Maruti Jan Sales : దేశంలో నంబర్ వన్‌గా మారుతి కారు.. టాప్ 10 లిస్టులో 6 మోడళ్లు ఈ కంపెనివే!

భారతదేశంలో మారుతి కార్లకు మంచి డిమాండ్ ఉంది. ఈ కార్లను జనాలు మెుదట నుంచి ఆదరిస్తున్నారు. తాజాగా 2025లోనూ మంచి స్టార్ట్ చేసింది మారుతి. అదేంటంటే.. మారుతి సుజుకి ఇండియా 2025 సంవత్సరాన్ని మంచి అమ్మకాలతో మెుదలుపెట్టింది. జనవరి టాప్-10 కార్ల జాబితాలో మారుతికి 6 మోడళ్లు ఉన్నాయి. అదే సమయంలో మారుతి మొదటి రెండు స్థానాల్లో ఆధిపత్యం చెలాయించింది.

మారుతి వ్యాగన్ ఆర్ ఈ జాబితాలో అగ్రస్థానంలో నిలిచింది. కొన్ని నెలలుగా టాప్ మోడళ్లుగా ఉన్న టాటా పంచ్, మారుతి ఎర్టిగా వంటి మోడళ్లను వ్యాగన్ ఆర్ అధిగమించింది. ఈ జాబితాలో పంచ్ జహాన్ ఐదో స్థానానికి చేరుకుంది. ఎర్టిగా టాప్-10 జాబితాలో చోటు దక్కించుకుంది. జనవరి టాప్-10 కార్ల జాబితాను మీకు చూపిద్దాం.

టాప్ 10 కార్లు

2025 జనవరిలో అత్యధికంగా అమ్ముడైన టాప్-10 కార్ల విషయానికి వస్తే మారుతీ సుజుకీ వ్యాగన్ఆర్ 24,078 యూనిట్లు, మారుతి సుజుకి బాలెనో 19,965 యూనిట్లు, హ్యుందాయ్ క్రెటా 18,522 యూనిట్లు, మారుతి సుజుకి స్విఫ్ట్ 17,081 యూనిట్లు, టాటా పంచ్ 16,231, మారుతి సుజుకి గ్రాండ్ విటారా 15,784, మహీంద్రా స్కార్పియో 15,442, టాటా నెక్సాన్ 15,397, మారుతి సుజుకి డిజైర్ 15,383, మారుతి సుజుకి ఫ్రాంక్స్ 15,192 యూనిట్లను విక్రయించాయి.

మారుతి సుజుకి వ్యాగన్ ఆర్ ఫీచర్లు

మారుతి సుజుకి వ్యాగన్ ఆర్‌లో కనిపించే ఫీచర్ల గురించి చూస్తే.. నావిగేషన్, క్లౌడ్ ఆధారిత సర్వీస్, డ్యూయల్ ఫ్రంట్ ఎయిర్ బ్యాగులు, ఏబీఎస్ విత్ ఈబీడీ, రివర్స్ పార్కింగ్ సెన్సార్లు, ఏఎమ్‌టీలో హిల్-హోల్డ్ అసిస్ట్, నాలుగు స్పీకర్లు, మౌంటెడ్ కంట్రోల్స్, సెమీ డిజిటల్ ఇన్ స్ట్రుమెంట్ క్లస్టర్, స్టీరింగ్ వీల్ తో కూడిన 7 అంగుళాల స్మార్ట్ ప్లే స్టూడియో టచ్ స్క్రీన్ ఇన్ఫోటైన్ మెంట్ సిస్టమ్ లభిస్తుంది.

డ్యూయల్ జెట్ డ్యూయల్ వీవీటీ టెక్నాలజీతో 1.0-లీటర్ మూడు సిలిండర్ల పెట్రోల్, 1.2-లీటర్ నాలుగు సిలిండర్ల పెట్రోల్ ఇంజన్ ఆప్షన్స్ ఉన్నాయి. 1.0-లీటర్ ఇంజిన్ లీటరుకు 25.19 కిలోమీటర్ల మైలేజ్ ఇవ్వగా, సీఎన్జి వేరియంట్ (ఎల్ఎక్స్ఐ, విఎక్స్ఐ వేరియంట్లలో లభిస్తుంది) కిలోకు 34.05 కిలోమీటర్ల మైలేజ్ ఇస్తుంది.