Electric car : సింగిల్ ఛార్జ్తో 580 కి.మీ రేంజ్- ఫ్యామిలీ కోసమే ఈ పెద్ద ఎలక్ట్రిక్ కారు..!
MG M9 EV : ఒక పెద్ద ఎలక్ట్రిక్ కాారును ఇండియాలోకి తీసుకొస్తోంది ఎంజీ. దీని పేరు ఎంజీ ఎం9 ఈవీ. ఇదొక లిమోసిన్. ఈ మోడల్ రేంజ్తో పాటు ఇతర వివరాలను ఇక్కడ తెలుసుకోండి..
ఇండియా ఆటోమొబైల్ మార్కెట్లోని ఎలక్ట్రిక్ వాహనాల సెగ్మెంట్.. రోజుకో ప్రాడక్ట్ లాంచ్తో కళకళలాడిపోతోంది. డిమాండ్ని క్యాష్ చేసుకునేందుకు అన్ని ఆటోమొబైల్ సంస్థలు పోటీ పడుతూ.. కస్టమర్స్కి కొత్త కొత్త ఆఫర్స్ని తీసుకొస్తున్నాయి. ఇందులో భాగంగానే జేఎస్డబ్ల్యూ ఎంజీ మోటార్ ఇండియా తన కొత్త లగ్జరీ లిమోసిన్ని ఆవిష్కరించింది. ఈ ఎలక్ట్రిక్ కారు పేరు ఎం9 ఈవీ. కొత్త లిమోసిన్ని జేఎస్డబ్ల్యూ ఎంజీ కొత్త లగ్జరీ బ్రాండ్ ఛానల్ “ఎంజీ సెలెక్ట్” ద్వారా విక్రయించడం జరుగుతుంది. త్వరలో ప్రారంభంకానున్న భారత్ మొబిలిటీ గ్లోబల్ ఎక్స్పో 2025లో ఈ ఎం9 ఈవీ లిమోసిన్ని ప్రదర్శించనున్నారు. ఈ నేపథ్యంలో ఈ మోడల్పై ఇప్పటివరకు ఉన్న వివరాలను ఇక్కడ తెలుసుకుందాము..
ఎంజీ ఎం9 ఈవీ..
ఈ ఎం9 ఈవీలో చాలా ప్రత్యేకలు ఉన్నాయి. సెకెండ్ రోలో ఉండే ఒట్టామన్ సీట్స్కి 8 మసాజ్ మోడ్స్ ఉన్నాయి. హ్యాండ్రెయిల్పై ఉండే టచ్స్క్రీన్ ప్యానెల్ ద్వారా నియంత్రించే త్రీ-జోన్ క్లైమేట్ కంట్రోల్ కూడా ఉంది. మసాజ్ మోడ్లను నియంత్రించడానికి కూడా ఇదే స్క్రీన్ను ఉపయోగించవచ్చు.
ఎంజీ ఎం9 ఈవీ స్పెసిఫికేషన్లు..
గ్లోబల్ మార్కెట్లో ఈ ఎంజీ ఎం9 ఎలక్ట్రిక్ కారు బ్లాక్ పెర్ల్, వైట్ పెర్ల్ అనే రెండు రంగుల్లో అందుబాటులో ఉంది. ఇందులో 90 కిలోవాట్ల బ్యాటరీ ప్యాక్ ఉంది. దీనిని ఒక్కసారి ఛార్జ్ చేస్తే 580 కిలోమీటర్ల రేంజ్ని అందిస్తుంది. ఎంజీ 11 కిలోవాట్ల ఛార్జర్ని అందిస్తుంది. ఇది బ్యాటరీ ప్యాక్ని 5 శాతం నుంచి 100 శాతం వరకు ఛార్జ్ చేయడానికి 8.5 గంటలు పడుతుంది! అయితే డీసీ ఫాస్ట్ ఛార్జింగ్ కేవలం 30 నిమిషాల్లో బ్యాటరీని 30 శాతం నుంచి 80 శాతానికి పెంచుతుంది. ఇందులోని ఎలక్ట్రిక్ మోటారు గరిష్టంగా 241బీహెచ్పీ పవర్, 350ఎన్ఎమ్ టార్క్ని ప్రొడ్యూస్ చేస్తుంది. ఎం9 ఈవీ టాప్ స్పీడ్ గంటకు 180 కిలోమీటర్లు.
అయితే, ఇవి అంతర్జాతీయ మార్కెట్లో అందుబాటులో ఉన్న ఎంజీఎం9 ఈవీవి. జేఎస్డబ్ల్యూ ఎంజీ మోటార్ ఇండియా.. ఇండియా-స్పెక్ మోడల్లో కొన్ని మార్పులు చేసే అవకాశం ఉంది.
ఎంజీ ఎం9 ఈవీ డైమెన్షన్స్..
ఎంజీ ఎం9 ఈవీ 5,270 ఎంఎం పొడవు, 2,000 ఎంఎం వెడల్పు, 1,840 ఎంఎం ఎత్తు ఉంటుంది. వీల్ బేస్ 3,200 ఎంఎం.
జేఎస్డబ్ల్యూ ఎంజీ మోటార్ ఇండియా చీఫ్ గ్రోత్ ఆఫీసర్ గౌరవ్ గుప్తా మాట్లాడుతూ.. “పర్సనలైజ్డ్ మాస్టర్ పీస్ అయిన ఎంజీ ఎం9 బెస్పోక్ ఇంటీరియర్స్, ఖచ్చితమైన హస్తకళ, అత్యాధునిక సాంకేతికతను అందిస్తుంది. సొగసుల ప్రపంచంలో లీనమవ్వాలనుకునేవారికి ఇది సౌకర్యం, శుద్ధి చేసిన విలాసానికి ప్రతిరూపం. లగ్జరీ మొబిలిటీ ప్రామాణికమైన భవిష్యత్తును మేము ఊహించాము. ఎం9 ఆ ప్రయాణంలో ఒక అడుగు,” అని వివరించారు.
ఈ మోడల్ ధరతో పాటు మరిన్ని వివరాలపై త్వరలోనే క్లారిటీ వచ్చే అవకాశం ఉంది.
సంబంధిత కథనం