Maruti Suzuki Swift vs Tata Tiago : స్విఫ్ట్​ వర్సెస్​ టియాగో.. ఏ హ్యాచ్​బ్యాక్​ కొనాలి?

Maruti Suzuki Swift on road price in Hyderabad : ఇండియా ఆటోమొబైల్​ మార్కెట్​ ఎస్​యూవీ సెగ్మెంట్​కి విపరీతమైన డిమాండ్​ కనిపిస్తోంది. ఈ తరుణంలో.. ఎస్​యూవీ పోటీని తట్టుకుని చాలా తక్కువ హ్యాచ్​బ్యాక్​ వెహికిల్స్​ మాత్రమే నిలబడుతున్నాయి. వాటిల్లో ప్రముఖంగా వినిపించే పేర్లు.. మారుతీ సుజుకీ స్విఫ్ట్​, టాటా టియాగో. ఇక 2024 మారుతీ సుజుకీ స్విఫ్ట్​ ఇటీవలే లాంచ్​ అయ్యింది. ఈ నేపథ్యంలో.. ఈ రెండింటినీ పోల్చి.. ఏది కొంటే బెటర్​? అనేది ఇక్కడ తెలుసుకుందాము..

మారుతీ సుజుకీ స్విఫ్ట్ వర్సెస్ టాటా టియాగో: ధర..

2024 మారుతీ సుజుకీ స్విఫ్ట్ ఎక్స్​షోరూం ధర రూ .6.49 లక్షల నుంచి రూ .9.65 లక్షల మధ్య ఉంది. మరోవైపు.. టాటా టియాగో ధర రూ .5.65 లక్షల నుంచి రూ. 8.90 లక్షల (ఎక్స్-షోరూమ్) మధ్య ఉంది. అంటే కొత్త తరం మారుతీ సుజుకీ స్విఫ్ట్.. టాటా టియాగో కంటే ప్రీమియం కలిగి ఉందని అర్థం.

ఇదీ చూడండి:- Upcoming compact SUVs in India : ఇండియాలో లాంచ్​కు రెడీ అవుతున్న ఎస్​యూవీలు ఇవే..!

మారుతీ సుజుకీ స్విఫ్ట్ వర్సెస్ టాటా టియాగో: స్పెసిఫికేషన్లు..

Tata Tiago on road price in Hyderabad : కొత్త మారుతీ సుజుకీ స్విఫ్ట్​లో.. మునుపటి 1.2-లీటర్ 4 సిలిండర్ల పవర్ మిల్ స్థానంలో.. కొత్త జెడ్-సిరీస్ 1.2-లీటర్ 3 సిలిండర్ల నేచురల్ ఆస్పిరేటెడ్ పెట్రోల్ ఇంజిన్ వచ్చింది. ఈ ఇంజిన్ 5-స్పీడ్ గేర్ బాక్స్, 5-స్పీడ్ ఏఎమ్​టీ ట్రాన్స్​మిషన్ ఆప్షన్స్​తో లభిస్తుంది. ఈ ఇంజిన్ గరిష్టంగా 80.46బీహెచ్​పీ పవర్, 111.7ఎన్ఎమ్ గరిష్ట టార్క్​ని ఉత్పత్తి చేస్తుంది. ఈ హ్యాచ్​బ్యాక్​ ఇంజిన్ మేన్యువల్ వేరియంట్​లో లీటరుకు 24.8 కిలోమీటర్ల మైలేజ్ ఇస్తుంది. ఏఎంటీ వేరియంట్ లీటరుకు 25.75 కిలోమీటర్ల మైలేజ్ ఇస్తుంది. మునుపటి తరం స్విఫ్ట్ పెట్రోల్-సీఎన్​జీ బై-ఫ్యూయల్ ఆప్షన్స్​తో అందుబాటులో ఉండగా, కొత్త మోడల్ ఇంకా సీఎన్జీ వేరియంట్​ని అందుకోలేదు.

మరోవైపు.. టాటా టియాగో 1.2-లీటర్ నేచురల్ ఆస్పిరేటెడ్ 3 సిలిండర్ల పెట్రోల్ ఇంజిన్​తో వస్తుంది. ఇది 5-స్పీడ్ మేన్యువల్ ఏఎమ్​టీ గేర్​బాక్స్​ ఆప్షన్స్​తో లభిస్తుంది. ఈ ఇంజిన్ గరిష్టంగా 84బీహెచ్​పీ పవర్, 113ఎన్ఎమ్ గరిష్ట టార్క్​ను జనరేట్​ చేస్తుంది. కొత్త తరం మారుతీ సుజుకీ స్విఫ్ట్ మాదిరిగా కాకుండా.. టాటా టియాగోలో పెట్రోల్-సీఎన్​జీ ఆప్షన్స్​తో లభిస్తుంది. పరిశ్రమ-లీడింగ్ టెక్నాలజీగా ఈ సీఎన్​జీ వేరియంట్ పేరు తెచ్చుకుంది.

Maruti Suzuki Swift price details : 2024 మారుతీ సుజుకీ స్విఫ్ట్​తో పోలిస్తే టాటా టియాగో కొంచెం మెరుగైన పవర్​, అధిక టార్క్​ను ఉత్పత్తి చేస్తుంది. అలాగే, సీఎన్​జీ వేరియంట్, సీఎన్​జీ-ఏఎమ్​టీ కలయిక లభ్యత టియాగోకు దాని ప్రత్యర్థి మారుతీ సుజుకీ స్విఫ్ట్​ కంటే కొంచెం ఎడ్జ్ ఇస్తుంది. పూర్తి వివరాల కోసం మీరు మీ సమీప డీలర్​షిప్​ షేరూమ్స్​ని విజిట్​ చేస్తే.. బడ్జెట్​ విషయంలో ఒక నిర్ణయం తీసుకోవచ్చు.