Maruti Suzuki Celerio : ఈ అఫార్డిబుల్​ కారు ఇప్పుడు మరింత సేఫ్​! కొత్త అప్డేట్​ ఇదే..

మారుతీ సుజుకీ సెలెరియో శ్రేణిలో ఆరు ఎయిర్ బ్యాగులను స్టాండర్డ్​గా అప్ డేట్ చేసింది దిగ్గజ ఆటోమొబైల్​ సంస్థ. దీనితో సెలెరియో హ్యాచ్​బ్యాక్​ భారతదేశంలో ఆరు ఎయిర్ బ్యాగులను ప్రామాణికంగా కలిగి ఉన్న అత్యంత సరసమైన కారుగా నిలిచింది! అంతేకాదు లేటెస్ట్​ అప్డేట్​తో సెలెరియో ధర కూడా పెరిగింది.

మారుతీ సుజుకీ సెలెరియో..

సెలెరియో ఎంట్రీ లెవల్ ఎల్ఎక్స్ఐ వేరియంట్ ధర రూ .27,500 పెరిగింది. మారుతీ సుజుకీ సెలెరియో ప్రారంభ ఎక్స్-షోరూమ్ ధర రూ .5.64 లక్షలుగా ఉంది. వీఎక్స్ఐ ఎంటీ, వీఎక్స్ఐ సీఎన్జీ ఎంటి వేరియంట్ల ధర రూ .16,000, వీఎక్స్ఐ ఏఎమ్​టీ ధర రూ .21,000 పెరిగింది. జెడ్ఎక్స్ఐ ఎంటీ, జెడ్ఎక్స్ఐ ప్లస్ ఎంటీ వేరియంట్ల ధరలు రూ.27,500 పెరిగాయి. ఆసక్తికరమైన విషయం ఏంటంటే, జెడ్ఎక్స్ఐ ఏఎమ్​టీ ధరలు మారనప్పటికీ, జెడ్ఎక్స్ఐ + ఏఎమ్​టీ ఇప్పుడు రూ .32,500 పెరిగింది. టాప్ ఎండ్​ వేరియంట్​ ధర ఇప్పుడు రూ .7.37 లక్షలకు చేరింది.

మారుతీ సుజుకీ సెలెరియో: స్పెసిఫికేషన్స్..

ఈ ఎంట్రీ లెవల్ హ్యాచ్​బ్యాక్ 1.0-లీటర్ మూడు సిలిండర్ల కే-సిరీస్ పెట్రోల్ ఇంజిన్​తో వస్తుంది. ఇది 66బీహెచ్​పీ పవర్, 89ఎన్ఎమ్ పీక్​ టార్క్​ని జనరేట్​ చేస్తుంది. ఇదే మోటారు సీఎన్జీ వేరియంట్లలో 56 బీహెచ్​పీ పవర్​, 82.1 ఎన్ఎమ్ గరిష్ట టార్క్​ని జనరేట్​ చేస్తుంది. ఇది కేవలం 5-స్పీడ్ మాన్యువల్ గేర్​బాక్స్​తో కనెక్ట్​ చేసి ఉంటుంది.

సెలెరియో పెట్రోల్-మాన్యువల్ లీటరుకు 25.24 కిలోమీటర్ల మైలేజ్​ని ఇస్తుంది. పెట్రోల్-ఏఎమ్​టీ ఆప్షన్​.. లీటరుకు 26.68 కిలోమీటర్ల వరకు మైలేజ్​ని ఇస్తుంది. సెలెరియో సీఎన్జీ కిలోకు 34.43 కిలోమీటర్ల మైలేజ్ ఇస్తుంది.

మారుతీ సుజుకీ సెలెరియో..

మారుతీ సుజుకీ సెలెరియో టాప్ వేరియంట్లలో స్మార్ట్​ఫోన్ నావిగేషన్​తో కూడిన 7 ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్​ను ఫిక్స్​ చేశారు. యాపిల్ కార్​ప్లే, ఆండ్రాయిడ్ ఆటో కనెక్టివిటీని కూడా ఈ కారు సపోర్ట్ చేస్తుంది. ఈ హ్యాచ్​బ్యాక్​లో కీలెస్ ఎంట్రీ, పుష్ బటన్ స్టార్ట్ స్టాప్ వంటి ఫీచర్లు కూడా ఉన్నాయి. డ్యూయెల్ ఎయిర్ బ్యాగులు, ఏబీఎస్ విత్ ఈబీడీ, ఈఎస్​పీ, రివర్స్ పార్కింగ్ సెన్సార్లు, హిల్ హోల్డ్ అసిస్ట్ వంటి సేఫ్టీ ఫీచర్లు ఏఎంటీ వేరియంట్లలో ఉన్నాయి.