New SUV : లగ్జరీ ఫీచర్స్​, లుక్స్​తో కియా కొత్త ఫ్యామిలీ ఎస్​యూవీ..

కియా ఇండియా తన కొత్త ఎస్​యూవీ పేరును రివీల్​ చేసింది. కియా సైరోస్ అని పిలిచే ఈ ఎస్​యూవీ.. భారత మార్కెట్​లో ఇప్పటికే ఉన్న బెస్ట్​ సెల్లింగ్​ కియా సెల్టోస్, కియా సోనెట్ మధ్య ప్లేస్​ చేసి ఉంటుందని తెలుస్తోంది. కియా 2.0 వ్యూహం కింద కంపెనీ డిజైన్ 2.0 ఫిలాసఫీని కలిగి ఉండి, భారతదేశంలో తయారైన తొలి ఎస్​యూవీ ఈ కియా సైరోస్! 

ఇటీవల భారత మార్కెట్​లో లాంచ్ అయిన కియా ఈవీ9, కియా కార్నివాల్ లిమోసిన్ నుంచి ప్రేరణ పొందిన ఆధునిక డిజైన్ సౌందర్యాన్ని రాబోయే ఎస్​యూవీలో కలిగి ఉంటుంది.

కియా సైరోస్ ప్రాధమిక స్కెచ్​లు ఈ ఎస్​యూవీ ప్రస్తుతం మార్కెట్లో ఉన్న మరే ఇతర ఎస్​యూవీకి లేని ప్రత్యేకమైన ఆకృతిని కలిగి ఉంటుందని సూచిస్తున్నాయి. ఈ ఏడాది ప్రారంభంలో లాంచ్ చేసిన ఈవీ 9 నుంచి సైరోస్​ ఫ్రెంట్​ డిజైన్​ చాలా ప్రేరణ పొందింది. కంపెనీ ఇటీవల పంచుకున్న టీజర్ ప్రకారం, కియా సైరోస్​లో డీఆర్ఎల్ ఇంటిగ్రేటెడ్​తో త్రీ ఎలిమెంట్ వర్టికల్ ఎల్ఈడీ హెడ్​లైట్ ఉంటుంది.

కియా సైరోస్- ఇతర విశేషాలు..

డిజైన్ స్కెచ్​ల ప్రకారం.. కియా సైరోస్ రూఫ్​ రెయిల్స్​ కలిగి ఉంటుంది. అయినప్పటికీ అవి ఆచరణాత్మక ప్రయోజనం కోసం ఉపయోగపడతాయా లేదా పూర్తిగా సౌందర్యాత్మకంగా ఉంటాయా అనేది అస్పష్టంగా ఉంది. అంతేకాక, కియా సైరోస్ విశాలమైన, ఓపెన్​ క్యాబిన్ కోసం గణనీయమైన పెద్ద విండోలను పొందుతుంది. అదనంగా, ఈ వాహనం 4-స్పోక్ అల్లాయ్ వీల్స్​ని కలిగి ఉంటుంది.

కియా సోనెట్​కు మరింత ప్రీమియం మోడల్​గా ఈ కియా సైరోస్​ను అందించనున్నారు. అయితే ఇది కియా సెల్టోస్ కింద ప్లేస్​ చేసి ఉంటుంది కాబట్టి కియా సైరోస్ మిశ్రమ ఫీచర్లను పొందుతుందని ఆశించొచ్చు. స్పై షాట్లు ఇప్పటికే సైరోస్ కోసం ఆల్​రౌండ్ ఎల్ఈడీ లైటింగ్​ని ధృవీకరించినప్పటికీ, ఇంటీరియర్​లో కొన్ని ప్రీమియం ఎలిమెంట్స్ కూడా ఉంటాయని భావిస్తున్నారు.

కియా సైరోస్ డ్యాష్ బోర్డ్​లో టూ-స్పోక్, ఫ్లాట్-బాటమ్, మల్టీ ఫంక్షన్ స్టీరింగ్ వీల్, ట్విన్-స్క్రీన్ సెటప్​ను పొందే అవకాశం ఉంది. 2 స్పోక్ స్టీరింగ్ వీల్ కొత్తగా ఉన్నప్పటికీ, ట్విన్ స్క్రీన్ సెటప్ ఇతర కియా మోడళ్లలో కూడా కనిపిస్తుంది. ఎలక్ట్రిక్ సన్​రూఫ్, 360 డిగ్రీల కెమెరా, ఆటోమేటిక్ వైపర్స్, స్మార్ట్​ఫోన్ కనెక్టివిటీ, ప్రీమియం ఆడియో సిస్టెమ్ వంటి ఫీచర్లు ఇందులో ఉన్నాయి.

కియా సైరోస్: ఇంజిన్​..

కియా సైరోస్ పెట్రోల్, ఈవీ ఇంజిన్​లతో లభిస్తుందని భావిస్తున్నారు. 1.0-లీటర్ టర్బో పెట్రోల్ ఇంజిన్, 1.5-లీటర్ డీజిల్ ఇంజిన్ ఉండవచ్చు. ఇందులోని 1.0-లీటర్ టర్బో పెట్రోల్ ఇంజిన్ గరిష్టంగా 118బీహెచ్​పీ పవర్, 172ఎన్ఎమ్ టార్క్​ని ప్రొడ్యూస్ చేస్తుంది.

పెట్రోల్ వేరియంట్లలో 6-స్పీడ్ ఐఎంటీ, 7-స్పీడ్ డ్యూయల్ క్లచ్ ఆటోమేటిక్, డీజిల్ వేరియంట్లలో 6-స్పీడ్ మ్యాన్యువల్, 6-స్పీడ్ టార్క్ కన్వర్టర్ ఆటోమేటిక్ ఆప్షన్లు ఉన్నాయి. అదనంగా, నేచురల్లీ ఆస్పిరేటెడ్ పెట్రోల్ ఇంజిన్ అందుబాటులో ఉంటుంది. ఇది కియా కొత్త ఎస్​యూవీ ప్రారంభ ధరను తగ్గించడానికి దోహదం చేస్తుంది.

ఈ కియా సైరోస్​ లాంచ్​ డేట్​, ధరతో పాటు ఇతర వివరాలను త్వరలోనే క్లారిటీ వచ్చే అవకాశం ఉంది.