Mahindra XUV3X0 : మహీంద్రా ఎక్స్​యూవీ3ఎక్స్​0.. స్టైలిష్​ ఎస్​యూవీ వచ్చేస్తోంది!

Mahindra XUV3X0 : ఇండియన్​ ఆటోమొబైల్​ పరిశ్రమలో ఎస్​యూవీ సెగ్మెంట్​లో దూసుకెళుతున్న మహీంద్రా అండ్​ మహీంద్రా సంస్థ నుంచి మరో కీలక అప్డేట్​! సరికొత్త ఎస్​యూవీని లాంచ్​ చేసేందుకు సంస్థ రెడీ అవుతోంది. ఏప్రిల్​ 29న ఓ మోడల్​ని రివీల్​ చేయనున్నట్టు సంస్థ తాజాగా ప్రకటించింది. దీని పేరు.. మహీంద్రా ఎక్స్​యూవీ3ఎక్స్​0. ఎక్స్​యూవీ300కి ఫేస్​లిఫ్ట్ వర్షెన్​గా కనిపిస్తున్న ఎక్స్​యూవీ3ఎక్స్​0 రి సంబంధించిన వీడియోను కంపెనీ తన సోషల్ మీడియా ప్లాట్​ఫామ్స్​లో షేర్ చేసింది. మహీంద్రా ఎక్స్​యూవీ300 ఫేస్​లిఫ్ట్​ ఎస్​యూవీతో పాటు రాబోయే 5-డోర్​ థార్ ఎస్​యూవీలను లాంచ్​కి ముందు కొంతకాలంగా భారత రోడ్లపై టెస్ట్​ చేస్తున్న విషయం తెలిసిందే. ఈ ఎక్స్​యూవీ 3ఎక్స్0.. టాటా నెక్సాన్, మారుతి బ్రెజ్జా, హ్యుందాయ్ వెర్నాతో పాటు కొత్తగా లాంచ్ చేసిన టయోటా అర్బన్ క్రూయిజర్ టైజర్ వంటి ఇతర సబ్ కాంపాక్ట్ ఎస్​యూవీలకు గట్టి పోటీ ఇవ్వనుంది.

మహీంద్రా ఎక్స్​యూవీ3ఎక్స్​0..

మహీంద్రా ఎక్స్​యూవీ 3ఎక్స్0 టీజర్ వీడియోలో.. ఎస్​యూవీ కొత్త గ్రిల్, కొత్త సెట్ ఎల్​ఈడీ డీఆర్​ఎల్​లు, ముందు భాగంలో హెడ్​లైట్ యూనిట్ కనిపిస్తున్నాయి. వెనుక భాగంలో.. ఈ ఎస్​యూవీ కనెక్టెడ్ టెయిల్ లైట్లతో వస్తుంది. ఎక్స్​యూవీ3ఎక్స్​0లో వెంటిలేటెడ్ సీట్లు, ప్రీమియం సౌండ్ సిస్టమ్ ఉంటుందని ఈ వీడియో సూచిస్తోంది. ఈ ఎస్​యూవీ అలాయ్ డిజైన్ కూడా గతంలో ఎక్స్​యూవీ300 ఎస్​యూవీలో మహీంద్రా ఉపయోగించిన వాటి కంటే భిన్నంగా కనిపిస్తోంది. ఎక్స్​యూవీ300 ఫేస్​లిఫ్ట్ మోడల్ స్పై షాట్స్​లో గమనించిన అప్​డేట్​లకు అనుగుణంగా ఈ మార్పులు ఉన్నాయి. అంతేకాకుండా.. ఇది ఎక్స్​యూవీ400 ఎలక్ట్రిక్ ఎస్​యూవీతో పోలికలు కలిగి ఉంది. ఈ ఎస్​యూవీకి బిగ్గెస్ట్​ అడిషన్​.. సన్​రూఫ్​.

