Kia Syros vs Sonet : ఈ రెండు ఎస్‌యూవీలలో ఏది బెస్ట్ గురూ.. కొనేముందు ఓసారి పోల్చుకోండి!

మీరు పవర్‌ఫుల్ ఎస్‌యూవీని కొనుగోలు చేయాలనుకుంటే కియా రెండు ఉత్తమ కార్లు, సిరోస్, సోనెట్ లిస్టులో ఉన్నాయి. కియా ఇటీవల సిరోస్ ధరలను ప్రకటించింది. అయితే సోనెట్‌ కారుతో పోల్చితే ఇందులో బెస్ట్ అవుతుందో కొందరికి కన్ఫ్యూజన్ ఉంటుంది. రెండు ఎస్‌యూవీలకు మంచి పేరు ఉంది. అయితే వీటిలో ఏది మీకు సరైనది? ధర, ఫీచర్లు, ఇంజన్ ఆప్షన్స్ తదితర వివరాలు తెలుసుకుందాం..

పెట్రోల్ వేరియంట్

కియా సిరోస్ ప్రారంభ ధర రూ .9 లక్షలు, సోనెట్ ప్రారంభ ధర రూ .9.15 లక్షలు. సిరోస్ 1.0-లీటర్ టర్బో పెట్రోల్ ఇంజిన్‌తో మాత్రమే వస్తుంది. సోనెట్ 1.2-లీటర్ నేచురల్ ఆస్పిరేటెడ్ ఇంజన్, టర్బో పెట్రోల్ ఆప్షన్స్‌తో వస్తుంది. సిరోస్ హెచ్‌టీఎక్స్ ప్లస్ ఆటోమేటిక్ వేరియంట్ ధర రూ .16 లక్షల వరకు ఉంటుంది. మరోవైపు సోనెట్ జీటిఎక్స్ ప్లస్ డ్యూయల్-టోన్ (అదే ఇంజన్, గేర్ బాక్స్‌తో) లో రూ .14.85 లక్షలకు లభిస్తుంది. అంటే కియా సిరోస్ టాప్ మోడల్ సోనెట్ కంటే సుమారు 1.15 లక్షలు ఎక్కువ.

డీజిల్ వేరియంట్

కియా సిరోస్, సోనెట్ రెండూ కూడా డీజిల్ ఇంజన్ ఆప్షన్స్‌తో లభిస్తాయి. అయితే ఇక్కడ కూడా ధరలో వ్యత్యాసం ఉంది. సోనెట్ హెచ్‌టీఈ ఆప్షన్ డీజిల్ వేరియంట్ ధర రూ.10 లక్షలు. సిరోస్ హెచ్‌టీకే ఆప్షన్ డీజిల్ వేరియంట్ ధర రూ.11 లక్షలు.

టాప్ మోడళ్లు చూస్తే

సోనెట్ జీటీఎక్స్ ప్లస్ ఏటీ వేరియంట్ ధర రూ.15.70 లక్షలు. అదే సమయంలో సిరోస్ టాప్ మోడల్ హెచ్‌టీఎక్స్ ప్లస్ ఏటీ ధర రూ .17 లక్షలు. అంటే డీజిల్ వేరియంట్ లో కూడా సోనెట్ కంటే సిరోస్ ఖరీదైనది.

ఎక్కువ స్పేస్, ప్రీమియం ఫీచర్లు కావాలనుకునే వారికి సిరోస్ మంచి ఆప్షన్. సోనెట్ ఒక స్టైలిష్, సరసమైన ఎస్‌యూవీ. ఇది గొప్ప డ్రైవింగ్ అనుభవాన్ని అందిస్తుంది. మీరు మంచి బడ్జెట్లో ఉంటే సోనెట్ మంచి ఎంపిక కావచ్చు. కానీ మీరు మరింత ప్రీమియం అనుభవాన్ని కోరుకుంటే మీరు సిరోస్‌ను ఎంచుకోవచ్చు. రెండు కార్లను పోల్చి చూసుకుని మీకు నచ్చినది ఎంచుకోండి.