BE 6 XEV 9E bookings : మహీంద్రా కొత్త ఎలక్ట్రిక్​ కార్లకు సూపర్​ క్రేజ్​! తొలి రోజే భారీగా బుకింగ్స్​..

ఊహించిందే జరుగుతోంది! దిగ్గజ ఆటోమొబైల్​ సంస్థ మహీంద్రా అండ్​ మహీంద్రా నుంచి వస్తున్న రెండు కొత్త ఎలక్ట్రిక్​ కార్లకు భారతీయుల నుంచి సూపర్​ రెస్పాన్స్​ లభిస్తోంది. వాలెంటైన్స్​ డే నేపథ్యంలో మహీంద్రా బీఈ6, మహీంద్రా ఎక్స్​ఈవీ 9ఈల బుకింగ్స్​ని సంస్థ ప్రారంభించగా.. ఈ రెండింటికీ మొదటి రోజే 30,179 బుకింగ్స్​ దక్కాయి. ఫలితంగా ఈ ఎలక్ట్రిక్​ ఎస్​యూవీల బుకింగ్​ వాల్యూ రూ. 8,472 కోట్ల (ఎక్స్​షోరూం ధర)కు చేరింది. ఈ 30,179 బుకింగ్స్​లో 44శాతం మంది బీఈ 6ని ఎంచుకోగా, మిగిలిన 56శాతం మంది ఎక్స్​ఈవీ 9ఈని బుక్​ చేసుకున్నారు. అంతేకాదు, మొత్తం మీద 79శాతం బుకింగ్స్​ టాప్​ ఎండ్​ వేరియంట్స్​కే వెళ్లడం విశేషం.

మహీంద్రా బీఈ 6, ఎక్స్​ఈవీ 9ఈ- ఎలా బుక్​ చేసుకోవాలి?

'అన్లిమిట్ లవ్' అనే బ్రాండ్ థీమ్​కి అనుగుణంగా మహీంద్రా తన కొత్త ఎలక్ట్రిక్ ఎస్​యూవీలు బీఈ 6, ఎక్స్ఈవీ 9ఈల బుకింగ్స్​ని వాలెంటైన్స్ డే సందర్భంగా ప్రారంభించింది. ఆసక్తిగల కొనుగోలుదారులు తయారీదారు అధికారిక వెబ్​సైట్​ని సందర్శించడం ద్వారా ఆన్​లైన్​లో లేదా ఆఫ్​లైన్​లో సమీపంలోని మహీంద్రా డీలర్​షిప్​షోరూమ్​ని సందర్శించి వెహికిల్స్​ని బుక్​ చేసుకోవచ్చు.

పర్ఫార్మెన్స్ ఓరియెంటెడ్ ఎస్​యూవీ బీఈ 6 ప్రారంభ ఎక్స్ షోరూమ్ ధర రూ.19.4 లక్షలుగా  ఉంది. ఇక ఎక్స్ఈవీ 9ఈ ప్రారంభ ధర రూ .22.4 లక్షలు (ఎక్స్-షోరూమ్). దీనితో పాటు, మహీంద్రా టాప్-స్పెక్ వేరియంట్ల కోసం ఇతర సౌకర్యవంతమైన చెల్లింపు ప్రణాళికలను కూడా అందిస్తోంది.

మహీంద్రా బీఈ 6, ఎక్స్​ఈవీ 9ఈ: పర్ఫార్మెన్స్​, రేంజ్​..

ఎక్స్​ఈవీ 9ఈ, బీఈ 6 ఫీచర్లు, డిజైన్ భిన్నంగా ఉన్నప్పటికీ, అవి ఒకే పవర్​ట్రైన్​ని పంచుకుంటాయి. మహీంద్రా ఐఎన్జీఎల్ఓ ఆర్కిటెక్చర్ రెండు బ్యాటరీ ప్యాక్ ఎంపికలను కలిగి ఉంది. అవి.. 59 కిలోవాట్ - 79 కిలోవాట్ల లిథియం ఐరన్ ఫాస్ఫేట్ (ఎల్ఎఫ్పి) యూనిట్లు. ప్రారంభంలో, ఎక్స్​ఈవీ 9ఈ, బీఈ 6ఈ ఎలక్ట్రిక్​ ఎస్​యూవీలు రెండూ 59 కిలోవాట్ల బ్యాటరీ ప్యాక్​ని అందిస్తాయి.

మహీంద్రా ప్రకారం.. బీఈ 6 175 కిలోవాట్ల డీసీ ఫాస్ట్ ఛార్జర్ ఉపయోగించినప్పుడు కేవలం 20 నిమిషాల్లో 20 శాతం నుంచి 80 శాతం వరకు ఛార్జ్ అవుతుంది. 59 కిలోవాట్ల బ్యాటరీ ప్యాక్ రేంజ్​ని ఇంకా చెప్పలేదు. 79 కిలోవాట్ల ప్యాక్ ఏఆర్ఏఐ టెస్టింగ్ ప్రకారం 682 కిలోమీటర్ల పరిధిని సాధిస్తుందని సంస్థ పేర్కొంది. చిన్న బ్యాటరీ 228 బీహెచ్​పీ పవర్​ని, పెద్ద 79 కిలోవాట్ల వర్షెన్ 278 బీహెచ్​పీ పవర్​ని ఉత్పత్తి చేస్తుంది. ముఖ్యంగా, రెండు బ్యాటరీ ఆప్షన్స్​ 380 ఎన్ఎమ్ స్థిరమైన టార్క్​ని ఉత్పత్తి చేస్తాయి.

మహీంద్రా బీఈ 6, ఎక్స్ఈవీ 9ఈ: డెలివరీ..

మహీంద్రా జోరు మీద ఉంది. ఇప్పటికే 2,281 యూనిట్ల ఎక్స్ఈవీ 9ఈ, బీ 6 ఎలక్ట్రిక్ ఎస్​యూవీలను తయారు చేసింది. వీటిల్లో 1,837 యూనిట్లను డిస్పాచ్​ కూడా చేసేసింది. రానున్న రోజుల్లో డిమాండ్​కి తగ్గట్టు ప్రొడక్షన్​ చేసేందుకు రెడీ అవుతోంది.

ఇక రెండు కార్ల ప్యాక్ త్రీ వేరియంట్ డెలివరీలు 2025 మార్చ్​ మధ్య నుంచి ప్రారంభం కానున్నాయి. ప్యాక్ త్రీ సెలెక్ట్, ప్యాక్ టూ డెలివరీలు వరుసగా జూన్ 2025, జులై 2025 నుంచి ప్రారంభమవుతాయి. ఎంట్రీ లెవల్ వేరియంట్లు అయిన వన్, వన్ అబౌవ్​ల డెలివరీలు 2025 ఆగస్టులో ప్రారంభం కానున్నాయి.