రూ. 7999 ధరకు 50ఎంపీ కెమెరా, 5000ఎంఏహెచ్​ బ్యాటరీ- ఇదే ది బెస్ట్​ బడ్జెట్​ స్మార్ట్​ఫోన్​!

లావా ఇంటర్నేషనల్ లిమిటెడ్ యువ వినియోగదారులను లక్ష్యంగా చేసుకుని, సరసమైన ధరల్లో రెండు కొత్త బడ్జెట్ స్మార్ట్‌ఫోన్‌లను ఆవిష్కరించింది. ఈ రెండు గ్యాడ్జెట్స్​ స్టార్మ్​ సిరీస్​లో భాగంగా వస్తున్నాయి. వీటి పేర్లు.. స్టార్మ్​ ప్లే, స్టార్మ్​ లైట్​. ఈ బడ్జెట్​ ఫ్రెండ్లీ స్మార్ట్​ఫోన్స్​ ఫీచర్స్​తో పాటు ఇతర వివరాలను ఇక్కడ చూసేయండి..​

లావా స్టార్మ్​ ప్లే, స్టార్మ్​ లైట్​.. ధరలు- ఫీచర్లు:

ఈ రెండు స్మార్ట్‌ఫోన్‌లు ప్రత్యేకంగా అమెజాన్‌లో లభించనున్నాయి. స్టార్మ్ ప్లే జూన్ 19 నుంచి రూ. 9,999కి అందుబాటులో ఉంటుంది. ఇక స్టార్మ్ లైట్ జూన్ 24 నుంచి రూ. 7,999కి లభిస్తుంది.

ఇక ఫీచర్స్​ విషయానికొస్తే, మీడియాటెక్​ డైమెన్సిటీ 7060 ప్రాసెసర్​ కలిగి ఉన్న ప్రపంచంలోనే తొలి స్మార్ట్​ఫోన్​గా నిలించి లావా స్టార్మ్​ ప్లే. రూ. 10,000 లోపు సెగ్మెంట్‌లో ఎల్​పీడీడీఆర్​5 ర్యామ్​, యూఎఫ్​ఎస్​ 3.1 స్టోరేజ్‌ను కలిగి ఉన్న మొదటి హ్యాండ్‌సెట్ కూడా ఇదే!

ఈ బడ్జెట్​ స్మార్ట్​ఫోన్​లో 6.75-ఇంచ్​ హెచ్​డీ+ డిస్‌ప్లే, 120హెచ్​జెడ్​ రిఫ్రెష్ రేట్ వంటివి ఉన్నాయి. కెమెరా విషయానికొస్తే ఇందులో సోనీ ఐఎంఎక్స్​752 సెన్సార్‌తో 50ఎంపీ డ్యూయల్ రేర్ లెన్స్​, 8ఎంపీ ఫ్రంట్ లెన్స్​ ఉన్నాయి.

ఈ స్టార్మ్​ ప్లేలో 5000ఎంఏహెచ్​ బ్యాటరీ ఉంటుంది. 18W ఫాస్ట్ ఛార్జింగ్ సపోర్ట్ లభిస్తోంది. 6జీబీ ర్యామ్​ (అదనంగా 6GB ఎక్స్​ప్యాండెబుల్​), 128 జీబీ ఇంటర్నల్ స్టోరేజ్ దీని సొంతం.ఈ బడ్జెట్​ ఫ్రెండ్లీ ఆండ్రాయిడ్ 15 సాఫ్ట్​వేర్​పై పనిచేస్తుంది.

ఈ గ్యాడ్జెట్​తో ఒక ప్రధాన ఆండ్రాయిడ్ అప్‌గ్రేడ్, రెండు సంవత్సరాల సెక్యూరిటీ అప్‌డేట్‌లను లావా అందిస్తుంది.

స్టార్మ్ లైట్:

భారతదేశంలో మొదటిది: రూ. 8,000 లోపు మీడియాటెక్ డైమెన్సిటీ 6400 చిప్‌సెట్‌ను ఉపయోగించిన మొదటి భారతీయ స్మార్ట్‌ఫోన్ ఈ లావా స్టార్మ్​ లైట్​.

డిస్‌ప్లే: 6.75-అంగుళాల HD+ స్క్రీన్.

కెమెరా: 50ఎంపీ సోనీ ఐఎంఎక్స్​752 రేర్ కెమెరా, 5ఎంపీ ఫ్రంట్ కెమెరా.

పర్ఫార్మెన్స్​: AnTuTu స్కోర్‌లో 410,000 కంటే ఎక్కువ స్కోరు సాధించింది. రోజువారీ పనులకు నమ్మకమైన పనితీరును కోరుకునే వినియోగదారులను లక్ష్యంగా చేసుకుంది.

ర్యామ్​- స్టోరేజ్: 64జీబీ లేదా 128జీబీ స్టోరేజ్ ఆప్షన్లు. 4జీబీ ర్యామ్​ (అదనంగా 4GB వర్చువల్లీ ఎక్స్​ప్యాండెబుల్​).

ఆపరేటింగ్ సిస్టమ్: ఆండ్రాయిడ్ 15.

ఛార్జింగ్: 15W టైప్-సీ ఛార్జింగ్ సపోర్ట్.

బ్యాటరీ: 5000ఎంఏహెచ్​ బ్యాటరీ.

ప్రత్యేకతలు: స్టార్మ్ ప్లే లాగానే, ఇందులో సైడ్-మౌంటెడ్ ఫింగర్‌ప్రింట్ సెన్సార్, డస్ట్​ అండ్​ వాటర్​ రెసిస్టెన్స్​ కోసం ఐపీ64 రేటింగ్ ఉన్నాయి.

ఈ రెండు ఫోన్‌లు అమెజాన్ ద్వారా ప్రత్యేకంగా విక్రయానికి వస్తున్నాయి. భారతదేశం అంతటా లావా "Free Service@Home" సౌకర్యంతో వస్తాయి. ఈ సర్వీస్​ గురించి కంపెనీ అధికారిక వెబ్‌సైట్‌లో పూర్తి వివరాలు అందుబాటులో ఉన్నాయి.