మోటోరోలా నుంచి కొత్త ప్రాడక్ట్స్​- ప్యాడ్​ 60 ప్రో, బుక్​ 60 లాంచ్​పై అప్డేట్​..

మోటోరోలా నుంచి బిగ్​ అప్డేట్​! రెండు కొత్త గ్యాడ్జెట్స్​ని సంస్థ త్వరలోనే ఇండియాలో లాంచ్​ చేయనుంది. ఏప్రిల్ 17న మోటో ప్యాడ్ 60 ప్రో, మోటో బుక్ 60ని భారతదేశంలో లాంచ్ చేయనున్నట్లు ధృవీకరించింది. మోటోరోలా ఎడ్జ్ 60 స్టైలస్​ను ఏప్రిల్ 15న లాంచ్ చేయనున్నట్లు కంపెనీ వెల్లడించిన కొద్దిసేపటికే ఈ ప్రకటన వెలువడింది. మోటో ప్యాడ్ 60 ప్రో, మోటో బుక్ 60 రెండింటి వివరణాత్మక స్పెసిఫికేషన్లు ఇప్పుడు ఫ్లిప్​కార్ట్​లో అందుబాటులో ఉన్నాయి. రాబోయే గ్యాడ్జెట్స్​కి సంబంధించిన వివరాలను ఇక్కడ తెలుసుకోండి..

మోటో ప్యాడ్ 60 ప్రో: కీలక ఫీచర్లు

మోటో ప్యాడ్ 60 ప్రో పెద్ద, హై-క్వాలిటీ డిస్​ప్లే, హై పర్ఫార్మెన్స్​ని కోరుకునే వినియోగదారుల కోసం రూపొందించిన గ్యాడ్జెట్​ అని చెప్పుకోవాలి. ఫ్లిప్​కార్ట్​ లిస్టింగ్ ధృవీకరించినట్లుగా ఈ డివైస్ 12.7 ఇంచ్​ ఎల్సిడీ స్క్రీన్​ని కలిగి ఉంది. ఇది 3 కే రిజల్యూషన్, 144 హెర్ట్జ్ రిఫ్రెష్ రేటును అందిస్తుంది. డైమెన్సిటీ 8300 చిప్సెట్, 45వాట్ ఫాస్ట్ ఛార్జింగ్ సపోర్ట్ చేసే 10,200 ఎంఏహెచ్ బ్యాటరీని ఇందులో అందించారు. ఆండ్రాయిడ్ 15 ఆపరేటింగ్ సిస్టంపై పనిచేసే ఈ డివైజ్​ జేబీఎల్ రూపొందించిన క్వాడ్ స్పీకర్ సెటప్​తో ప్రీమియం మల్టీమీడియా ఎక్స్​పీరియెన్స్​ని అందిస్తుంది. అదనంగా, మోటోరోలా మోటో పెన్ ప్రో స్టైలస్​ని బాక్స్​లో చేర్చనుంది.

మోటో బుక్ 60: ముఖ్య స్పెసిఫికేషన్లు

మోటో బుక్ 60 కేవలం 1.4 కిలోల బరువున్న తేలికపాటి ల్యాప్​టాప్​ ఆప్షన్​ని అందిస్తుంది. ఇందులో 2.8కే రిజల్యూషన్, 500 నిట్స్ పీక్​ బ్రైట్​నెస్​తో 14 ఇంచ్​ ఓఎల్ఈడీ డిస్​ప్లేని అందించారు. ఇంటెల్ కోర్ ఐ7 ప్రాసెసర్, 60వాట్ యూఎస్​బీ-సీ ఛార్జింగ్​కి సపోర్ట్ చేసే 60వాట్ బ్యాటరీతో ఈ ల్యాప్​టాప్ పనిచేస్తుంది. డాల్బీ అట్మాస్ రూపొందించిన డ్యూయెల్ స్టీరియో స్పీకర్ల ద్వారా ఆడియోను అందిస్తారు. మోటో బుక్ 60 రెండు కలర్ ఆప్షన్లలో లభిస్తుంది: వెడ్జ్​వుడ్ (బ్లూ), బ్రాంజ్ గ్రీన్.

ఈ రెండు గ్యాడ్జెట్స్​కి సంబంధించిన ధరలను సంస్థ ఇంకా ప్రకటించలేదు. ఏదేమైనా, మోటో బుక్​ 60 అనేది మోటోరోలో తొలి నోట్​బుక్​ అవుతుంది. టెక్​ మార్కెట్​లో సంస్థ తన ప్రాడక్ట్స్​ సెగ్మెంట్​ని విస్తరించుకుంటోందని దీని బట్టి అర్థమవుతుంది.

మోటోరోలా ఎడ్జ్​ 60 స్టైలస్​..

ఏప్రిల్ 15న మోటోరోలా ఎడ్జ్ 60 స్టైలస్​ను ఆవిష్కరించనుంది. ఫ్లిప్​కార్ట్ లిస్టింగ్స్ ప్రకారం.. ఈ ఫోన్ స్నాప్​డ్రాగన్ 7ఎస్ జెన్ 2 చిప్సెట్​తో 6.67 ఇంచ్​ 1.5కే పీఓఎల్​ఈడ్ డిస్​ప్లేతో వస్తుంది. ఇందులో 256 జీబీ వరకు స్టోరేజ్, 50 మెగాపిక్సెల్ ప్రైమరీ సెన్సార్​ సహా ట్రిపుల్ కెమెరా సెటప్​ని అందించనున్నారు.