Mahindra Bolero Neo Plus : మహీంద్రా బొలేరో నియో ప్లస్​.. త్వరలోనే లాంచ్​!

Mahindra Bolero Neo Plus 2023 : దేశీయ దిగ్గజ ఆటోమొబైల్​ సంస్థ మహీంద్రా అండ్​ మహీంద్రా.. బొలేరో నియో ప్లస్​ను త్వరలోనే లాంచ్​ చేయనున్నట్టు తెలుస్తోంది. ఈ నేపథ్యంలో ఈ ఎస్​యూవీకి సంబంధించిన వేరియంట్స్​, ఇంజిన్​ స్పెసిఫికేషన్స్​ వంటి వివరాలు ఆన్​లైన్​లో లీక్​ అయ్యాయి. వాటి వివరాలు ఓసారి చూద్దాము..

మహీంద్రా బొలేరో నియో ప్లస్​..

టీయూవీ300ను రీబ్యాడ్జ్​ చేసి బలేరో నియోను తీసుకొచ్చింది ఎం అండ్​ ఎం సంస్థ. థర్డ్​ జనరేషన్​ స్కార్పియో ప్లాట్​ఫామ్​పై దీనిని రూపొందించింది. ఇదొక ఆఫ్​ రోడ్​ కేపబులిటీ ఎస్​యూవీ. ఇక ఇప్పుడు బొలేరో నియోకు ఎక్స్​టెండెడ్​ వర్షెన్​ అయిన బొలేరో నియో ప్లస్​ను తీసుకొచ్చేందుకు సంస్థ ప్లాన్​ చేస్తోంది. ఇదొక 9 సీటర్​ ఎస్​యూవీ అని తెలుస్తోంది.

ఈ వెహికిల్​ డిజైన్​.. సాధారణ బొలేరో నియో మోడల్​ను పోలి ఉంటుంది. మస్క్యులర్​ క్యామ్​షెల్​ బానెట్​, క్రోమ్​ స్లేటెడ్​ గ్రిల్​, డీఆర్​ఎల్స్​తో కూడిన స్వెప్ట్​ బ్యాక్​ హాలోజెన్​ హెడ్​లైట్స్​, స్క్వేర్డ్​ ఔట్​ విండోస్​, 15 ఇంచ్​ అలాయ్​ వీల్స్​ వంటివి వస్తున్నాయి. ఇక రేర్​లో.. వ్రాప్​- అరౌండ్​ టెయిల్​లైట్స్​, రేర్​ వైపర్​, వాషర్​ యూనిట్​, టెయిల్​గేట్​ మౌంటెడ్​ స్పేర్​ వీల్​ వంటివి లభిస్తున్నాయి.

ఇదీ చూడండి:- అత్యధిక వెయిటింగ్​ పీరియఢ్​ ఉన్న ఎస్​యూవీలు ఇవే..

బొలేరో నియో ప్లస్​ 2023- ఫీచర్స్​..

ఈ ఎస్​యూవీ ఇంటీరియర్​కు సంబంధించిన వివరాలపై ప్రస్తుతం క్లారిటీ లేదు. అయితే.. ఇందులో 9 సీటర్​ స్పేషియస్​ కేబిన్​, టూ టోన్​ అప్​హోలిస్ట్రీ, ఆటోమెటిక్​ క్లైమేట్​ కంట్రోల్​, ఇంజిన్​ స్టార్ట్​/ స్టాప్​ బటన్​, సెమీ డిజిటల్​ ఇన్​స్ట్రుమెంట్​ క్లస్టర్​, భారీ టచ్​స్క్రీన్​ ఇన్ఫోటైన్​మెంట్​ సిస్టెమ్​, కనెక్టివిటీ ఆప్షన్స్​ వంటివి ఉంటాయని అంచనాలు ఉన్నాయి.

ఇక ఈ కొత్త బొలేరో వర్షెన్​లో 2.2 లీటర్​ ఎంహాక్​, ఇన్​లైన్​ 4 సిలిండర్​, డీజిల్​ ఇంజిన్​ ఉంటుందని తెలుస్తోంది. ఈ ఇంజిన్​ 118హెచ్​పీ పవర్​ను జనరేట్​ చేస్తుంది. స్కార్పియో, థార్​లలో ఇదే ఇంజిన్​ను వాడుతున్నారు. 5 స్పీడ్​ మేన్యువల్​ గేర్​బాక్స్​ ఇందులో ఉంటుంది.

మహీంద్రా బొలేరో నియో ప్లస్​- ధర..

ఈ కొత్త మహీంద్రా ఎస్​యూవీ లాంచ్​తో పాటు ధరకు సంబంధించిన వివరాలపై సంస్థ అధికారిక ప్రకటన చేయాల్సి ఉంది. అయితే.. రానున్న కొన్ని నెలల్లోనే ఈ మోడల్​ లాంచ్​ అవుతుందని తెలుస్తోంది. దీని ఎక్స్​షోరూం ధర రూ. 9.63లక్షలు- రూ. 12.14లక్షల మధ్యలో ఉంటుందని మార్కెట్​లో అంచనాలు ఉన్నాయి.