సింగిల్​ ఛార్జ్​తో 449 కి.మీ రేంజ్​- ఎంజీ విండ్సర్ ఈవీ ప్రోపై బిగ్​ అప్డేట్​..

జేఎస్​డబ్ల్యూ ఎంజీ మోటార్ ఇండియా భారత మార్కెట్​లో విండ్సర్ ఈవీ ప్రో ఎలక్ట్రిక్​ కారు డెలివరీలను ప్రారంభించింది. ఇటీవల లాంచ్ అయిన ఈవీ కేవలం 24 గంటల్లోనే 8,000 బుకింగ్స్ సాధించడం విశేషం. ఇది విండ్సర్ లైనప్​లో కొత్త టాప్-ఎండ్ వేరియంట్​గా అందుబాటులోకి వచ్చింది. స్టాండర్డ్ విండ్సర్ ఈవీ కంటే అనేక కొత్త ఫీచర్లు ఇందులో ఉన్నాయి. ఈ ఎలక్ట్రిక్​ కారుకు సంబంధించిన పూర్తి వివరాలను ఇక్కడ చూసేయండి..

ఎంజీ విండ్సర్ ఈవీ ప్రో ధర ఎంత?

ఎంజీ విండ్సర్ ఈవీ ప్రో ఎలక్ట్రిక్​ కారులో ఎక్స్​షోరూమ్ ధర రూ.18.10 లక్షలు. తొలుత రూ.17.49 లక్షల ఎక్స్​షోరూమ్ ధరతో లాంచ్ చేసినప్పటికీ తొలి 8,000 మంది కస్టమర్లకు మాత్రమే ఇది అందుబాటులోకి ఉంది.

ఎంజీ విండ్సర్ ఈవీ ప్రో బ్యాటరీ ప్యాక్ ఎంత?

ఎంజీ విండ్సర్ ఈవీ ప్రోలో 52.9 కిలోవాట్ల బ్యాటరీ ఉంది. స్టాండర్డ్​ విండ్సర్ ఈవీ 38 కిలోవాట్ల యూనిట్​తో అందుబాటులో ఉంది.

ఎంజీ విండ్సర్ ఈవీ ప్రో రేంజ్ ఎంత?

విండ్సర్ ఈవీ ప్రోని ఒక్కసారి ఛార్జ్ చేస్తే 449 కిలోమీటర్ల వరకు ప్రయాణించగలదని జేఎస్​డబ్ల్యూ ఎంజీ మోటార్ ఇండియా వెల్లడించింది.

ఎంజీ విండ్సర్ ఈవీ ప్రో ఎలక్ట్రిక్ మోటార్ స్పెసిఫికేషన్లు ఏంటి?

విండ్సర్ ఈవీ ప్రో ఎలక్ట్రిక్ మోటారులో కంపెనీ ఎటువంటి మార్పులు చేయలేదు. ఇది 134 బీహెచ్​పీ పవర్, 200ఎన్ఎమ్ గరిష్ట టార్క్​ను జనరేట్​ చేస్తుంది.

ఎంజీ విండ్సర్ ఈవీ ప్రో అదనపు ఫీచర్లు ఏంటి?

ఎంజీ విండ్సర్ ఈవీతో పోలిస్తే, ప్రో వేరియంట్​ ఎలక్ట్రిక్ టెయిల్​ గేట్​, ఏడీఏఎస్ లెవల్ 2తో వస్తుంది. ఇది కాకుండా, ఇంటీరియర్ ఇప్పుడు బీజ్, బ్లాక్​ డ్యూయెల్-టోన్ థీమ్​తో వస్తుంది.

15.6 ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్, 8.8 ఇంచ్​ డిజిటల్ డ్రైవర్ డిస్​ప్లే, పానోరమిక్ గ్లాస్ రూఫ్, వైర్​లెస్ ఫోన్ ఛార్జింగ్, 9 స్పీకర్ ఇన్ఫినిటీ ఆడియో సిస్టెమ్, 360 డిగ్రీల కెమెరా, వెంటిలేటెడ్ ఫ్రంట్ సీట్లు, ఎలక్ట్రానిక్ పార్కింగ్ బ్రేక్, ఆరు ఎయిర్ బ్యాగులు వంటి ఫీచర్లు ఉన్నాయి.

ఎంజీ విండ్సర్ ఈవీ ప్రోలో కాస్మెటిక్ మార్పులు ఏంటి?

ఈ ఎలక్ట్రిక్​ కారులో జేఎస్​డబ్ల్యూ ఎంజీ మోటార్ ఇండియా మూడు అదనపు కలర్ ఆప్షన్లను ప్రవేశపెట్టింది. అవి.. సెలాడాన్ బ్లూ, అరోరా సిల్వర్, గ్లేజ్ రెడ్. అదనంగా, పెర్ల్ వైట్, స్టార్బర్ట్స్​ బ్లాక్, టర్కోయిస్ గ్రీన్ కూడా అందుబాటులో ఉన్నాయి. 19 ఇంచ్​ అల్లాయ్ వీల్స్ ను ప్రవేశపెట్టింది. ఈ కారుకు ఇవి బాగా సూట్​ అవుతాయి. అట్రాక్టివ్​గా ఉన్నాయి.