Best base variants : సైరోస్ వర్సెస్ కైలాక్- రెండు ఫీచర్ లోడెడ్ ‘బేస్ వేరియంట్ల’లో ఏది బెస్ట్?
Kia Syros vs Skoda Kylaq : కియా సైరోస్ వర్సెస్ స్కోడా కైలాక్- ఈ రెండు ఎస్యూవీల ఫీచర్ లోడెడ్ బేస్ వేరియంట్లలో ఏది బెస్ట్? ఏది వాల్యూ ఫర్ మనీ? పూర్తి విశ్లేషణను ఇక్కడ తెలుసుకోండి..
ఇండియాలో సబ్ కాంపాక్ట్ ఎస్యూవీ సెగ్మెంట్కి విపరీతమైన డిమాండ్ ఉన్న విషయం తెలిసిందే. అందుకు తగ్గట్టుగానే ఆటోమొబైల్ సంస్థలు కొత్త కొత్త ప్రాడక్ట్స్ని లాంచ్ చేస్తూ ప్రైజ్ వార్ని మరింత పెంచుతున్నాయి. ఈ నేపథ్యంలోనే కియా సైరోస్, స్కోడా కైలాక్ ఎస్యూవీలు ఇటీవలే మార్కెట్లోకి అడుగుపెట్టాయి. కియా సైరోస్, స్కోడా కైలాక్ల బేస్ వేరియంట్లు కూడా మంచి ఫీచర్ లోడెడ్ ఆప్షన్స్గా వస్తుండటం ఇక్కడ హైలైట్ విషయం. మీరు మార్కెట్లో కొత్త సబ్ కాంపాక్ట్ ఎస్యూవీ కోసం చూస్తూ, బడ్జెట్ తక్కువగా ఉంటే, స్కోడా కైలాక్- కియా సైరోస్లలో ఒకదాన్ని ఎంచుకోవచ్చు. మరి ఈ రెండింటిలో ఏది బెస్ట్? ఏది వాల్యూ ఫర్ మనీ? ఇక్కడ తెలుసుకోండి..
స్కోడా కైలాక్: బేస్ వేరియంట్..
స్కోడా కైలాక్ బేస్ వేరియంట్ పేరు క్లాసిక్. దీని ఎక్స్షోరూం ధర రూ. 7.89లక్షలు. ధరను బట్టి మంచి ఫీచర్ల జాబితాతో వస్తోంది ఈ ఎస్యూవీ. కంపెనీ లేటెస్ట్ డిజైన్ లాంగ్వేజ్ను కలిగి ఉంది. అయితే, ఎక్స్టీరియర్లో క్లాసిక్ వేరియంట్ 16 ఇంచ్ స్టీల్ వీల్స్తో పాటు ప్లాస్టిక్ కవర్లు, బాడీ కలర్ ఓఆర్వీఎమ్లను పొందుతుంది.
స్కోడా కైలాక్ బేస్ వేరియంట్లో ఇన్ఫోటైన్మెంట్ సిస్టమ్ లేదు! కానీ కైలాక్ క్లాసిక్ మాన్యువల్ ఎయిర్ కండిషనింగ్, రేర్ ఏసీ వెంట్స్, డిజిటల్ మల్టీ ఇన్ఫర్మేషన్ డిస్ప్లే (ఎంఐడీ)తో అనలాగ్ డయల్స్, ఫ్రెంట్ సెంటర్ ఆర్మ్రెస్ట్తో వస్తుంది. 4 పవర్ విండోస్, సెంట్రల్ లాకింగ్, ఆటోమేటిక్ ఇంజిన్ స్టార్ట్- స్టాప్, టిల్ట్ అడ్జెస్టెబుల్ స్టీరింగ్, పవర్డ్ వింగ్ మిర్రర్స్, ఫ్యాబ్రిక్ సీట్లు, ముందు భాగంలో 12 వోల్ట్ ఛార్జింగ్ ప్లగ్ వంటివి ఉన్నాయి.
స్కోడా కైలాక్ క్లాసిక్లో 1.0 లీటర్ 3 సిలిండర్ టీఎస్ఐ పెట్రోల్ యూనిట్ ఉంది. ఇది స్కోడా కుషాక్తో సహా ఇతర స్కోడా ఇండియా 2.0 ప్రాజెక్ట్ కార్లకు కూడా పవర్ని ఇస్తుంది. కైలాక్ ఎస్యూవీలోని 1.0 లీటర్ పెట్రోల్ ఇంజిన్ గరిష్టంగా 114బీహెచ్పీ పవర్, 178ఎన్ఎమ్ గరిష్ట టార్క్ని ఉత్పత్తి చేస్తుంది.
కియా సైరోస్: బేస్ వేరియంట్..
కియా సైరోస్ బేస్ వేరియంట్ పేరు హెచ్టీకే. దీని ఎక్స్-షోరూమ్ ధర రూ .9 లక్షలు. బేస్ ట్రిమ్ అయినప్పటికీ, ఇందులో మంచి ఫీచర్లే ఉన్నాయని చెప్పుకోవచ్చు. హెచ్టీకే వర్షెన్లో బ్లాక్ వీల్ కవర్లతో కూడిన 15-ఇంచ్ స్టీల్ వీల్స్, హాలోజెన్ హెడ్ల్యాంప్స్, షార్క్ఫిన్ యాంటెనా, ఫ్రెంట్-రేర్లో సిల్వర్ స్కిడ్ ప్లేట్లు ఉంటాయి.
కియా సైరోస్ క్యాబిన్ డ్యూయెల్-టోన్ గ్రే, బ్లాక్ సెమీ-లెథరెట్ అప్హోలిస్ట్రీతో వస్తుంది. వైర్లెస్ ఫోన్ కనెక్టివిటీతో కూడిన 12.30 ఇంచ్ టచ్స్క్రీన్ ఇన్ఫోటైన్మెంట్ సిస్టమ్, డైనమిక్ గైడెన్స్తో రివర్స్ కెమెరా, పవర్ అడ్జెస్టెబుల్ మిర్రర్లు- విండోస్, రేర్ ఏసీ వెంట్స్, డోర్ కర్టెన్లు, నాలుగు టైప్-సీ యూఎస్బీ ఛార్జింగ్ ఔట్లెట్స్ వంటివి ఉన్నాయి.
సైరోస్ శ్రేణి పెట్రోల్, డీజిల్ ఇంజిన్ ఆప్షన్స్తో వస్తోంది. అయితే సైరోస్ బేస్ వేరియంట్ 6-స్పీడ్ మాన్యువల్ గేర్బాక్స్తో, పెట్రోల్ ఇంజిన్తో మాత్రమే లభిస్తుంది. సోనెట్ నుంచి వచ్చిన 1.0-లీటర్ టర్బోఛార్జ్డ్ యూనిట్ సైరస్కి పవర్ని ఇస్తుంది. ఇది 118 బీహెచ్పీ పవర్, 172 ఎన్ఎమ్ టార్క్ని జనరేట్ చేస్తుంది.
Sharath Chitturi
సంబంధిత కథనం