్త ఖర్చుతో కూడుకున్న ఫీచర్ అయినప్పటికీ, చాలా ఉపయోగకరంగా ఉంటుంది. అత్యవసరంగా బ్రేక్లు వేసినప్పుడు కారు వీల్స్ లాక్ అవ్వకుండా ఈ ఫీచర్ చూసుకుంటుంది. అంటే, ఏబీఎస్ వల్ల డ్రైవర్ బ్రేక్ వేస్తూనే, స్టీరింగ్ని తిప్పుతూ, బయట ఉన్న వస్తువుల నుంచి తప్పించుకోవచ్చు. ఒక్క విషయం ఏంటంటే, ఆయా సమాయాల్లో ఏబీఎస్ ఒక్కటే ప్రమాదాన్ని నివారించలేదు. డ్రైవర్ స్కిల్ చాలా ముఖ్యం.
ఎలక్ట్రానిక్ స్టెబులిటీ కంట్రోల్- దీనిని ఈఎస్సీ అంటారు. బ్రేక్స్ పడినప్పుడు వాహనం స్కిడ్ అవ్వకుండా ఇది చూసుకుంటుంది.
ట్రాక్షన్ కంట్రోల్- వీల్స్ స్పిన్ అవ్వకుండా ఈ ఫీచర్ చూసుకుంటుంది. రోడ్డు జారే విధంగా ఉన్నప్పుడు చాలా ఉపయోగకరంగా ఉంటుంది.
పవర్ ఔట్పుట్స్- ఈ మధ్య కాలంలో చాలా కార్లకు 12వాట్ పవర్ ఔట్పుట్స్ వస్తున్నాయి. మొబైల్ ఫోన్స్ని ఛార్జ్ చేసుకునేందుకు ఇవి మంచి ఆప్షన్.
హైట్ అడ్జెస్టెబుల్ సీట్స్- ఈ ఫీచర్ ఇటీవలి కాలంలో ప్రాముఖ్యత పొందుతోంది. ఇప్పుడొస్తున్న కార్లలో దీనిని అడిషనల్ ఫీచర్గా ఇస్తున్నారు. హైట్ తక్కువ ఉన్న డ్రైవర్లకు ఇది చాలా ఉపయోగకరంగా ఉంటుంది. హైట్ ఎక్కువ ఉన్న డ్రైవర్లు కూడా ఈ ఫీచర్తో సీట్ హైట్ని తగ్గించుకోవచ్చు.
టెక్నాలజీ- లేటెస్ట్ టెక్నాలజీకి మనం అప్డేట్ అవ్వకపోతే కష్టమే! అందుకే మనం కొనే కారులో సరైన నేవిగేషన్ సిస్టెమ్, స్మార్ట్ఫోన్ ఇంటిగ్రేషన్ వంటివి కచ్చితంగా ఉండాలి.
పవర్ విండోస్, ఆటోమెటిక్ లాక్స్- ఇవి అనేక కార్లలో స్టాండర్డ్గా వస్తున్నాయి. పవర్ విండోస్తో మన పని చాలా సులభమవుతుంది. కారు కొంత వేగాన్ని అందుకున్న తర్వాత డోర్స్ ఆటోమెటిక్గా లాక్ అవుతాయి. కానీ కొన్ని లో- ఎండ్ వేరియంట్లలో పవర్ విండోస్ ఉండకపోవచ్చు చెక్ చేసుకోండి.
ఏసీ- కారులో ఏసీ ఉండాలి. ఎండా కాలంలో దీని అవసరం ఇంకా ఎక్కువ పడుతుంది.
ఇన్ఫోటైన్మెంట్ సిస్టెమ్- ప్రతికారులోనూ ఇది స్టాండర్డ్ ఫీచర్గా మారిపోయింది. ఎఫ్ఎం, మ్యూజిక్ నుంచి నేవిగేషన్, కాంటాక్స్ వరకు ఇందులో చాలా చూడవచ్చు. ఎన్ని ఇంచ్ల ఇన్ఫోటైన్మెంట్ సిస్టెమ్ ఉండాలనేది మీ ఇష్టాలపై ఆధారపడి ఉంటుంది.
ఏడీఏఎస్- దీనిని అడ్వాన్స్డ్ డ్రైవర్ అసిస్టెంట్ సిస్టెమ్ అంటారు. ఇందులోని అనేక సేఫ్టీ ఫీచర్స్ ఉంటాయి. కానీ ఇది టాప్- ఎండ్ మోడల్స్లో ఎక్కవ అందుబాటులో ఉంటుంది.
అదనపు ఫీచర్లు..
ప్యాసింజర్ల కంఫర్ట్, సేఫ్టీ కోసం పైన చెప్పిన వాటితో పాటు ఇంకా చాలా ఫీచర్స్ ప్రస్తుతం అందుబాటులో ఉన్నాయి. సన్రూఫ్, 360 డిగ్రీ కెమెరా, రూఫ్ రెయిల్, రేర్ ఏసీ వెంట్స్, వెంటిలేటెడ్ సీట్స్, అడ్జెస్టెబుల్ స్టీరింగ్ కాలమ్, టర్బోఛార్జ్డ్ ఇంజిన్, వివిధ డ్రైవ్ మోడ్స్, లెథర్ అప్హోలిస్ట్రీ, యాంబియెంట్ లైటింగ్, ప్రీమియం సౌండ్ సిస్టెమ్, క్రూయిజ్ కంట్రోల్, వైర్లెస్ ఛార్జింగ్ వంటివి కొన్ని ఉదాహరణలు. రానున్న కాలంలో ఇంకా ఎన్నో ఫీచర్లు మన ముందుకు వస్తుటాయి. అయితే, ఇవన్నీ కస్టమర్ అభిరుచులు, కోరికలను ప్రతిబింబిస్తాయి. కచ్చితంగా ఉండాల్సిందే! అని కాదు. పైగా ఇవి ఖర్చుతో కూడుకున్నవి.
Sharath Chitturi
సంబంధిత కథనం