Multibagger stock: 11 నెలల్లోనే రూ.1 లక్ష ను రూ. 88 లక్షలు చేసిన మల్టీబ్యాగర్ స్టాక్
Multibagger stock: లక్ష రూపాయలు కేవలం సంవత్సరం లోపే రూ. 88 లక్షలయ్యాయి. ఈ మేజిక్ చేసింది ఒక చిన్న కంపెనీ. ఈ స్మాల్ క్యాప్ పెన్నీ స్టాక్ మల్టీ బ్యాగర్ గా అవతరించి ఇన్వెస్టర్లను లక్షాధికారులను చేసింది. కొఠారి ఇండస్ట్రియల్ కార్పొరేషన్ ఈ సంవత్సరం 84% లాభపడింది.
Multibagger small cap penny stock: దాదాపు గత 6 నెలలుగా స్టాక్ మార్కెట్ పతనం దిశగా వెళ్తోంది. తీవ్రమైన అమ్మకాల ఒత్తిడిలో నష్టాలను చవి చూస్తోంది. ఈ పరిస్థితుల్లోనూ కొన్ని స్టాక్స్ ఈ బేరిష్ ట్రెండ్ ను అధిగమించగలిగాయి. వాటిలో ఒకటి స్మాల్ క్యాప్ పెన్నీ స్టాక్ అయిన కొఠారి ఇండస్ట్రియల్ కార్పోరేషన్. ఇది భారీ అమ్మకాల మధ్య కూడా నిలకడగా ఉన్న స్టాక్ లలో ఒకటి. నిఫ్టీ స్మాల్ క్యాప్ 100 ఇండెక్స్ లో 20.10 శాతం క్షీణతతో పోలిస్తే ప్రస్తుత సంవత్సరంలో కంపెనీ షేర్లు 84 శాతం పెరిగాయి.
ఆరు నెలల్లో 280 శాతం రాబడి
కొఠారి ఇండస్ట్రియల్ కార్పోరేషన్ స్టాక్ గత ఆరు నెలల్లో 280 శాతం రాబడిని అందించింది. 12 నెలల్లోనే ఈ షేరు ధర రూ.1.80 నుంచి రూ.159.25కు పెరిగింది. అంటే 8,747 శాతం రాబడి. 12 నెలల క్రితం ఈ కంపెనీ స్టాక్స్ ను రూ. 1 లక్షపెట్టి కొనుగోలు చేసి, వాటిని మళ్లీ అమ్మేయకుండా అట్టిపెట్టుకున్న వారికి, ఆ పెట్టుబడి మొత్తం సుమారు రూ. 88.50 లక్షలయింది.. రిటైల్ ఇన్వెస్టర్లు డిసెంబర్ త్రైమాసికంలో కంపెనీలో తమ వాటాను పెంచుకున్నారు. సెప్టెంబర్ త్రైమాసికంలో వారి మొత్తం హోల్డింగ్స్ 41.3% నుండి 53% కు పెరిగాయి.
ఎల్ఐసీ వాటా
లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC)కు కంపెనీలో 1.89 శాతం వాటా ఉండగా, మిగిలిన 44.1 శాతం వాటా కంపెనీ ప్రమోటర్లకు ఉందని బీఎస్ఈ షేర్ హోల్డింగ్ డేటా తెలిపింది. కొఠారి ఇండస్ట్రియల్ కార్పొరేషన్ ఎరువుల తయారీలో నిమగ్నమై ఉంది. దక్షిణాది రాష్ట్రాల్లో పంపిణీదారుల నెట్ వర్క్ ను నిర్వహిస్తుంది. అక్కడ ఇది బలమైన బ్రాండ్ గుర్తింపును సాధించింది. కంపెనీ తన ఎరువుల కర్మాగారాన్ని కోరమాండల్ ఇంటర్నేషనల్ లిమిటెడ్ కు లీజుకు ఇచ్చింది. అదనంగా, ఇది ఆరోగ్య సంరక్షణ వస్తువులు వంటి ఎఫ్ఎంసిజి ఉత్పత్తులను మార్కెటింగ్ చేస్తుంది. రస్క్, కుకీలు, డమ్ రూట్స్ ను ఉత్పత్తి చేస్తుంది.
ఇటీవలి పరిణామాలు
కొఠారి ఇండస్ట్రియల్ కార్పోరేషన్ రాష్ట్రంలో అరుదైన భూమి, కీలకమైన ఖనిజాల తవ్వకాల కోసం ఫిబ్రవరి చివరిలో అస్సాం ప్రభుత్వంతో అవగాహన ఒప్పందం (MOU) కుదుర్చుకుంది. అందుకు గానూ రూ.200 కోట్ల ప్రారంభ పెట్టుబడి పెట్టనుంది. అస్సాం ప్రభుత్వం, దాని ప్రభుత్వ రంగ సంస్థల (PSU) సహకారంతో ఈ ప్రాజెక్టును అభివృద్ధి చేయనున్నారు. అస్సాంలో ఈ విస్తరణ తమిళనాడులోని తన సొంత స్థావరాన్ని దాటి కెఐసిఎల్ యొక్క మొదటి అడుగును సూచిస్తుంది.
సూచన: ఈ వ్యాసంలో ఇచ్చిన అభిప్రాయాలు మరియు సిఫార్సులు వ్యక్తిగత విశ్లేషకులవి. ఇవి హెచ్ టీ తెలుగు అభిప్రాయాలకు ప్రాతినిధ్యం వహించవు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదించాలని మేము పెట్టుబడిదారులకు సలహా ఇస్తున్నాము.
Sudarshan V
సంబంధిత కథనం