Motorola Edge 60 Stylus : మోటోరోలా కొత్త స్మార్ట్​ఫోన్​ లాంచ్​- మిడ్​ రేంజ్​ సెగ్మెంట్​లో ది బెస్ట్​!

మోటోరోలా తన కొత్త స్మార్ట్​ఫోన్​ని ఇండియాలో లాంచ్​ చేసింది. దీని పేరు మోటోరోలా ఎడ్జ్​ 60 స్టైలస్​. ఇదొక మిడ్​రేంజ్​ స్మార్ట్​ఫోన్​. మిలిటరీ గ్రేడ్ ఎంఐఎల్-ఎస్టీడీ-810హెచ్ సర్టిఫికేషన్, వాటర్ అండ్ డస్ట్ రెసిస్టెన్స్ కోసం ఐపీ68 రేటింగ్, క్వాడ్ కర్వ్​డ్​ ఓఎల్ఈడీ డిస్​ప్లే వంటి స్పెసిఫికేషన్స్​తో వస్తున్న ఈ స్మార్ట్​ఫోన్​ వివరాలను ఇక్కడ తెలుసుకోండి..

మోటోరోలా ఎడ్జ్ 60 స్టైలస్- ధర..

మోటోరోలా ఎడ్జ్ 60 స్టైలస్ సింగిల్ 8 జీబీ ర్యామ్ / 256 జీబీ స్టోరేజ్ వేరియంట్​లో అందుబాటులో ఉంటుంది. దీని ధర రూ.22,999. ఫ్లిప్​కార్ట్, మోటోరోలా సొంత వెబ్​సైట్, ఆఫ్​లైన్ స్టోర్లలో ఈ ఏప్రిల్ 23 నుంచి ఈ మిడ్​ రేంజ్​ స్మార్ట్​ఫోన్ అందుబాటులో ఉండనుంది.

పాంటోన్ సర్ఫ్ ది వెబ్, పాంటోన్ జిబ్రాల్టర్ సీ అనే రెండు కలర్ వేరియంట్లలో ఈ స్మార్ట్​ఫోన్ లభించనుంది.

మోటోరోలా ఎడ్జ్ 60 స్టైలస్- స్పెసిఫికేషన్లు:

మోటోరోలా ఎడ్జ్ 60 స్టైలస్​లో 6.7 ఇంచ్​ ఫుల్ హెచ్​డీ+ 10 బిట్ పీఓలెడ్ డిస్​ప్లే, 120 హెర్ట్జ్ రిఫ్రెష్ రేట్, 3,000 నిట్స్ పీక్ బ్రైట్​నెస్ వంటివి ఉన్నాయి. ఈ ఫోన్ ముందు భాగంలో కార్నింగ్ గొరిల్లా గ్లాస్ 3, వెనుక భాగంలో వీగన్​​ లెథర్ ఫినిషింగ్ ఉన్నాయి.

అడ్రినో 710జీపీయూతో కూడిన క్వాల్కమ్​ స్నాప్​డ్రాగన్ 7ఎస్ జెన్ 2 ప్రాసెసర్​పై ఈ మిడ్​ రేంజ్​ స్మార్ట్​ఫోన్ పనిచేయనుంది. 8 జీబీ వరకు ఎల్పీడీడీఆర్ 4ఎక్స్ ర్యామ్, 256 జీబీ వరకు యూఎఫ్ఎస్ 2.2 స్టోరేజ్ లభిస్తోంది. అయితే, దీన్ని మైక్రోఎస్​డీ కార్డ్ స్లాట్ ద్వారా 1 టీబీ వరకు పెంచుకోవచ్చు.

ఆండ్రాయిడ్ 15 ఆధారిత మోటోరోలా మై యూఎక్స్​తో వచ్చిన ఈ ఫోన్​పై 2 సంవత్సరాల ఓఎస్ అప్​డేట్స్, 3 సంవత్సరాల సెక్యూరిటీ ప్యాచ్​లను సంస్థ హామీ ఇస్తోంది. మోటోరోలా ఎడ్జ్ 60 స్టైలస్ 5,000 ఎమ్ఏహెచ్ బ్యాటరీతో 68 వాట్ వైర్డ్ ఫాస్ట్ ఛార్జింగ్, 15 వాట్ వైర్లెస్ ఛార్జింగ్ సపోర్ట్​తో వస్తుంది.

ఇక కెమెరా విషయానికొస్తే, ఈ మోటోరోలా ఎడ్జ్​ 60 స్టైలస్​లో 50 మెగాపిక్సెల్ సోనీ ఎల్వైటీ-700సీ ప్రైమరీ సెన్సార్, 13 మెగాపిక్సెల్ అల్ట్రా వైడ్ యాంగిల్ లెన్స్​తో వెనుక భాగంలో డ్యూయల్ కెమెరా సెటప్ వంటివి ఉన్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరాను అందించారు.

కనెక్టివిటీ విషయానికొస్తే, ఈ ఫోన్ 5జీ, డ్యూయల్ 4జీ వోల్ట్​ఈ, డ్యూయల్ బ్యాండ్ వై-ఫై, బ్లూటూత్ 5.4, జీపీఎస్, ఎన్ఎఫ్​సీతో వస్తుంది. డాల్బీ అట్మాస్ బ్రాండింగ్​తో డ్యూయల్ స్టీరియో స్పీకర్ సెటప్​కు కూడా ఫోన్​ సపోర్ట్ చేస్తుంది.

భారీ అంచనాల మధ్య విడుదలైన ఈ స్మార్ట్​ఫోన్​ భారతీయులను ఏ మేరకు ఆకట్టుకుంటుందో చూడాలి.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..