గుడ్​ న్యూస్​! ఎల్పీజీ సిలిండర్​ ధర తగ్గింది- ఎంతంటే..

జులై 1న ఎల్​పీజీ (లిక్విఫైడ్ పెట్రోలియం గ్యాస్) సిలిండర్ల కొత్త రేట్లు విడుదలయ్యాయి. ఈ రేట్ల ప్రకారం, 19 కిలోల కమర్షియల్ ఎల్​పీజీ సిలిండర్ ధర తగ్గింది. దేశ రాజధాని దిల్లీ సహా దేశంలోని అనేక ప్రాంతాల్లో ఈ సిలిండర్ ధర సుమారు రూ. 60వరకు తగ్గింది.

కాగా గృహాల్లో వినియోగించే డొమెస్టిక్​ గ్యాస్ సిలిండర్​ ధరల్లో ఎలాంటి మార్పు లేదు. ఈ ఏడాది ఏప్రిల్​ నుంచి ఈ సిలిండర్​ ధరలు ఒకే విధంగా కొనసాగుతున్నాయి.

చమురు మార్కెటింగ్​ సంస్థ డేటా ప్రకారం.. దిల్లీలో 19 కిలోల ఎల్పీజీ సిలిండర్ ఈ రోజు నుంచి రూ .1723.50 కు బదులుగా రూ .1665 కు లభిస్తుంది. అంటే రూ. 58.5 తగ్గింపు! కోల్​కతాలో కమర్షియల్ సిలిండర్ నేటి నుంచి రూ.1769కే లభ్యం కానుంది. గతంలో రూ.1826కు అందుబాటులో ఉండగా, ఇప్పుడు రూ.57 తగ్గింది. ఇక ముంబైలో సిలిండర్ ధర రూ.1616కు చేరింది. జూన్​లో ఇది రూ.1674.50గా ఉంది. ఇక్కడ సిలిండర్ ధర రూ.58.50 తగ్గింది.

ఇక చెన్నై విషయానికొస్తే ఇక్కడ కమర్షియల్ సిలిండర్ ధర రూ.1823.50కి చేరింది. జూన్​ నెలలో రూ.1881కు అందుబాటులో ఉండేది.

హైదరాబాద్​లో 19కేజీల కమర్షియల్​ సిలిండర్​ ధర రూ. 57 తగ్గి రూ. 1886.50కి చేరింది.

ఎల్పీజీ సిలిండర్​ ధరలను ఎలా నిర్ణయిస్తారు?

ముడి చమురు ధరలకు సంబంధించి.. అంతర్జాతీయ మార్కెట్​లో డిమాండ్-సరఫరాను బట్టి వాణిజ్య సిలిండర్ల ధరలు హెచ్చుతగ్గులకు లోనవుతాయి. ఉదాహరణకు, మే 2025 లో, దిల్లీలో 19 కిలోల సిలిండర్ రూ .1,747.50గా ఉంది. ఇది ఏప్రిల్ కంటే రూ .17 చౌకగా మారింది. జూన్​లో రూ.1723.50కు తగ్గింది. జులైలో తగ్గింది.

ప్రతి నెల మొదటి రోజున చమురు మార్కెటింగ్​ సంస్థలు ధరలను పెంచడం, తగ్గించడం లేదా యథావిథిగా వదిలేయడం చేస్తుంటాయి.

డొమెస్టిక్​ సిలిండర్​ ధరలు తగ్గకపోయినా, కమర్షియల్​ సిలిండర్​ ధరలు తగ్గడం కూడా సాధారణ ప్రజలకు ఉపశమనాన్ని ఇచ్చే విషయమే. వాణిజ్య సిలిండర్లను రెస్టారెంట్లు వంటి వాటిల్లో ఉపయోగిస్తారు. వీటి ధరలు తగ్గితే, ప్రాడక్ట్​ రేట్లు కూడా తగ్గే అవకాశం ఉంది.

ప్రధాన నగరాల్లో డొమెస్టిక్​ ఎల్పీజీ సిలిండర్​ ధరలు..

జూన్​తో పోల్చితే జులై ధరల్లో ఎలాంటి మార్పు లేదు.

దిల్లీ- 853.00

గురుగ్రామ్- 861.5

అహ్మదాబాద్- 860

జైపూర్ 856.5

పట్నా- 942.5

ఆగ్రా- 865.5

మీరట్- 860

ఘజియాబాద్- 850.5

ఇండోర్- 881

భోపాల్- 858.5

లుధియానా- 880

వారణాసి- 916.5

ముంబై- 890

హైదరాబాద్​- రూ. 905

విజయవాడ- రూ. 877.50

బెంగళూరు- రూ. 855.5

చెన్నై- రూ. 868.50