JK Tyre share price : 2 సెషన్స్​లో 15శాతం పెరిగిన స్టాక్​.. ఇప్పుడు ఎంట్రీ ఇస్తే 63శాతం లాభాలు!

జేకే టైర్ అండ్ ఇండస్ట్రీస్ షేర్లు వరుసగా రెండో సెషన్​లో దూసుకెళుతున్నాయి. ఈ స్టాక్​లో కొనుగోళ్ల జోరు కనిపిస్తోంది. జూలై 1, సోమవారం ఇంట్రాడే ట్రేడింగ్​ సెషన్​లో ఈ స్టాక్​ 5 శాతానికి పైగా పెరిగింది. క్రితం సెషన్​లో 9 శాతానికి పైగా పెరుగుదలను చూసిన తరువాత, జేకే టైర్ షేరు ధర దాని మునుపటి ముగింపు రూ .429.75తో పోలిస్తే ఒక శాతం పెరిగి రూ .435 వద్ద ప్రారంభమైంది. ఇంట్రాడేలో 5.4 శాతం పెరిగి రూ .453 వద్ద ముగిసింది. మధ్యాహ్నం 12:55 గంటల సమయంలో ఈ షేరు 4.35 శాతం పెరిగి రూ.448.45 వద్ద ట్రేడ్​ అవుతోంది.

నేటి గరిష్టాన్ని పరిశీలిస్తే, గత రెండు సెషన్లలో ఈ జేకే టైర్ షేరు ధర 15 శాతం పెరిగినట్టు. ఇక ఈ ఏడాదిలో ఈ స్టాక్​ బెంచ్​మార్క్​ నిఫ్టీ(15శాతం)కి తగ్గట్టు 14శాతం పెరిగింది.

జేకే టైర్ షేరు ఈ ఏడాది ఫిబ్రవరి 5న 52 వారాల గరిష్ట స్థాయి రూ.553.95ను తాకింది. ప్రస్తుత మార్కెట్ ధర రూ.453 వద్ద ఏడాది గరిష్ట స్థాయి నుంచి 18 శాతానికి దూరంలో ఉంది. మరి తాజా కొనుగోళ్ల జోరుతో ఈ స్టాక్​ ఇంకా పెరుగుతుందా? అసలు ఇప్పుడు పెరగడానికి కారణాలేంటి?

జేకే టైర్​ షేర్​ ప్రైజ్​..

జెకె టైర్ గురించి నిపుణులు సానుకూలంగా ఉన్నారు. వివిధ విషయాల్లో ఈ సంస్థ రానున్న కాలంలో లాభపడుతుందన్న నమ్మకం ఇందుకు కారణం.

ఈ జేకే టైర్​ షేర్​ ప్రైజ్​ టార్గెట్​ని రూ. 700గా ఇచ్చింది ఎంకే గ్లోబల్​ ఫైనాన్షియల్​ సర్వీసెస్​. 2026ఈ ప్రైజ్​ టు ఎర్నింగ్స్​ రేషియాలో 15 రెట్లు, అన్​ఛేంజ్డ్​ ఎఫ్​వై24-26ఈ ఈపీఎస్ (ప్రతి షేరుకు ఆదాయాలు) సీఏజీఆర్ 21 శాతంగా ఉందని సంస్థ చెబుతోంది..

టార్గెట్ ధర షేరు గత ముగింపు ధర రూ .429.75 తో పోలిస్తే దాదాపు 63 శాతం ఎక్కువగా ఉండటం గమనార్హం.

ట్రక్కింగ్ పరిశ్రమ ఫండమెంటల్స్​, ఎమోషన్స్​ మెరుగ్గా ఉన్నాయని ఎంకే అభిప్రాయపడింది. సీవీ (వాణిజ్య వాహన) పరిశ్రమ ఎఫ్​వై26ఈ నుంచి అప్​స్కేల్​లోకి వెళుతుందని అంచనా వేసింది. ఇది జేకే టైర్ వంటి సంస్థలకు సానుకూలంగా ఉందని స్పష్టం చేసింది.

నాణ్యత, పనితీరు, పొజిషనింగ్ వంటి పారామీటర్లలో భారతీయ టైర్ కంపెనీలు బహుళజాతి సంస్థలతో, దేశీయ లీడర్​తో సమానం అయ్యేందుకు రెడీ అవుతున్నాయని ఎంకో ఫైనాన్షియల్స్​ అభిప్రాయపడింది.

అంతేకాక, డిమాండ్ ప్రీమియంను మెరుగుపరచడం జేకే టైర్​తో సహా సంస్థలకు పెరుగుతున్న ముడి సరకు (ఆర్ఎమ్), ఎక్స్​టెండెడ్​ ప్రొడ్జ్యూసర్​ రెస్పాన్సిబులిటీ (ఈపీఆర్) సంబంధిత ఖర్చులను ధరల పెరుగుదల ద్వారా భర్తీ చేయడానికి వీలు కల్పించింది. ఆర్ఎం ఖర్చులు మరింత పెరిగితే సంవత్సరంలో మరిన్ని లాభాలు ఉంటాయని ఎంకే అన్నారు.

జెకె టైర్ 16 టైమ్​ పీర్ సగటుతో పోలిస్తే ఎఫ్​వై26ఈ పరైజ్​టు ఎర్నింగ్​ ఎనిమిది రెట్లు బలమైన రిస్క్-రివార్డును అందిస్తూనే ఉందని ఎంకే అభిప్రాయపడింది.

జేకే టైర్​ టెక్నికల్​ ఎనాలసిస్​..

ప్రస్తుత పరిస్థితుల్లో టెక్నికల్ ఇండికేటర్లు కూడా ఈ స్టాక్​కు అనుకూలంగా ఉన్నాయి.

చాయిస్ బ్రోకింగ్ ఈక్విటీ రీసెర్చ్ అనలిస్ట్ మందర్ భోజానే మాట్లాడుతూ, ఈ జైకే టైర్​ స్టాక్ ఇటీవల ట్రేడింగ్ పరిమాణంలో గణనీయమైన పెరుగుదలతో రోజువారీ ట్రెండ్​లైన్ నుంచి బయటకు వచ్చిందని, ఇది బలమైన బుల్లిష్ ధోరణిని సూచిస్తుందని అభిప్రాయపడ్డారు.

ధర రూ.450 స్థాయిని దాటితే షార్ట్​ టర్మ్​ టార్గెట్​ రూ.526, రూ.550లకు చేరుకోవచ్చని భోజానే అభిప్రాయపడ్డారు. తక్షణ మద్దతు స్థాయిలు రూ. 424, రూ. 415 వద్ద ఉన్నాయని, అక్కడి చేరితే మంచి బైయ్యింగ్​ అవకాశాలు ఉంటాయని పేర్కొన్నారు.

జేకే టైర్​ ఆర్​ఎస్​ఐ ప్రస్తుతం 67 వద్ద ఉంది. స్టాక్​ అప్​ట్రెండ్​లో దూసుకెళుతోంది. ఇది కొనుగోళ్ల వేగాన్ని సూచిస్తుంది.

రిస్క్​-రివార్డ్​ ఉండాలంటే.. స్టాప్ లాస్​ను రూ.394గా సెట్ చేసుకోవడం మంచిది. ఊహించని మార్కెట్ పరిణామాలు సంభవించినప్పుడు ఈ జాగ్రత్త మీ పెట్టుబడిని రక్షించడానికి సహాయపడుతుంది.

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ లేదా ఇన్​వెస్ట్​మెంట్​ చేసే ముందు.. సొంతంగా ఎనాలసిస్​ ఉండటం శ్రేయస్కరం.)