LPG cylinder price : ప్రజలకు గుడ్​ న్యూస్​! భారీగా తగ్గిన ఎల్​పీజీ సిలిండర్​ ధర..

దేశ ప్రజలకు గుడ్​ న్యూస్​! ఎల్​పీజీ గ్యాస్​ సిలిండర్​ ధరలను చమురు మార్కెటింగ్​ సంస్థలు భారీగా తగ్గించాయి. 19 కేజీల కమర్షియల్​ ఎల్​పీజీ గ్యాస్​ సిలిండర్​ ధరను రూ. 7 తగ్గించినట్టు, ఇది ఫిబ్రవరి 1 నుంచే అమల్లోకి తెస్తున్నట్టు ప్రకటించాయి.

తాజా తగ్గింపుతో దేశ రాజధాని దిల్లీలో 19 కేజీల ఎల్​పీజీ గ్యాస్​ సిలిండర్​ ధర రూ. 1797కు చేరింది.

ఈ కమర్షియల్​ గ్యాస్​ సిలిండర్లను రెస్టారెంట్​తో పాటు వివిధ వాణిజ్య కార్యకలాపాల కోసం వినియోగిస్తుంటారు. వీటి ధరలు తగ్గితే, ఆయా చోట్ల ప్రజలకు సైతం కాస్త రిలీఫ్​ వచ్చే అవకాశం ఉంటుంది.

అయితే ఇళ్లల్లో వంటలకు వినియోగించే 14 కేజీల గ్యాస్​ సిలిండర్​ ధరలు మాత్రం మారలేదు. 2024 అగస్ట్​ 1 నుంచి డొమెస్టిక్​ సిలిండర్​ ధరలు స్థిరంగా కొనసాగుతున్నాయి.

బడ్జెట్ 2025​కి ముందు ఉపశమనం..!

గత కొంతకాలంగా 19 కేజీల కమర్షియల్​ సిలిండర్​ ధరలను పెంచుతూ వస్తున్న చమురు మార్కెటింగ్​ సంస్థలు.. సరిగ్గా బడ్జెట్​ 2025కి ముందు రేట్లను కట్​ చేయడం విశేషం. పేదలు, మధ్యతరగతి వారిపై లక్ష్మీ దేవి కటాక్షం ఉండాలని ప్రధాని నరేంద్ర మోదీ శుక్రవారం చేసిన వ్యాఖ్యల నేపథ్యంలో బడ్జెట్​లో ప్రజలకు ఉపశమనం ఉంటుందని అంచనాలు మరింత పెరిగాయి. ఈ నేపథ్యంలో, ఇప్పుడు సిలిండర్​ ధరలు సైతం దిగిరావడం మరింత సానుకూల విషయం.

దేశంలోని వివిధ నగరాల్లో ఎల్​పీజీ సిలిండర్​ ధరలు ఇలా..

ఇండియన్ ఆయిల్ విడుదల చేసిన తాజా రేటు ప్రకారం.. దిల్లీలో 19 కిలోల ఎల్​పీజీ సిలిండర్ ధర రూ .1797 కు చేరింది. జనవరిలో ఇది రూ.1804గా ఉంది. కోల్​కతాలో అదే కమర్షియల్ సిలిండర్ ఇప్పుడు రూ. 1911 కు బదులుగా రూ .1907కు లభిస్తుంది. ముంబైలో ఈ సిలిండర్ ధర ఇప్పుడు రూ .1749.50 గా ఉంది. ఇక్కడ ఈ వాణిజ్య ఎల్​పీజీ సిలిండర్.. జనవరిలో రూ .1756 ధరకు అందుబాటులో ఉండేది.

ఇక హైదరాబాద్​లో 19 కేజీల వాణిజ్య ఎల్​పీజీ గ్యాస్​ సిలిండర్​ ధర రూ. 2,023గా ఉంది. 14 కేజీల డొమెస్టిక్​ సిలిండర్​ ధర రూ. 855గా కొనసాగుతోంది.

విజయవాడలో 19 కేజీల కమర్షియల్​ గ్యాస్​ సిలిండర్​ ధర రూ. 1964గా ఉంది. 14 కేజీల సిలిండ్​ రేటు రూ. 827.50గా కొనసాగుతోంది.

అంతర్జాతీయ పరిస్థితుల బట్టి ప్రతి నెల సిలిండర్​ ధరలను ఓఎంసీలు సవరిస్తుంటాయి. ఒక్కోసారి ధరలను పెంచుతాయి, ఇంకోసారి తగ్గిస్తాయి. లేదా యాథతథంగా వదిలేస్తాయి.