Mahindra XUV300 facelift : రాబోయే మహీంద్రా ఎక్స్​యూవీ3ఎక్స్​0 ఇంటీరియర్.. ప్రస్తుతం మార్కెట్​లో ఉన్న ఎక్స్​యూవీ 300తో పోలిస్తే అనేక నవీకరణలతో ఉంది. కొత్త మోడల్లో పెద్ద టచ్​స్క్రీన్​ ఇన్ఫోటైన్మెంట్ సిస్టెమ్ ఉందని, బహుశా స్కార్పియో-ఎన్స ఎక్స్​యూవీ700 ఎస్​యూవీ లోపల మహీంద్రా ఉపయోగించే అదే యూనిట్ ఉండొచ్చని, కానీ చిన్న పరిమాణంలో ఉంటుందని స్పై షాట్స్ చూస్తుంటే అర్థమవుతోంది. డ్రైవర్ డిస్​ప్లేను కూడా అప్​డేట్ చేయాలని సంస్థ భావిస్తోందట. వైర్లెస్ ఛార్జర్, ఆటోమేటిక్ క్లైమేట్ కంట్రోల్, న్యూ అర్​హోలిస్ట్రీ వంటి కొత్త ఫీచర్లు ఇందులో ఉండనున్నాయి.

కొత్త ఎస్​యూవీ సెక్యూరిటీ ఫీచర్స్​..

మహీంద్రా ఇటీవల షేర్ చేసిన ఒక వీడియో కూడా ఎక్స్​యూవీ3ఎక్స్​0లో కొన్ని భద్రతా ఫీచర్లను ధృవీకరించింది. ఈ ఎస్​యూవీలో ఏడు ఎయిర్ బ్యాగులు, అన్ని వీల్స్​కి డిస్క్ బ్రేకులు, ఇరువైపులా పార్కింగ్ సెన్సార్లు ఉంటాయి. ఐసోఫిక్స్ చైల్డ్ సీట్ మౌంట్స్, ఈబీడీ (ఎలక్ట్రానిక్ బ్రేక్ ఫోర్స్ డిస్ట్రిబ్యూషన్)తో కూడిన ఏబీఎస్ (యాంటీ-లాక్ బ్రేకింగ్), హిల్-హోల్డ్ అసిస్ట్తో కూడిన ఈఎస్పీ (ఎలక్ట్రానిక్ స్టెబిలిటీ ప్రోగ్రామ్), త్రీ-పాయింట్ సీట్​ బెల్ట్స్​ కూడా వేరియంట్లలో స్టాండర్డ్​గా ఉన్నాయి.

Mahindra XUV3X0 launch date in India : ఎక్స్​యూవీ 300లో ఉన్న ఇంజిన్, ట్రాన్స్​మిషన్ యూనిట్​తో ఎక్స్ యూవీ3ఎక్స్0 వచ్చే అవకాశం ఉంది. ప్రస్తుతం ఎక్స్​యూవీ300 ఫేస్ లిఫ్ట్ రెండు టర్బోఛార్జ్​డ్ పెట్రోల్ ఇంజిన్ ఆప్షన్లు, ఒక డీజల్ ఇంజిన్ ఆప్షన్​తో వస్తోంది. 1.2-లీటర్ టర్బోఛార్జ్​డ్​ పెట్రోల్ ఇంజిన్.. 108 బిహెచ్​పీ పవర్​ని- 200 ఎన్ఎమ్ టార్క్​ని, 1.2-లీటర్ జీడీఐ టర్బో ఇంజిన్ 128 బీహెచ్​పీ పవర్​ని- 230 ఎన్ఎమ్ టార్క్​ని జనరేట్​ చేస్తుంది. ఇందులోని 1.5-లీటర్ డీజిల్ ఇంజిన్.. 115బీహెచ్​పీ పవర్ - 300ఎన్ఎమ్ టార్క్​ని ప్రొడ్యూస్ చేస్తుంది. అన్ని ఇంజిన్లు 6-స్పీడ్ మ్యాన్యువల్ గేర్​బాక్స్​తో కనెక్ట్​ చేసి ఉంటాయి. టర్బో-పెట్రోల్, డీజిల్ ఇంజిన్ కూడా 6-స్పీడ్ ఏఎమ్​టీ ట్రాన్స్​మిషన్​ను పొందుతాయి.

ఇక ఈ మోడల్​ ధరతో పాటు ఇతర వివరాలపై క్లారిటీ రావాల్సి ఉంది.