బెస్ట్​ ఫ్యామిలీ ఎంపీవీ కియా క్యారెన్స్​ క్లావిస్​- ధర, వేరియంట్లతో పాటు పూర్తి వివరాలు..

ఇండియాలోకి మరో ఫ్యామిలీ కారు అడుగుపెట్టింది. దాని పేరు కియా క్యారెన్స్​ క్లావిస్​. ఇదొక ఎంపీవీ. ఈ మోడల్​ని తాజాగా ఇండియాలో లాంచ్​ చేసింది దిగ్గజ ఆటోమొబైల్​ సంస్థ కియా మోటార్స్​. రూ .25,000 టోకెన్ అమోంట్​తో క్యారెన్స్ క్లావిస్ బుకింగ్స్ ఇప్పటికే ప్రారంభమయ్యాయి. కొన్ని డీలర్​షిప్​ షోరూమ్స్​ వద్ద, ఎంపీవీ ఇప్పుడు వినియోగదారులు వ్యక్తిగతంగా చెక్​ చేయడానికి అందుబాటులో ఉంది. త్వరలోనే డెలివరీలు ప్రారంభం కానున్నాయి. ఈ నేపథ్యంలో ఈ కియా క్యారెన్స్​ క్లావిస్​ ధరతో పాటు ఇతర వివరాలను ఇక్కడ తెలుసుకోండి..

కియా క్యారెన్స్ క్లావిస్ వేరియంట్లు ఏంటి?

కియా కారెన్స్ క్లావిస్ ఫ్యామిలీ ఎంపీవీ ఏడు వేరియంట్లలో లభిస్తుంది. హెచ్​టీఈ, హెచ్ టీఈ(ఓ), హెచ్ టీకే, హెచ్ టీకే+, హెచ్​టీకే+(ఓ), హెచ్​టీఎక్స్ , హెచ్​టీఎక్స్ + ఉన్నాయి. ఏ వేరియంట్​లో ఎలాంటి ఫీచర్లు ఉన్నాయి? అన్నది తెలుసుకునేందుకు ఇక్కడ క్లిక్​ చేయండి.

కియా క్యారెన్స్ క్లావిస్ ధర ఎంత?

క్యారెన్స్ క్లావిస్ ధర రూ .11.49 లక్షల వద్ద ప్రారంభమై రూ .21.50 లక్షల వరకు ఉంటుంది. రెండు ధరలు ఎక్స్-షోరూమ్. కియా క్యారెన్స్​ అమ్మకాల్లో ఉంటుంది. దాని తర్వాత మోడల్​గా ఈ క్లావిస్​ కొనసాగుతుంది.

కియా క్యారెన్స్ క్లావిస్ కలర్​ ఆప్షన్స్​ ఏంటి?

ఐవరీ సిల్వర్ గ్లాస్, ప్యూటర్ ఆలివ్, ఇంపీరియల్ బ్లూ, గ్లేసియర్ వైట్ పెర్ల్, గ్రావిటీ గ్రే, స్పార్క్​లింగ్ సిల్వర్, అరోరా బ్లాక్ పెర్ల్, క్లియర్ వైట్ వంటి బహుళ రంగుల ఎంపికలను క్యారెన్స్ క్లావిస్ పొందుతుంది.

కియా క్యారెన్స్ క్లావిస్ ఫీచర్లు ఏంటి?

కియా క్యారెన్స్ క్లావిస్​ ఇంటీరియర్​ను 26.62 ఇంచ్​ పానోరమిక్ డిస్​ప్లేతో అప్​గ్రేడ్ చేశారు. ఇది డిజిటల్ ఇన్​స్ట్రుమెంట్ ప్యానెల్, ఇన్ఫోటైన్​మెంట్ సిస్టెమ్​ని ఇంటిగ్రేట్ చేస్తుంది. అంతేకాకుండా ఆఫ్ సెట్ కియా లోగోతో కూడిన టూ-స్పోక్ స్టీరింగ్ వీల్​ను కొత్తగా రూపొందించారు. ఈ మోడల్ దాని మూడు వరుసల కాన్ఫిగరేషన్​ను నిలుపుకుంటుంది. ఇప్పుడు మూడొవ వరుసకు మెరుగైన యాక్సెస్​ సులభతరం చేయడానికి రెండొవ వరుసలో వన్-టచ్ ఎలక్ట్రిక్ డంబ్లింగ్ ఫీచర్​ని ఇచ్చారు.

అదనంగా, ఈ ఎంపీవీ రెండొవ వరుస సీట్లు ఇప్పుడు స్లైడింగ్, రిక్లైనింగ్ సామర్థ్యాలను అందిస్తాయి. ఫీచర్ల విషయానికొస్తే, క్లావిస్​లో 8-స్పీకర్ల బోస్ ఆడియో సిస్టమ్, 64-కలర్ యాంబియంట్ లైటింగ్, 360-డిగ్రీల కెమెరా, అన్ని విండోలకు పనిచేయడానికి అనుమతించే స్మార్ట్ కీ సిస్టమ్, రూఫ్ మౌంటెడ్ వెంట్​లతో సీట్ మౌంటెడ్ ఎయిర్ ప్యూరిఫైయర్, పానోరమిక్ సన్ రూఫ్, వెంటిలేటెడ్ ఫ్రెంట్ సీట్లు, 4 వే ఎలక్ట్రికల్లీ అడ్జెస్టెబుల్​ డ్రైవర్ సీటు ఉన్నాయి.

కియా క్యారెన్స్ క్లావిస్ ఇంజిన్ స్పెసిఫికేషన్లు ఏంటి?

ఈ కియా కారెన్స్ క్లావిస్​లో 113 బీహెచ్​పీ పవర్​ని జనరేట్​ చేసే 1.5-లీటర్ నేచురల్ ఆస్పిరేటెడ్ పెట్రోల్ ఇంజిన్, 158 బీహెచ్​పీ పవర్​ని జనరేట్​ చేసే టర్బో పెట్రోల్ వేరియంట్, 114 బీహెచ్​పీని అందించే 1.5-లీటర్ డీజిల్ ఇంజిన్ ఉన్నాయి.

టర్బో పెట్రోల్- నేచురల్ ఆస్పిరేటెడ్ పెట్రోల్ ఇంజన్లు రెండూ కొత్త మాన్యువల్ ట్రాన్స్మిషన్​తో వస్తాయి. టర్బో పెట్రోల్, డీజిల్ వేరియంట్లు కూడా ఆటోమేటిక్ ట్రాన్స్​మిషన్​ ఎంపికలను కలిగి ఉంటాయి.

కియా క్యారెన్స్ క్లావిస్ భద్రతా ఫీచర్లు ఏంటి?

కియా కారెన్స్ క్లావిస్ లెవల్ 2 ఏడీఏఎస్​తో వస్తుంది. ఇది ఎంపీవీలో 20కి పైగా డ్రైవర్ అసిస్టెన్స్ ఫీచర్లను తీసుకువస్తుంది. ఈ మోడల్​లో ఆరు ఎయిర్​బ్యాగ్​లు, ఈఎస్​సీ, రేర్ ఆక్యుపెంట్ అలర్ట్, మొత్తం 18 యాక్టివ్- పాసివ్ సేఫ్టీ ఫీచర్లు ఉన్నాయి.