ఈ 14లక్షల ఎస్​యూవీపై 4లక్షల వరకు బెనిఫిట్స్​- కొనేందుకు ఇదే రైట్​ టైమ్​!

జేఎస్​డబ్ల్యూ ఎంజీ మోటార్ ఇండియా తన ‘మిడ్​నైట్ కార్నివాల్’ క్యాంపైన్​లో భాగంగా హెక్టర్ ఎస్​యూవీపై అనేక ఆఫర్లు, బెనిఫిట్స్​ని ప్రకటించింది. ఎంజీ హెక్టార్ రూ .4 లక్షల వరకు విలువైన బెనిఫిట్స్​తో ప్రస్తుతం అందుబాటులో ఉండనుండటం విశేషం. ఇది దేశవ్యాప్తంగా ఉన్న షోరూమ్స్​లో లభిస్తుంది. మిడ్​నైట్ కార్నివాల్​లో భాగంగా జూన్ 30, 2025 వరకు ప్రతి వారాంతంలో అర్ధరాత్రి వరకు ఎంజీ షోరూమ్స్​ తెరిచి ఉంటాయి.

ఎంజీ హెక్టర్ మిడ్​నైట్ కార్నివాల్ బెనిఫిట్స్..

మిడ్​నైట్ కార్నివాల్ క్యాంపైన్​లో భాగంగా జేఎస్​డబ్ల్యూ ఎంజీ మోటార్ ఇండియా హెక్టార్ ఎస్​యూవీ కొనుగోలుతో అనేక విలువైన ఆఫర్లను అందిస్తోంది. ఇందులో 2 సంవత్సరాలు / 1 లక్ష కిలోమీటర్ల ఎక్స్​టెండెడ్​ వారంటీతో పాటు ప్రామాణిక మూడు సంవత్సరాల వారంటీ, రెండు అదనపు సంవత్సరాల రోడ్​సైడ్ అసిస్టెన్స్ ఉన్నాయి. దీని వల్ల ఐదేళ్ల వరకు ఇబ్బందులు లేకుండా ఓనర్​షిప్​ని కంటిన్యూ చేసుకోవచ్చు.

ప్రస్తుతం రిజిస్టర్ అయిన హెక్టర్ ఎస్​యూవీ మోడళ్లకు 50 శాతం ఆర్టీఓ కాస్ట్ బెనిఫిట్స్, ఎంజీ యాక్ససరీస్ యాక్సెస్ కూడా ఈ క్యాంపెయిన్​లో ఉన్నాయి. ఇంకా 20 ఎంజీ హెక్టార్ కొనుగోలుదారులు లండన్ పర్యటన ఆఫర్​ని గెలుచుకునే అవకాశం కూడా ఉంది!

తాజా క్యాంపైన్​ గురించి జేఎస్​డబ్ల్యూ ఎంజీ మోటార్ ఇండియా సేల్స్ హెడ్ రాకేష్ సేన్ మాట్లాడుతూ.. “ఎంజీ హెక్టర్ ఎల్లప్పుడూ భారతదేశంలోని ఎస్​యూవీ ప్రేమికులకు నచ్చిన మోడల్. మా మిడ్​నైట్ కార్నివాల్ ఆ వారసత్వాన్ని కొనసాగించేందుకు ఉపయోగపడే ప్రత్యేకమైన వేడుక. చిరస్మరణీయమైన అనుభవాలతో తిరుగులేని ఆఫర్లను మిళితం చేయడం ద్వారా, మా ప్రస్తుత, భవిష్యత్తు కస్టమర్లు నిజంగా ప్రత్యేకమైన దానిలో భాగం కావడానికి మేము అవకాశాలను సృష్టిస్తున్నాము,” అని అన్నారు.

ఎంజీ హెక్టర్ ఫీచర్లు, ధరలు..

ఎంజీ హెక్టర్ 2019 నుంచి ఇండియాలో అమ్మకానికి ఉంది. ఈ విభాగంలో టాటా హారియర్, జీప్ కంపాస్ మొదలైన వాటికి పోటీగా ఉంటుంది ఈ ఎస్​యూవీ. పెట్రోల్, డీజిల్ ఇంజిన్ ఆప్షన్లలో, మాన్యువల్, ఆటోమేటిక్ ట్రాన్స్​మిషన్ ఆప్షన్లలో లభిస్తుంది. ఫీచర్స్​ విషయానికి వస్తే, హెక్టర్ డ్యూయెల్-ప్యాన్ పానోరమిక్ సన్​రూఫ్, 14-ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్, 70కి పైగా కనెక్టెడ్ కార్ ఫీచర్లు, లెవల్ 2 ఏడీఏఎస్ టెక్నాలజీని పొందుతుంది. ఎంజి హెక్టార్ ధర రూ .13.99 లక్షల నుంచి ప్రారంభమై రూ .22.57 లక్షల (ఎక్స్-షోరూమ్) వరకు ఉంటుంది.

ఈ ఎలక్ట్రిక్​ కారుపై రూ. 4లక్షల వరకు డిస్కౌంట్​..

హ్యుందాయ్​ ఐయోనిక్​ 5 ఎలక్ట్రిక్​ కారు​పై భారీ డిస్కౌంట్​ని ప్రకటించింది దిగ్గజ ఆటోమొబైల్​ సంస్థ. రూ. 4లక్షల వరకు తగ్గింపును ఇస్తోంది. ఫలితంగా ఈ ఈవీ ఎక్స్​షోరూం ధర రూ. 46.05లక్షల నుంచి రూ. 42.05 లక్షలకు తగ్గింది.

వాస్తవానికి మార్చ్​ నెలలో ఈ మోడల్​కి సంబంధించి కేవలం 19 యూనిట్లే అమ్ముడుపోయాయి. మిగిలిన యూనిట్​లను క్లియర్​ చేసేందుకు ఈ బెనిఫిట్స్​ని ఇస్తోంది. పూర్తి వివరాలను తెలుసుకునేందుకు ఇక్కడ క్లిక్​ చేయండి.